ءزۇمىرات وبۇل ىلە قازاق اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
جاڭا داۋىردەگى شينجياڭنىڭ حالىق قۇرىلتايى قىزمەتىن جوعارى ساپامەن ىلگەرىلەتۋ كەرەك
2023.07.12 15:53 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لياڭ ليحۋا 7 - ايدىڭ 10 - كۇنى قۇلجادان حابارلايدى. 7 - ايدىڭ 7 - كۇنىنەن 7 - ايدىڭ 9 - كۇنىنە دەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل ىلەدە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق 10 - كەزەكتى پارتكوم سەگىزىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، پارتيانىڭ باسشىلىعىن، حالىقتىڭ قوجايىن بولۋىن، مەملەكەتتى زاڭمەن باسقارۋدى ورگانيكالى ۇشتاستىرۋعا تاباندى بولىپ، جاڭا داۋىردەگى شينجياڭنىڭ حالىق قۇرىلتايى قىزمەتىن جوعارى ساپامەن ىلگەرىلەتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا اناعۇرلىم ويداعىداي كۇش ۇستەۋ كەرەك.
ءزۇمىرات وبۇل موڭعۇلكۇرە اۋدانىنداعى تۇلپار مۇراجايى، قۇلجا اۋدانىنداعى اۋىل - قىستاقتى گۇلدەندىرۋ بويىنشا ءۇش كاسىپتى توعىسپالى دامىتۋدان ۇلگى كورسەتۋ ءتۇيىنى، قورعاس وسى زامانعى اۋىل شارۋاشىلىق عىلىم - تەحنيكا كاسىپ سالاسى باقشاسى سياقتى جەرلەرگە بارىپ، زاڭ ەرەجە شىعارۋ ارقىلى ەرەكشە كاسىپ سالاسىنىڭ جوعارى ساپالى دامۋىن ىلگەرىلەتۋ جاعدايىن ىشكەرىلەي ۇعىستى. ول بىلاي دەپ باسا دارىپتەدى: پارتيانىڭ زاڭ ەرەجە شىعارۋ قىزمەتىنە باسشىلىعىنا تاباندى بولىپ، حالىق قۇرىلتايىنىڭ جەتەكشىلىك رولىن تولىق ساۋلەلەندىرىپ، زاڭ ەرەجەنى عىلمي شىعارۋدى، زاڭ ەرەجەنى دەموكراتيالىق جولمەن شىعارۋدى، زاڭ بويىنشا زاڭ ەرەجە شىعارۋدى ىلگەرىلەتۋ كەرەك. اۆتونوميالى رايوندىق پارتكومنىڭ ورنالاستىرۋىنا تىعىز ىلەسىپ، جوعارى ساپالى دامۋ سىندى وسى ماڭداي الدى مىندەتتى ارقاۋ ەتىپ، ءتۇيىندى سالالاردا، جاڭادان گۇلدەنگەن سالالاردا زاڭ ەرەجە شىعارۋدى كۇشەيتۋ كەرەك. نازاردى ەرەكشە كاسىپ سالاسىن دامىتۋداعى ءتۇيىندى، قيىن ماسەلەلەرگە شوعىرلاندىرىپ، ”شاعىن كىرىسۋ ءتۇيىنى“، ”شاعىن بولەگىن يكەمدى ىستەۋ“ بويىنشا زاڭ ەرەجە شىعارۋعا كوڭىل ءبولىپ، جوعارى ساپالى زاڭ ەرەجە شىعارۋ ارقىلى جوعارى ساپالى دامۋعا قورعان بولۋ كەرەك.
