شينجياڭداعى اۋەجايلاردىڭ كۇندىك جولاۋشى مولشەرى 150 مىڭ ادامنان (رەت) اسىپ، تاريحتاعى ەڭ جوعارى دەڭگەيگە جەتتى
2023.07.11 16:49 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ما ينيڭ 7 - ايدىڭ 9 - كۇنى ۇرىمجىدەن حابارلايدى. ءتىلشىنىڭ شينجياڭ اۋەجاي توبىنان ۇعىسۋىنشا، 7 - ايدىڭ 8 - كۇنى شينجياڭداعى اۋەجايلاردان كىرىپ - شىققان جولاۋشى 150 مىڭ ادامنان (رەت) اسىپ، تاريحتاعى ەڭ جوعارى دەڭگەيگە جەتكەن.
7 - ايدىڭ 1 - كۇنى جازعى تاسىمال باستالعاننان بەرى شينجياڭنىڭ ساياحات بازارى ۇزدىكسىز جاندانىپ، شينجياڭعا باراتىن، شينجياڭدى ساياحاتتايتىن اۋە لەنيالارى جولاۋشىلاردىڭ قارسى الۋىنا بولەندى. شينجياڭ اۋەجاي توبىنىڭ كۇندىك جولاۋشى قابىلداۋ - جونەلتۋ مولشەرى 2019 - جىلداعى كۇندىك جولاۋشى قابىلداۋ - جونەلتۋ مولشەرى 132 مىڭ ادامعا (رەت) جەتكەن تاريحتاعى ەڭ جوعارى دەڭگەيدى جاڭالاۋ نەگىزىندە، ۇزدىكسىز جاڭا ورلەۋ جارىققا شىعىپ، 7 - ايدىڭ 6 - كۇنى 140 مىڭ ادامنان (رەت) اسىپ، 7 - ايدىڭ 8 - كۇنى 150 مىڭ 800 ادامعا (رەت) جەتتى.
ساندى مالىمەتتە كورسەتىلۋىنشە، شينجياڭ اۋەجاي توبى جولاۋشىلار اعىنىنىڭ ارتۋ تەبىنى 2019 - جىلداعى سول تۇستاعى كۇندىك ورتاشا دەڭگەيدەن اسىپ، كۇشتى سەرپىلىس جاساعاندىعىن ايگىلەدى.
”بۇل جولى نەگىزى دۇنيە جۇزىلىك سايتان كەرىشتى جانە مايتاۋ ۇلكەن اڭعارىن ارالاعاننان كەيىن، توڭىرەكتەگى جەرلەرگە بارىپ ساياحاتتايمىز“. 7 - ايدىڭ 9 - كۇنى ۇشاقتان جاڭا تۇسكەن جولاۋشى حۋ مىرزا وزدەرى ءبىر ءۇيلى جاننىڭ ارناۋلى تۇردە چىڭدۋدان قارامايلىعا ساياحاتتاۋعا كەلگەندىگىن ايتتى. ۇعىسۋعا قاراعاندا، 7 - ايدان بەرى بەيجيڭ، شاڭحاي، شي - ان، چىڭدۋدان قارامايلىعا كەلىپ ساياحاتتايتىن جولاۋشىلار ءبىر شاما كوپ بولعان. 7 - ايدىڭ 8 - كۇنى قارامايلى گۋحاي اۋەجايىنىڭ كۇندىك جولاۋشى قابىلداۋ - جونەلتۋ مولشەرى 2156 ادام (رەت) بولىپ، 2023 - جىلعى كۇندىك جولاۋشى قابىلداۋ - جونەلتۋ مولشەرىنىڭ ەڭ جوعارى دەڭگەيىن جاڭالاعان. 7 - ايدا قارامايلى گۋحاي اۋەجايى شاڭحاي، بەيجيڭ، لانجوۋ، جىڭجوۋ سياقتى شينجياڭ سىرتىنا قاتىنايتىن اۋە لەنيالارىن ىركەس - تىركەس جاڭادان كوبەيتىپ جانە قالپىنا كەلتىرىپ، جولاۋشى قابىلداۋ - جونەلتۋ مولشەرىنىڭ ارتۋىن بارىنشا جەبەدى.
جازعى تاسىمالدىڭ جانە ساياحاتتىڭ قاۋىرت مەزگىلىنىڭ كەلۋىنە ىلەسە، شينجياڭ اۋەجاي توبىنىڭ تاسىمال ءوندىرىس مولشەرى ءۇرتىس ارتتى، ءۇرىمجى، قاشقار، كورلا، اقسۋ سياقتى اۋەجايلاردىڭ تاسىمال ءوندىرىس مولشەرى ىلگەرىندى - كەيىندى تاريحتاعى ەڭ جوعارى دەڭگەيدى جاراتتى.
