2023 - جىلعى جىبەك جولى ەكولوگيا جانە بايلىق جاعىنداعى باياندى دامۋ حالىقارالىق جاس عالىمدار تالقى مىنبەرى وتكىزىلدى
كوپ ەلدىڭ عالىمدارى شينجياڭدا باس قوسىپ، جاسىل جىبەك جولىن دامىتۋدى بىرگە اقىلداستى
2023.07.12 15:57 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى شيە حۇيبيان 7 - ايدىڭ 10 - كۇنى ۇرىمجىدەن حابارلايدى. 7 - ايدىڭ 8 - كۇنى 2023 - جىلعى جىبەك جولى ەكولوگيا جانە بايلىق جاعىنداعى باياندى دامۋ حالىقارالىق جاس عالىمدار تالقى مىنبەرى ءۇرىمجى قالاسىندا وتكىزىلىپ، جىبەك جولى بويىنداعى 35 مەملەكەت پەن وڭىردەن كەلگەن 300دەن استام ۋاكىل (210 جاس عالىمدى، 10نان استام جۇڭگونىڭ ەكى اكادەمياسىنىڭ اكادەميكتەرى مەن شەتەلدىك اكادەميكتەردى قامتيدى) ”ءبىر بەلدەۋ، ءبىر جول“ بويىنىڭ عىلىم - تەحنيكا سەلبەستىگى جونىندە ۇسىنىس قويىپ، جاسىل جىبەك جولىن دامىتۋعا بىرگە دەم بەردى.
سول كۇنى تۇستەن بۇرىن وتكىزىلگەن تالقى مىنبەرىنىڭ اشىلۋ سالتىندا، جۇڭگو عىلىم اكادەمياسىنىڭ اكادەميگى شياۋ ۋىنجياۋ، جۇڭگو ينجەنەريا اكادەمياسىنىڭ اكادەميگى دىڭ ميڭجياڭ، وزبەكستان رەسپۋبليكاسى عىلىم اكادەمياسى وسىمدىكتەردى زەرتتەۋ ورنىنىڭ باستىعى كامىلچوڭ تاجىبايەۆ، قاتىناس - تاسىمال مينيسترلىگى تاس جول عىلمي زەرتتەۋ ورنى اۆتوكولىك تاسىمال ورتالىعىنىڭ مەڭگەرۋشىسى جوۋ ۋي، شياڭگاڭ داشۋەسىنىڭ كومەكشى ورىنباسار مەكتەپ باستىعى سىن حاۋجاڭ جەكە - جەكە «ورتا ازياداعى تاۋدىڭ قالىڭداپ قالىپتاسۋ بارىسى مەن مينەرالداۋ رولى»، «تومەن كومىر قىشقىل گازدى جاسىل الاپتى قۇرۋ جانە زور ەكولوگيالىق رەتتەۋ»، «تيانشان − حالىقارالىق بوتانيكالىق زەرتتەۋ تۇعىرى»، «تومەن كومىر قىشقىل گازدى، جوعارى ءونىمدى قاتىناس جۇيەسىن قۇرىپ، ەكونوميكانىڭ جوعارى ساپالى دامۋىنا قۋات ۇستەيىك»، «ەلىكتەمەلى كلەتكا» تاقىرىپتارىندا ارناۋلى تاقىرىپتىق بايانداما جاسادى.
مۇنان سىرت، تالقى مىنبەرىنىڭ اشىلۋ سالتىندا تاعى جۇڭگونىڭ تۇڭعىش ”جاسىل ەلەكترلەنگەن تاس جولى“ جانە جاڭاشا وسىزاماندانعان كەشەندى قاتىناس جۇيەسى قۇرىلىسى نىسانى عىلىم - تەحنيكا سەلبەستىگى شارتىنا قول قويۋ، حالىقارالىق جىبەك جولى عىلىم اكادەمياسى جاڭالىق اشۋ بازاسى، عىلىم - تەحنيكا ديپلوماتتارى ۇيىنە ماڭدايشالىق بەرۋ سالتى وتكىزىلدى. مۇنىڭ ىشىندە جۇڭگونىڭ تۇڭعىش ”جاسىل ەلەكترلەنگەن تاس جولى“ جانە جاڭاشا وسىزاماندانعان كەشەندى قاتىناس جۇيەسى قۇرىلىسى نىسانى قازىندى ەنەرگيانىڭ ورنىنا جاڭا ەنەرگيالى ەلەكتر ىستەتىپ، اسپالى ەلەكتر تورى ارقىلى پويەزدى ەلەكترمەن قامداۋدى قوزعاۋشى كۇش قاينارى ەتىپ، مۇنايعا يەك سۇيەۋدى جانە كومىر قىشقىل گازىن شىعارۋدى ازايتىپ، تاسىمال ونىمدىلىگى مەن تاسىمال قۋاتىن ارتتىرىپ، تاسىمال وزىندىك قۇنىن ۇنەمدەپ، جاسىل، زەردەلى، جوعارى ءونىمدى، وزىندىك قۇنى تومەن زات اينالىمى مەن قامبادا ساقتاۋدى جۇزەگە اسىرادى، سونداي - اق قاتىناس، زات اينالىمى جابدىعىن جاساۋ، زەردەلى قاتىناس سياقتى كاسىپ سالاسىنىڭ دامۋىن جەبەيدى.
