”شينجياڭدىق دوسىم بولسا ەكەن دەپ قاتتى ارماندايمىن“
− دوۋيىن بلوگشىسى @ لۋرىنجيا لۇيشيڭجيدىڭ وسى بەينەجازباسى نەلىكتەن سان مىڭ سايتتاستى اسەرلەندىردى
□ انار بۇلت \ شينجياڭ گازەتىنىڭ ءتىلشىسى ءابيبا
2023.07.12 15:51 كەلۋ قاينارى : حالىق تورابى
”لاقتى كورگىڭ كەلە مە“؟ ”كورگىم كەلەدى“! ”وندا بەرى كەل“!
نارات جايلاۋىندا قاراپايىم ءبىر - ەكى اۋىز ديالوگ ارقىلى ميلليون جانكۇيەرگە يە بولعان دوۋيىن بلوگكەرى @ لۋرىنجيا لۇيشيڭجي 5 جارىم جاستاعى كىشكەنتاي قىز بالا ۇكىلاي پاراسات ەسىمدى جاڭا دوسىمەن تانىستى ءارى ۇسىنىسپەن كىشكەنتاي قىزدىڭ ۇيىنە بارىپ، بىرگە تاماقتانىپ، بىرگە اڭگىمەلەسىپ، بىرگە ويناپ، ”بۇكىل شينجياڭداعى ەڭ اسەم كورىنىستى“ كوردى. ”مەن بۇلاردىڭ ءبارى اقى الىناتىن ءتۇر دەپ ويلاپپىن، مالشىلاردىڭ ءبىزدى الىستان كەلگەن دوس رەتىندە كۇتىپ الارىن ويلاماپپىن“، - دەدى @ لۋرىنجيا لۇيشيڭجي.
7 - ايدىڭ 9 - كۇنى ول ”نە ءۇشىن ساحاراداعى ادامدار وسىنشاما قاراپايىم دا اق پەيىل، اشىق - جارقىن بولادى“ دەگەندى تاقىرىپ ەتىپ، ءوزىنىڭ كەشىرمەسىن بەينەجازبا تورىندا جاريالاعاننان كەيىن، سان مىڭداعان سايتتاستى لەبىز قالدىرۋعا باۋراپ، 330 مىڭنان استام ادام القاعان.
سايتتاستار سۇيىنە ارت - ارتىنان لەبىز قالدىردى، ”شينجياڭدىق دوسىم بولسا ەكەن دەپ قاتتى ارماندايمىن“، ”شينجياڭدىقتار ەرەكشە قوناعۋار“، ”ساياحاتتاعى ەڭ جاقسى كەشىرمە وسىدان ارتىق بولاما“...
@ لۋرىنجيا لۇيشيڭجي انار بۇلت \ شينجياڭ گازەتى ءتىلشىسىنىڭ تىلشىلىگىن قابىلداعاندا بىلاي دەدى: ايەلىم ەكەۋىمىز قىزىمىز ان - اندى ەرتىپ، 6 - ايدىڭ اياق شەنىندە شينجياڭعا ساياحاتقا كەلدىك، جارتى ايدان استام ۋاقىتتىڭ ىشىندە ءبىز اسەم كورىنىستى تاماشالاۋمەن بىرگە، كوپتەگەن ءدامدى تاعامداردان ءدام تاتىپ، شينجياڭدىقتاردىڭ قىزۋ ىقىلاسىن جانە پاك قاراپايىمدىلىعىن سەزىندىك، ”ەل بۇل ارانىڭ كورىنىسى ەڭ كورىكتى دەسەدى، ءبىراق شينجياڭدا تۇرمىس كەشىرىپ جاتقان ادامدار ءتىپتى دە ارداقتى ەكەن. مەن ءتىپتى دە كوپ ادامداردىڭ شىنايى دا اسەم شينجياڭدى كورۋىنە مۇمكىندىك جاراتۋ ءۇشىن، ساياحاتتاعى بۇل بەينەجازبالارىمدى قيىپ - رەتتەپ جاريالادىم“.