7 - ايدىڭ 5 - كۇنى قازاقستاننان كەلگەن جولاۋشى Tulyubekuly جۇڭگو وڭتۇستىك اۆياتسيا توبى شەكتى سەرىكتەستىگىنىڭ CZ6012 كەزەكشى ۇشاعىنا وتىرىپ الماتىدان ۇرىمجىگە جەتتى. وسى 2 كۇندە ول شينجياڭداعى قامداۋ ساۋداگەرلەرىمەن سەلبەستىك ىستەرىن كەڭەستى. شينجياڭنىڭ ورتا ازيا، باتىس ازيا وڭىرلەرىمەن ساۋداسىنىڭ ۇزدىكسىز ارتۋىنا ىلەسە، ونىڭ ەكى ەل اراسىندا كەلىپ - كەتۋى دە ۇزدىكسىز كوبەيگەن.
وڭتۇستىك اۆياتسيا شينجياڭ بولىمشە سەرىكتەستىگى بازار تيجارات ءبولىمىنىڭ ۇشاق كەزەگىن جوسپارلاۋشىسى لي لين بىلاي دەپ تانىستىردى: قازىر جىڭجوۋ، شاڭحاي، چىڭدۋ، چۇڭچيڭ، نانجيڭ، ۋحان، شيامىن سياقتى باعىتتاردان شينجياڭعا كەلەتىن جولاۋشىلار جەتكىلىكتى، حالىقارالىق باعىتتان تاشكەنت، دۋشانبە، باكۋ سياقتى جەرلەردەن شينجياڭعا كەلەتىن جولاۋشىلاردىڭ ۇشاققا وتىرۋ ورتاشا مولشەرى، نەگىزىنەن، ％80تەن جوعارى بولدى.
ءتىلشىنىڭ ۇعىسۋىنشا، 7 - اي كىرگەلى ءۇرىمجى اۆياتسيا شەكتى جاۋاپكەرشىلىك سەرىكتەستىگىنىڭ شينجياڭعا كىرەتىن اۋە لەنيالارىندا جولاۋشىلاردىڭ ۇشاققا جالپىلىق وتىرۋ مولشەرى ％4. 91كە جەتكەن. جازعى تاسىمال كەزىندە ءۇرىمجى اۆياتسياسى ەل ءىشى كولەمىنە قاتىنايتىن 33 اۋە لەنياسىن اشىپ، 4000عا جۋىق كەزەكشى ۇشاق ۇشىرعان.
بيىل جازعى تاسىمال كەزىندە شينجياڭ اۋەجاي توبى بازاردىڭ جاندانۋ ورايىن مىقتى يگەرىپ، ”ءۇش تور (شينجياڭ ءىشى، ەل ءىشى، حالىقارا)، ءۇش شەڭبەر (سولتۇستىك شينجياڭ شەڭبەرى، وڭتۇستىك شينجياڭ شەڭبەرى، تيانشان شەڭبەرى)“ اۋە لەنياسى تور قۇرىلىمىن ونان ارى كەمەلدەندىرىپ، ”نەگىزگى جەلىنى تارماق جەلىگە تۇتاستىرۋ، تارماق جەلىلەردى ءبىر - بىرىنە تۇتاستىرۋ، تۇتاس تور جەلىسىن تۇتاستىرۋ“ سىندى اۆياتسيا تاسىمال قىزمەت وتەۋ ۇلگىسىن جەدەل قۇردى. سونىمەن ءبىر ۋاقىتتا ءۇرىمجى حالىقارالىق اۋەجايىنىڭ توراپتىق باسىمدىعىن ساۋلەلەندىرىپ، ءارقايسى اۆياتسيا سەرىكتەستىكتەرىمەن بەلسەندىلىكپەن سەلبەسىپ، جولاۋشىلار كوپ باراتىن ساياحات اۋە لەنيالارىنا ۇسىنىلىمدى ۇزدىكسىز ارتتىرىپ، شينجياڭ ىشىندەگى، شينجياڭ سىرتىنداعى ساياحات اۋە جولدارىن ىركىلىسسىزدەندىرىپ، اۋە لەنياسى تورىن ۇزدىكسىز تىعىز توقىپ، جولاۋشى، جۇك تاسىمال كورسەتكىشتەرىنىڭ جاقسارۋعا بەت الۋىن ىلگەرىلەتىپ، شينجياڭعا كەلگىسى كەلەتىن كوپتەگەن ساياحاتشىلاردىڭ وتاننىڭ كەڭ - بايتاق جەرىن، شينجياڭنىڭ كورىكتى كەلبەتىن سەزىنۋىنە مۇمكىندىك جاسادى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