سول كۇنى تۇستەن كەيىن، ماجىلىسكە قاتىناسۋشىلار جۇڭگو عىلىم اكادەمياسى شينجياڭ ەكولوگيا جانە جاعراپيا زەرتتەۋ ورنىندا قۋاڭ وڭىرلەردىڭ ەكولوگيالىق قالتقىسى جانە ەكولوگيا حاۋىپسىزدىگى، ارال تەڭىزى الابىنىڭ باياندى دامۋى جانە جاسامپاز تەحنيكالاردان پايدالانۋدى، قۋاڭ وڭىرلەردىڭ ورگانيزم بايلىعىن جەتىلدىرۋدى جانە باياندى پايدالانۋدى، ەنەرگيا كەن ونىمدەرى بايلىعىن جاسىل بارلاۋدى، ورتا ازياداعى تۇڭعىش ”جاسىل ەلەكترلەنگەن تاس جول“ جانە جاڭاشا قاتىناس - تاسىمال نىسانىن باستاۋدى ارقاۋ ەتىپ ارناۋلى تاقىرپتا اۋىس - كۇيىس جاسادى جانە زەرتتەۋ - تالقى ورىستەتتى. سونىمەن بىرگە عىلىم - تەحنيكا بويىنشا ديپلوماتيالىق قىزمەت وتەۋدى باياندى دامىتۋدى، ورتا ازيا ءوڭىرى ەكونوميكالىق سەلبەستىك (CAREC) ءوڭىرىنىڭ سيىسىمدى سيفرلانۋى مەن سيفر جىلعاسىن ارقاۋ ەتىپ 2 مايدان دوڭگەلەك ۇستەل ءماجىلىس وتكىزدى.
ءماجىلىستى ۇيىمداستىرۋشى، دۇنيە جۇزىلىك جاس عالىمدار جوعارى دارەجەلىلەر كەڭەسىنىڭ اتقارۋشى باس حاتشىسى ۋاڭ مىڭ بىلاي دەدى: قىسقا عانا 2 اي ۋاقىت ىشىندە الەمنىڭ جەر - جەرىنەن كەلگەن 300دەن استام ۋاكىل وسى رەتكى تالقى مىنبەرىنە قاتىناسۋعا تىزىمدەلدى، جۇڭگو شينجياڭىنىڭ مول بايلىعى، وزگەشە وڭىرلىك ورنى ولاردى باۋرادى. جۇڭگونىڭ شينجياڭى عىلمي زەرتتەۋ جۇرگىزەتىن تابيعي تاجىريبەحانا، ءتىپتى دە كوپ جاس عىلىم - تەحنيكا قىزمەتكەرلەرىنىڭ شينجياڭعا نازار اۋدارىپ، جىبەك جولى بويىنداعى ەلدەردىڭ ەكولوگيا جانە بايلىق جاعىنداعى باياندى دامۋىنا نازار اۋدارىپ، ادامزاتتىڭ تاعدىرلاس ورتاق تۇلعاسىن بىرگە قۇرۋىن ءۇمىت ەتەمىن.
وسى رەتكى قيمىلدى جۇڭگو عىلىم - تەحنيكا قوعامى، شينجياڭ ۇيعۇر اۆتونوميالى رايوندىق حالىق ۇكىمەتى باس بولىپ وتكىزدى، جۇڭگو عىلىم اكادەمياسى شينجياڭ ەكولوگيا جانە جاعراپيا زەرتتەۋ ورنى مىندەتىنە الىپ وتكىزىپ، ەل ءىشى - سىرتىنداعى 30عا تاياۋ ورىننىڭ بىرگە قولداۋىنا يە بولدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
