جالپى 11 ميلليارد 430 ميلليون يۋان قارجى قوسىلدى، گەنەراتور اگراگاتتارى سيىمدىلىعى ءبىر ميلليون 400 مىڭ كيلوۆاتقا جەتتى
شينجياڭداعى سالىنىپ جاتقان گەنەراتور اگراگاتتارى سيىمدىلىعى ەڭ ۇلكەن سۋ شىعارىپ ەنەرگيا ساقتاۋ ەلەكتر ستانسياسى نىسانىندا جۇمىس باستالدى
2023.07.12 15:59 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى چىن چياڭۋي 7 - ايدىڭ 10 - كۇنى بۋىرشىننان حابارلايدى. 7 - ايدىڭ 10 - كۇنى بۋىرشىن اۋدان ورتالىعىنان 40 كيلومەتر جەردە دۋماندى مۋزيكا ءۇنى ىشىندە بۋىرشىن سۋ شىعارىپ ەنەرگيا ساقتاۋ ەلەكتر ستانسياسى نىسانىندا قۇرىلىس باستالدى. بۇل شينجياڭنىڭ ”14 - بەسجىلدىقتاعى“ تەكسەرىپ بەكىتىلىپ قۇرىلىس باستاعان سۋ شىعارىپ ەنەرگيا ساقتايتىن تۇڭعىش ەلەكتر ستانسياسى نىسانى ءارى شينجياڭداعى سالىنىپ جاتقان گەنەراتور اگراگاتتار سيىمدىلىعى ەڭ ۇلكەن سۋ شىعارىپ ەنەرگيا ساقتاۋ ەلەكتر ستانسياسى.
بۋىرشىن سۋ شىعارىپ ەنەرگيا ساقتاۋ ەلەكتر ستانسياسى نىسانىنا جالپى 11 ميلليارد 430 ميلليون يۋان قارجى قوسىلعان، باستىسى، جوعارعى سۋ قويماسى، تومەنگى سۋ قويماسى، سۋ جەتكىزۋ جۇيەسى، جەر استى زاۆود ءۇيى سياقتى قۇرىلىستاردان قۇرالعان، گەنەراتور اگراگاتتار سيىمدىلىعى ءبىر ميلليون 400 مىڭ كيلوۆات. جوعارعى سۋ قويماسىنىڭ قالىپتى سۋ ساقتاۋ دەڭگەيى 1470 مەتر، قويمانىڭ جالپى سيىمدىلىعى 8 ميلليون 318 مىڭ تەكشەمەتر، ەڭ ۇلكەن توسپانىڭ بيىكتىگى 74 مەتر؛ تومەنگى سۋ قويماسىنىڭ قالىپتى سۋ ساقتاۋ دەڭگەيى 878 مەتر، ەڭ ۇلكەن توسپانىڭ بيىكتىگى 62 مەتر، قويمانىڭ جالپى سيىمدىلىعى 7 ميلليون 766 مىڭ تەكشەمەتر.
”ەلەكتر ستانسياسى مەجەمەن 2029 - جىلى سالىنىپ ءبىتىپ ىسكە قوسىلادى، جوباداعى جىلدىق ەلەكتر تاراتۋ مولشەرى ءبىر ميلليارد 750 ميلليون كيلوۆات ساعات“. شينحۋا (بۋىرشىن) سۋ شىعارىپ ەنەرگيا ساقتاۋ ەلەكتر تاراتۋ شەكتى سەرىكتەستىگىنىڭ باس ديرەكتورى لي جيڭ مىنالاردى ءبىلدىردى: بۋىرشىن سۋ شىعارىپ ەلەكتر ساقتاۋ ەلەكتر ستانسياسى نىسانى − بۋىرشىن سۋدى، جەلدى، جارىقتى، ساقتاۋدى ءبىر تۇلعالاندىرۋ ۇلكەن بازاسىنىڭ ماڭىزدى قۇرامداس بولىگى. وندىرىسكە قوسىلعاننان كەيىن، جىلدىق ەلەكتر تاراتۋ مولشەرى 726 مىڭ 900 توننا ولشەمدى كومىردى ۇنەمدەگەنمەن، 2 ميلليون 186 مىڭ 500 توننا كومىر قىشقىل گازىن ىعىستىرۋدى ازايتقانمەن بارابار بولادى.
بۋىرشىن سۋدى، جەلدى، جارىقتى، ساقتاۋدى ءبىر تۇلعالاندىرۋ ۇلكەن بازاسى بۋىرشىن سۋ شىعارىپ ەنەرگيا ساقتاۋ ەلەكتر ستانيساسى نىسانىنا سۇيەنىپ، 4: 1ىنداي كولەممەن 5 ميلليون 600 مىڭ كيلوۆات جاڭا ەنەرگيانى سايكەستىرىپ، ”15 - بەسجىلدىقتىڭ“ سوڭعى مەزگىلىندە سۋ ەلەكتر، سۋ شىعارىپ، ەنەرگيا ساقتاۋ ەلەكتر ستانسياسى، جەل ەلەكتر، فوتوۆولت جانە جاڭا تيپتەگى ەنەرگيا ساقتاۋ ءبىر تۇلعالى 10 ميلليون كيلوۆات دارەجەلى جاسىل ەنەرگيا ۇلكەن بازاسىن قۇرۋدى جوسپارلاپ وتىر.
شينجياڭ شينحۋا سۋ ەلەكتر قارجى قوسۋ جارنا شەكتى سەرىكتەستىگى پارتكومىنىڭ شۋجيى، القا باستىعى جاڭ باۋحۋ مىنالاردى ءبىلدىردى: بۋىرشىن سۋ شىعارىپ ەنەرگيا ساقتاۋ ەلەكتر ستانسياسى نىسانى قۇرىلىسىن بار كۇشپەن ىلگەرىلەتىپ، نىساننىڭ ەرتەرەك وندىرىسكە قوسىلۋىنا شىنايى كەپىلدىك ەتىپ، التاي ايماعىنىڭ اۆتونوميالى رايون دارەجەلى 10 ميلليون كيلوۆاتتىق تازا ەنەرگيا بازاسىن سومداۋىنا دەم بەرىپ، جاڭا ەنەرگيانى نەگىزگى تۇلعا ەتكەن جاڭا تيپتەگى ەلەكتر قۋاتى جۇيەسىن قۇرىپ، مەملەكەتتىڭ دامۋ كەلەلى جاعدايى مەن اۆتونوميالى رايوننىڭ جوعارى ساپالى دامۋىنا قىزمەت وتەيمىز.
قازىرگە دەيىن شينحۋا سۋ كۇشى ەلەكتر تاراتۋ شەكتى سەرىكتەستىگىنىڭ شينجياڭداعى مەڭگەرۋگە بولاتىن گەنەراتور اگراگاتتار كولەمى 10 ميلليون كيلوۆاتتان اسقان، جالپى 50 ميلليارد يۋاننان استام قارجى قوسقان، تۇتاس شينجياڭداعى ەڭ ۇلكەن سۋ ەلەكتر قارجى قوسۋ تيجارات كاسىپورنى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