سول كۇنگى جاعدايدى ەسكە العاندا، @ لۋرىنجيا لۇيشيڭجي بىلاي دەدى: سول كۇنى قۇربان ايت مەرەكەسى دەمالىسىنىڭ ءبىرىنشى كۇنى ەدى، كۇنەس اۋدانىنىڭ نارات ساياحات كورىنىس وڭىرىندەگى ينتەرنەتتەگى تانىمال كوپىرگە بارىپ سەيىلدەۋگە قامدانعان ەدىك، جول - جونەكەي جايلاۋدا شالماشى جىگىتتى تاماشالاپ تۇرعانىمىزدا، ءبىر كشكەنتاي قىز بالا اسىر سالىپ جانىمىزعا جەتىپ كەلىپ، بىزبەن اڭگىمەلەسىپ، ىقىلاسپەن ءبىزدى ۇيىنە لاقتى كورۋگە ۇسىنىس ەتتى. مەن وزىمشە كىشكەنتاي بالا ءجون بىلمەگەننەن كەيىن بەيتانىس ادامدى ۇيىنە باستاپ وتىر دەپ ويلاپپىن، قىز بالانىڭ وتباسىنداعىلار ءبىزدى ىستىق ىقىلاسپەن كۇتىپ الارىن ويلاماپپىن، بىزگە جەمىس - جيدەك جانە قوي ەتىن اكەلىپ بەردى. ”كورىنىس وڭىرىندە بارىنە اقى تولەنەتىندىگىن ەستىگەنمىن، ءبىز بۇل ارادا ءبىر جاعىنان، ءىشىپ - جەپ، ءبىر جاعىنان، سۋرەتكە ءتۇسىپ جاتىرمىز، ولاردىڭ اقى الۋ ەكىلىگىن كورسەتۋىن توسىپ، دايىندالىپ وتىرعانمىن، الايدا ولاردا ونداي بەينە بولمادى، سۇيتسەم، مەن ولار ءۇشىن دوس ساناتىندا ەكەنمىن“.
ۇكىلايدىڭ شەشەسى ءلازيرا قوسىنباي تىلشىگە بىلاي دەدى: قىزىمىز جالعىز بالا، وتە قاعىلەز، مىنەزى اسىر سالعان لاققا ۇقسايدى. وتارىمىز ناراتتاعى ءتور جايلاۋدىڭ ماڭىندا، ساياحاتشىلاردى ۇنەمى كەزدەستىرەمىز. ۇكىلاي ساياحاتشىلارمەن اڭگىمەلەسۋدى ۇناتادى، كىشكەنتاي ساياحاتشىلاردى كورسە ولارمەن بىرگە وينايدى، ۇنەمى ولاردى ۇيگە باستاپ كەلىپ كۇتىپ جاتادى. ”ساياحاتشىلارعا ءبىزدىڭ تۇرمىسىمىز تاڭسىق سەزىلەتىن سياقتى، بىزدە الىستان كەلگەن قوناقتاردى ىستىق ىقىلاسپەن كۇتىپ الامىز“، - دەدى ءلازيرا.
سايتتاستاردىڭ ءوز وتباسىن القاعاندىعىن بىلگەننەن كەيىن، ۇكىلايدىڭ اكەسى پاراسات نۇركەلدى قىسىلعانداي سەزىندى. ”باسقا مالشىلار بولسا دا وسىلاي ىستەيدى“. ول بىلاي دەدى: وسىنشاما كوپ ساياحاتشىلار شالعايدان شينجياڭعا كەلىپ ساياحاتتاپ، توڭىرەكتەگى مالشىلار شاتتىعى ساياجايىنىڭ، حالىقتىق تۇسەلحانالاردىڭ، ت. ب دامۋىن جەبەدى، مالشىلاردىڭ تۇرمىسى دا كۇننەن - كۇنگە جاقسارا ءتۇستى، ”ساياحاتشىلار مالشىلاردىڭ تۇرمىسىن سەزىنۋدى ۇناتادى، ولار ىزگى نيەتتەرىن الا كەلدى، بىزدە ىزگى نيەتپەن كۇتىپ الۋىمىز ءتيىس. جايلاۋدا ’اتا - بابادان قالعان مۇرادان قوناقتىڭ سىباعاسى بار‘ دەيتۇعىن ماقال بار، ءوز ۇيىندە الىستان كەلگەن دوسىن كۇتىپ الۋ بارشاعا ءمالىم جول - جوسىن“.
@ لۋرىنجيا لۇيشيڭجي مەن ۇكىلاي وتباسىنداعىلار ءالى حابارلاسىپ تۇرادى. بەينەجازبانىڭ لەبىز قالدىرۋ بولىگىندە، @ ۇكىلايدىڭ شەشەسى لەبىز قالدىرىپ بىلاي دەدى: ”ۇكىلاي كۇندە ان - ان سىڭلىسىمەن بىرگە ويناۋدى اڭسايدى، قاشان ان - اندى ناراتقا ەرتىپ كەلەسىزدەر“؟ @ لۋرىنجيا لۇيشيڭجي بىلاي دەپ جاۋاپ قايتاردى: ”كەلەر جىلى ءبىز تاعى كەلەمىز، ان - انمەن بىرگە سيىر ساۋامىز“.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
