حان جىڭ جۇڭگو - امەريكا 14 - كەزەكتى ونەركاسىپ - ساۋدا جەتەكشىلەرى مەن بۇرىنعى جوعارى دارەجەلى ءمانساپتىلاردىڭ سۇحپاتىنا قاتىناسقان امەريكا جاقتىڭ ۋاكىلدەرىمەن كەزدەستى

2023.07.13 16:38 كەلۋ قاينارى : حالىق تورابى

　　شينحۋا اگەنتتىگى، 7 - ايدىڭ 12 - كۇنى، بەيجيڭ. مەملەكەت ءتوراعاسىنىڭ ورىنباسارى حان جىڭ 7 - ايدىڭ 11 - كۇنى بەيجيڭدە جۇڭگو - امەريكا 14 - كەزەكتى ونەركاسىپ - ساۋدا جەتەكشىلەرى مەن بۇرىنعى جوعارى دارەجەلى ءمانساپتىلاردىڭ سۇحپاتىنا قاتىناسقان امەريكا جاقتىڭ ۋاكىلدەرىمەن كەزدەستى.

　　حان جىڭ مىنالاردى ءبىلدىردى: جۇڭگو مەن امەريكا − دۇنيە ءجۇزى بويىنشا الدىڭعى ەكى ۇلكەن ەكونوميكالىق تۇلعا، جۇڭگو - امەريكا قارىم - قاتىناسى − دۇنيە جۇزىندەگى ەڭ ماڭىزدى ەكى جاقتى قارىم - قاتىناس. جۇڭگو - امەريكا قارىم - قاتىناسىنىڭ اقاۋسىز، ورنىقتى دامۋىن ىلگەرىلەتۋدىڭ تەتىگى ءتوراعا شي جينپيڭ العا قويعان ءوزارا قۇرمەت ەتۋ، بەيبىت قاتار تۇرۋ، سەلبەسىپ تەڭ يگىلىككە كەنەلۋ پرينسيبىن ارەكەتتە تياناقتاندىرۋدا. بۇگىنگى دۇنيە جۇزىندە باسەكە بارلىق جەردە بار، ءبىراق بۇل سەن جەڭىلىپ، مەن جەڭەتىن نولدىك جيىنتىق ويىنى ەمەس، تەڭ يگىلىككە كەنەلۋدى جەبەيتىن تاماشا باسەكە بولۋعا ءتيىس. جۇڭگو رەفورما جاساۋدى، ەسىك اشۋدى تاباندىلىقپەن ىلگەرىلەتەدى، امەريكانى قامتىعان ءار ەل كاسىپورىندارىنىڭ جۇڭگو بازارىنا تەرەڭ تامىر تارتىپ، دۇنيە جۇزىلىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن، ىركىلىسسىزدىگىن قورعاۋعا، دۇنيە ءجۇزى ەكونوميكاسىنىڭ دامۋىن ىلگەرىلەتۋگە ۇلەس قوسۋىن قارسى الادى.

　　امەريكا جاقتىڭ ۋاكىلى مىنانى ءبىلدىردى: امەريكا مەن جۇڭگونىڭ ەكونوميكا - ساۋدا قاتىناسى تىعىز، قازىر ءدوپ كەلىپ وتىرعان قيىنشىلىقتار مەن تۇراقسىزدىقتار ادامدى الاڭداتادى. امەريكا كاسىپورىن سالاسى جۇڭگومەن سەلبەستىكتى ۇزدىكسىز كەڭەيتىپ، كوپىرلىك، دانەكەرلىك رولىن بەلسەنە ساۋلەلەندىرىپ، امەريكا - جۇڭگو قارىم - قاتىناسىنىڭ اقاۋسىز، ورنىقتى دامۋىن ىلگەرىلەتۋدى قالايدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved