نەگىزگى تاقىرىپتىق تاربيە بويىنشا تەكسەرۋ - زەرتتەۋ جەتىستىكتەرىن ساياحات بازارى ءتارتىبىن قورعاۋدىڭ ءىس جۇزىندىك ارەكەتىنە اينالدىرۋ كەرەك
شينجياڭداعى كوپتەگەن تاراۋ قول ۇستاسا وتىرىپ ساياحاتتىڭ قاۋىرت مەزگىلىندە قىزمەت وتەۋ قامتاماسىزدىعىن كۇشەيتتى
□ انار بۇلت \ شينجياڭ گازەتىنىڭ ءتىلشىسى ياۋ گاڭ
2023.07.13 16:37 كەلۋ قاينارى : شينجياڭ گازەتى
ساياحاتتىڭ قاۋىرت مەزگىلى كەلىپ، شينجياڭنىڭ جەر - جەرى شينجياڭ ءىشى - سىرتىنداعى قىرۋار ساياحاتشىنى قارسى الدى. ساياحاتشىلار قايتكەندە كوڭىلدى ويناپ، الاڭسىز تاماقتانىپ، قامسىز قونادى، ساياحات بازارىنىڭ قالىپتى ءتارتىبىن قالاي قورعاۋ كەرەك؟ شينجياڭنىڭ مادەنيەت - ساياحات جانە بازار باقىلاۋ - باسقارۋ تاراۋلارى ورىستەتىلىپ جاتقان نەگىزگى تاقىرىپتىق تاربيەنى وراي ەتىپ، جەر - جەردەگى كورىنىس وڭىرلەرىنە، كورىنىس تۇيىندەرىنە ىشكەرىلەي بارىپ، سول جەردىڭ وزىندە تەكسەرۋ، احۋال ۇعىسىپ اڭگىمەلەسۋ، تەكسەرۋ سۇراۋ قاعازىن تاراتۋ سياقتى ءتۇرلى ادىستەر ارقىلى تەكسەرۋ - زەرتتەۋ ورىستەتىپ، جەر - جەردىڭ قابىلداۋ قۋاتى، قىزمەت وتەۋ قۇرىلعىلارى، باعا بەلگىلەۋ سياقتى جاقتارداعى نەگىزگى جاعدايىن انىق ۇعىپ، قول ۇستاسا ”كەشەندى شارا“ اتقارىپ، ساياحات بازارىن بىلىقتىرعان زاڭعا، ەرەجەگە قايشى ارەكەتتەردى جونگە سالىپ، ساياحات بازارىنىڭ ءتارتىبىن ىلگەرىلەي جۇيەگە ءتۇسىردى.
اۆتونوميالى رايوندىق مادەنيەت - ساياحات مەڭگەرمەسى بازار باقىلاۋ - باسقارۋ مەكەمەسىمەن بىرلەسكەن تەكسەرۋ - زەرتتەۋ گرۋپپاسىن قۇرىپ، قاشقار ايماعىنا بارىپ ساياحاتتىڭ قاۋىرت مەزگىلىندەگى باعاعا تەكسەرۋ - زەرتتەۋ جۇرگىزدى. تاشقورعان تاجىك اۆتونوميالى اۋدانىندا تەكسەرۋ - زەرتتەۋ گرۋپپاسى قاتىستى فۋنكتسيالىق تاراۋلاردىڭ جانە ءبىر ءبولىم مەيمانحانالاردىڭ، حالىقتىق تۇسەلحانالاردىڭ، كورىنىس وڭىرلەرىنىڭ ۋاكىلدەرىمەن اڭگىمە ءماجىلىسىن اشىپ، كورىنىس وڭىرلەرى ەسىك بەلەتىنىڭ باعاسىن جانە قاتىناس بويىنشا قىزمەت وتەۋ باعاسىنىڭ اتقارىلۋ جاعدايىن، ەسىك بەلەتى باعاسىن تومەندەتۋ، كەشىرىم ەتۋ ساياساتىنىڭ تياناقتانۋ جاعدايىن ءتۇيىندى ۇعىسىپ، ساياحاتتىڭ قاۋىرت مەزگىلىندە باعا جاعىنداعى قىزمەتتەر جونىندە پىكىر جانە ۇسىنىس جينادى.
سونىمەن بىرگە اۆتونوميالى رايوندىق مادەنيەت - ساياحات، بازاردى باقىلاۋ - باسقارۋ سياقتى تاراۋلار باعا تەكسەرۋگە جەتەكشىلىك ەتۋ قىزمەتى حابارلاندىرۋى، ساياحات بازارىنىڭ باعا ەسكەرتۋ حاتى سياقتىلاردى تاراتىپ، ساياحات بازارىنىڭ ءتارتىبىن شىنايى قورعادى.
اۆتونوميالى رايوندىق مادەنيەت - ساياحات مەڭگەرمەسى بازار باسقارۋ باسقارماسى پارتيا ياچەيكاسىنىڭ شۋجيى، باسقارما باستىعى ساۋ جىحۇي مىنالاردى ءبىلدىردى: ”تەكسەرۋ - زەرتتەۋ ارقىلى ءبىز ساياحاتقا ساياتىن كاسىپورىنداردىڭ تيجارات جاعىنداعى جاعدايىن يگەرىپ، ساياحاتتىڭ دامۋىنا تۇساۋ بولىپ وتىرعان فاكتورلاردىڭ قايسى ەكەندىگىن بىلدىك، سونداي - اق تەكسەرۋ - زەرتتەۋ جاعدايىنا نەگىزدەلىپ، قاتىستى تاراۋلارمەن سايكەسىپ، ساياحات كاسىبىمەن شۇعىلدانۋشىلاردىڭ بەلگىلەمە بويىنشا باعاسىن انىق جازباعان، جالعان ۇگىت جاساعان، ەرەجەگە قايشى اقى العان، باعادا الدامكوستىك ىستەگەن سياقتى ارەكەتتەرىن باقىلاۋ - تەكسەرۋ تەبىنىن كۇشەيتىپ، ساياحات باعاسىنداعى ارىزدى، مالىمدەۋدى زاڭ بويىنشا ءبىر جايلى ەتىپ، ساياحاتشىلاردىڭ شينجياڭدى كوڭىلدى ساياحاتتاۋىنا وراي جاراتتىق“.
ىشكەرىلەي تەكسەرۋ - زەرتتەۋ جۇرگىزۋ، پىكىر تىڭداۋ، جان - جاقتى تالداۋ جاساۋ نەگىزىندە، اۆتونوميالى رايوندىق مادەنيەت - ساياحات مەڭگەرمەسى اۆتونوميالى رايوننىڭ ساياحات كاسىپ سالاسىن دامىتۋعا جەتەكشىلىك ەتۋ گرۋپپاسىنىڭ باسقا دا مۇشە ورىندارىمەن بىرگە «ساياحاتتىڭ قاۋىرت مەزگىلىندە قىزمەت وتەۋگە قامتاماسىز ەتۋ، بازار ءتارتىبىن جۇيەگە ءتۇسىرۋ جونىندەگى اتقارۋ جوباسىن» اقىلداسىپ جاساپ، ”ءۇي باعاسىنىڭ وتە قىمبات بولۋى“، ”اس - سۋدىڭ وتە قىمبات بولۋى“ سياقتىلاردى جونگە سالۋدى ءتۇيىن ەتىپ، ساياحات بازارى باعاسىن قاداعالاۋ - تەكسەرۋدى، تالداۋ جاساۋدى، رەتتەۋدى كۇشەيتىپ، ساياحات بازارى باعاسىنىڭ ءتارتىبىن شىن مانىندە قورعادى ءارى ساياحاتشىلار زات ساتىپ العاندا، زات قايتارعاندا ساياحات مەكەمەلەرى الدىمەن تولەي تۇرۋ جونىندە اشىق ۋادە بەرۋ جانە ساياحاتتا ساتىپ العان زاتتاردى 14 كۇن ىشىندە شارتسىز قايتارۋ ءتۇزىمىن جالپىلاستىرىپ اتقاردى.
باعادا الدامكوستىك ىستەۋ سياقتى زاڭعا قايشى ارەكەتتەردى تەكسەرىپ ءبىر جايلى ەتۋمەن بىرگە، جەر - جەر ساياحاتتاعى قونۋ كاسىبىنىڭ ساپاسىن جوعارىلاتىپ، دەڭگەيىن ءوسىرۋ ينجەنەرياسىن اتقارىپ، قىزمەت وتەۋ ساپا دارەجەسىن باعالاۋدى جەتەكشى ەتىپ، جۇلدىز دارەجەلى ساياحات مەيمانحاناسىن، جاسىل قوناقجايدى، نەگىزگى تاقىرىپتىق قوناقجايدى، دەمالىس قوناقجايىن، دارەجەلى حالىقتىق تۇسەلحانانى، سارا قوناقحانالاردى، ءوز اۆتوكولىگىمەن ساياحاتتاپ قوناتىن اۆتوكولىك لاگەرلەرىن ماركالاندىرا دامىتۋدى جەدەل ىلگەرىلەتىپ، دالا لاگەرى، ەكولوگيالىق قورجا، اۆتوكولىك قوناقجايى سياقتى كوپ ءتۇرلى قونالقى جەر كاسىپ كۇيىنىڭ دامۋىن قولداپ، جوعارى ساپالى قونالقى جەر ماركاسىن باۋلىدى.
”جەر - جەر مەيمانحانا، قوناقجاي، جاتاقحانالاردىڭ توسەك سانىن، اس - سۋمەن قامداۋ مولشەرىن جان - جاقتى انىقتاپ، جەرگىلىكتى ورىننىڭ ساياحاتشىلاردى قابىلداۋداعى ەڭ زور قۋاتىن يگەردى. قابىلداۋ قۋاتى تومەن وڭىرلەر شاتىر، تۇزگى تۇراق سياقتى زاپاس قاجەتتى جابدىقتاردى دايىنداپ، ءاربىر ساياحاتشىنىڭ ىستىق تاماق جەي الۋىنا، جايلى قونىسى بار بولۋىنا شىنايى كەپىلدىك ەتەمىز“، - دەدى ساۋ جىحۇي.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