موڭعۇلكۇرە اۋدانى موڭعۇلكۇرە قالاشىعى تۇعىلشىن بۇلاق قىستاعى، توعىزتاراۋ اۋدانى توعىزتاراۋ قالاشىعى كوبەلەك كولى الەۋمەتتىك اۋماعى، قورعاس قالالىق ونەركاسىپ باقشا رايونى ءمالىسى سياقتى حالىق قۇرىلتايى ۋاكىلدەرىمەن بايلانىس جاساۋ پۋنكتىندە، ءزۇمىرات وبۇل حالىق قۇرىلتايى ۋاكىلدەرىمەن بايلانىس جاساۋ پۋنكتى قۇرىلىسى، ۋاكىلدەردىڭ رولىن ساۋلەلەندىرۋى سياقتى جاعدايلاردى سول جەردىڭ وزىندە ۇعىسىپ ءارى ۋاكىلدەرمەن بەتپە - بەت پىكىر اۋىستىردى. ول بىلاي دەپ اتاپ كورسەتتى: جالپى بارىستىق حالىق دەموكراتياسىن ىشكەرىلەي امالياتتا ايگىلەپ، ۋاكىلدەردىڭ قىزمەتىن تەرەڭدەتىپ جانە كەڭەيتىپ، ”ەكىمەن بايلانىس جاساۋ“ ءتۇزىمىن كەمەلدەندىرىپ، تياناقتاندىرىپ، ۋاكىلدەردىڭ حالىق بۇقاراسىمەن تىعىز بايلانىس ورناتۋىنىڭ مازمۇنىن جانە فورماسىن بايىتىپ، قوعام جاعدايىنا، ەل رايىنا بەلسەندىلىكپەن جاۋاپ قايتارىپ، جۇرت تىلەگىن اناعۇرلىم ويداعىداي ۇيىستىرىپ، حالىق رايىن توعىستىرۋ كەرەك. ۋاكىلدەردىڭ مىندەت وتەۋىن، ۇيرەنۋىن كۇشەيتىپ، ”10 مىڭ ۋاكىل 10 مىڭ وتباسىنا بارۋ“ نەگىزگى تاقىرىپتىق امالياتتىق قيمىلىن، ۋاكىلدەر ”وتاۋىن، كەڭسەسىن، پۋنكتىن“ جۇيەلىلەندىرۋ قۇرىلىسىن ىلگەرىلەتىپ، ۋاكىلدەردىڭ زاڭ بويىنشا مىندەت وتەۋىن قولداپ جانە قامتاماسىز ەتىپ، ۋاكىلدەردىڭ رولىن تولىق ساۋلەلەندىرۋ كەرەك.
ءزۇمىرات وبۇل موڭعۇلكۇرە اۋدانى حالىق قۇرىلتايى تۇراقتى كوميتەتى ورگانىنا، توعىزتاراۋ اۋدانى تاستوبە اۋىلى حالىق قۇرىلتايى ءتوراعالار القاسىنا كەلىپ، نەگىزگى ساتى حالىق قۇرىلتايى كادرلارىنا امانداسىپ، ولاردان حال سۇراپ، نەگىزگى ساتى حالىق قۇرىلتايى قىزمەتى جانە قۇرىلىسى جاعدايىن ۇعىستى. ول بىلاي دەپ باسا دارىپتەدى: پارتيانىڭ جاسامپاز نازارياسىنان پايدالانىپ حالىق قۇرىلتايى قىزمەتىن جاپپاي مەڭگەرۋگە جانە ونىمەن جەتەكشىلىك ەتۋگە تاباندى بولىپ، حالىق قۇرىلتايى قىزمەتىنىڭ دۇرىس ساياسي بەتالىسىنا باستان - اياق تاباندى بولۋ كەرەك. ورتالىقتىڭ حالىق قۇرىلتايى قىزمەتى ءماجىلىسنىڭ رۋحىن ىشكەرىلەي دايەكتىلەندىرىپ، تياناقتاندىرىپ، وزەكتى ارقاۋ ەتىپ، كەلەلى جاعدايعا قىزمەت وتەپ، تۋراشىلدىقتان اينىماي جاڭالىق اشىپ، زاڭ بويىنشا مىندەت وتەپ، حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتۋ كەرەك. ساياسي قۇرىلىستى ءبىر تۇتاس باسشىلىققا الىپ، ”ءتورت ورگان“ ورىن تۇراقتاندىرۋ تالابىن مىقتى يگەرىپ، حالىق قۇرىلتايىنىڭ وزىندىك قۇرىلىسىن جاپپاي كۇشەيتىپ، نەگىزگى ساتى حالىق قۇرىلتايى قىزمەتىن كەمەلدەندىرۋدى، دامىتۋدى ىلگەرىلەتۋ كەرەك.
لي نيڭپيڭ تەكسەرۋ - زەرتتەۋدە بىرگە بولدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
