سىرتقى ىستەر مينيسترلىگىنىڭ مالىمدەمەشىسى: ا ق ش – تى جۇڭگو مەن ا ق ش – تىڭ ءار سالاداعى ناقتى سەلبەستىگىنە كەدەرگىلىك جاساۋدى توقتاتۋعا قۋزايمىز

2023.07.11 17:02 كەلۋ قاينارى : حالىق تورابى

　　شينحۋا اگەنتتىگىنىڭ 7 – ايدىڭ 10 – كۇنى بەيجيڭنەن بەرگەن حابارى (ءتىلشى ما جۋويان). سىرتقى ىستەر مينيسترلىگىنىڭ مالىمدەمەشىسى ماۋ نيڭ 7 – ايدىڭ 10 - كۇنى ا ق ش ـ تى قاتەلىكتى تەز ارادا تۇزەتىپ، جۇڭگو مەن ا ق ش ـ تىڭ ءار سالاداعى ناقتى سەلبەستىگىنە كەدەرگىلىك جاساۋدى توقتاتۋعا قۋزادى.

　　ماۋ نيڭ سول كۇنگى كەزەكتى تىلشىلەر جينالىسىندا بىلاي دەدى: تاياۋ جىلداردان بەرى، ا ق ش ءتۇرلى سىلتاۋلارمەن جۇڭگو ازاماتتارىنىڭ ا ق ش – قا بارۋىنا كەدەرگىلىك جاساپ، پالە شىعارىپ تەكسەرۋ جۇرگىزدى. ا ق ش - قا بارعان جۇڭگولىق وقۋشىلاردى شەكارادان كىرگىزبەي قويۋ جانە قايتارىپ جىبەرۋ ىستەرى ۇنەمى تۋىلىپ تۇردى. 2021 – جىلى ا ق ش عىلىم، تەحنيكا، ينجەنەريا جانە ماتەماتيكا كاسىبىن ۇيرەنەتىن كەمىندە 2000 نان استام جۇڭگولىق وقۋشىنىڭ ۆيزاسىنا قول قويۋدان باس تارتتى، بىلتىر 1 – ايدان 10 – ايعا دەيىن جۇڭگولىق وقۋشىلاردىڭ ا ق ش – قا بارىپ ۆيزا اشتىرۋ مولشەرى وتكەن جىلدىڭ ۇقساس مەزگىلىندەگىدەن %38 تومەندەدى. تاياۋدا ا ق ش جۇڭگونىڭ قاشقىنداردى قۋعىنداۋ، ارام ولجانى قايتارىپ الۋ قىزمەتىنە جات نيەتپەن كۇيە جاقتى، ءادىليالىق تاسىلدەردەن پايدالانىپ، جۇڭگو ازاماتتارى مەن ا ق ش – تاعى جۇڭگولىقتاردىڭ ۇستىنەن ارىز كوتەرىپ، قاماۋعا الدى، فينتايني ماسەلەسىندە جاۋاپكەرشىلىكتى باسقاعا يتەرمەلەدى، ارانداتۋ سيپاتتى زاڭ اتقارىپ، سونداي – اق ەل اتتاپ جۇڭگو ازاماتتارىن بارىمتالادى، جۇڭگونىڭ ناقتى تۇلعاسى مەن جەكە ادامدارىنىڭ ۇستىنەن ارىز – شاعىم كوتەردى.«ءبىز ا ق ش ـ تى قاتەلىگىن تەزىرەك تۇزەتىپ، جۇڭگو مەن ا ق ش ـ تىڭ ءار سالاداعى ناقتى سەلبەستىگىنە كەدەرگىلىك جاساۋدى توقتاتۋعا، سونىمەن بىرگە جۇڭگو كاسىپورىندارى مەن ازاماتتارىن قالاعانىنشا قاماۋعا الۋدى، زاڭسىز بەتالدى شاعىم بەرۋدى توقتاتىپ، جۇڭگونىڭ ا ق ش – تاعى كاسىپورىندارى مەن ازاماتتارىنىڭ ورىندى، زاڭدى ۇقىق ـ مۇددەسىن شىنايى قورعاۋعا قۋزايمىز» دەدى ماۋ نيڭ.

　　ماۋ نيڭ بىلاي دەدى: جۇڭگو زاڭمەن باسقارىلاتىن مەملەكەت، قاتىستى تاراۋلاردىڭ شەتەل كاسىپورىندارىنا زاڭ بويىنشا حاۋىپسىزدىك تەكسەرۋ جۇرگىزۋ ۇيعارىمى زاڭ مەن فاكت نەگىزىندە جاسالعان. جۇڭگو ءار ەل ازاماتتارىنىڭ، كاسىپورىندارىنىڭ جۇڭگوعا ساياحاتتاي كەلۋىن، ساۋدامەن شۇعىلدانۋىن قارسى الادى، سونداي - اق ولاردىڭ شەكارادان كىرىپ - شىعۋ ەركىندىگىن قامتىعان جۇڭگوداعى حاۋىپسىزدىگى مەن زاڭدى ۇقىق - مۇددەسىن زاڭ بويىنشا قامتاماسىزداندىرادى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved