عاسىرلىق كونە شايحانا جاڭا حيكايالاردى باياندادى
□ انار بۇلت \ شينجياڭ گازەتىنىڭ ءتىلشىسى حان چين - يان
2023.07.14 15:33 كەلۋ قاينارى : شينجياڭ گازەتى
”بۇل جولدى دۇرىس ءجۇرىپپىن“. تولاسسىز كەلىپ جاتقان قوناقتاردى كورىپ، مامەتكەرىم مامەت سۇيىنە كۇلدى.
كەزىندە اكەسى كۇشپەن وزىنە وتكىزىپ بەرگەن جابىلۋعا شاق قالعان وسى بىرنەشە بولمەلى عاسىرلىق كونە شايحانانىڭ ينتەرنەتتەگى تانىمالى جەرگە اينالاتىنىن 35 جاستاعى مامەتكەرىم ويلاماعان ەدى.
مامەتكەرىم ىركەس - تىركەس كەلىپ جاتقان كونە قاريدارلار تاپسىرىس بەرمەسە دە ولاردىڭ اس ۇيدەگىلەرگە قانداي شاي ىشۋگە تاپسىرىس بەرەتىنىن بىلەتىن. ول كونە قاريدارلاردىڭ ۇناتاتىن دامدەرىنە قانىق ەدى. ساياحاتشىلار كەلگەندە عانا شاي تىزىمدىگىن الىپ شىعاتىن.
شايحانادا ۇستىنە تەكەمەت توسەلگەن، بيىكتىگى جارتى مەتردەي توپىراق ساكى بار. كونە قاريدارلار ساكىنىڭ ۇستىندە مالداس قۇرىپ وتىرىپ اڭگىمەلەسۋدى جاقسى كورەدى. كەيدە شاي ىشۋشىلەر شايحاناداعى دۇتتاردى شەرتىپ ءان شىرقايدى، كەيدە قوناقتار بالكونعا شىعىپ، كوشەدەگى ارلى - بەرلى قايشالىسىپ جاتقان ادامدارعا ءۇن - ءتۇنسىز نازار سالادى.
”شايحاناداعى مادەنيەتتىڭ تارتىمدىلىعى مەنى وزىنە باۋرادى. مەنىڭ قاشقارعا ساياحاتتاي كەلۋىمدەگى ەڭ ماڭىزدى سەبەپ وسى بولاتىن“. شايحانادا گۋاڭجوۋدان كەلگەن ساياحاتشى ليۋ حانىم مەن سەرىكتەرى ءۇنسىز وتىرىپ شاي ءىشىپ، اراسىندا فوتو اپپاراتتارىمەن وسى تاماشا ساتتەردى ەستەلىككە الىپ وتىردى.
ءبىر شاۋگىم شاي 28 يۋان، ءبىر نان 2 يۋان، بۇل شاي ىشۋگە كەلگەن ءبىر قاريداردىڭ تۇستەن كەيىنگى ۋاقىتتاعى تۇتىنۋى بولۋى مۇمكىن. جەرگىلىكتى تۇرعىنداردىڭ كوبى ەڭ ارزان شايدى تۇتىنادى. جازدا ساياحاتشىلار ماقسارى، روزا گۇلى، بۇرشاق، بال سياقتى قوسىمشا ماتەريالدار قوسىلعان ءدارى شايدى تاڭدايدى، مۇنىڭ باعاسى قىمباتتاۋ بولادى.
مامەتكەرىم كەزىندە زەرگەر بولعان، باستابىندا شايحانانى جاقسى كورمەيتىن. ”بىرتە - بىرتە بايىپتىلىقپەن ءوزىمنىڭ شايحانا تۇرمىسىن جاقسى كورە باستاعانىمدى ءبىلدىم“، - دەدى ول، - ”شاي ىشۋگە كەلەتىندەردىڭ كوبى ورتا جاستاعىلار مەن قارتتار، ولاردىڭ كوبى قولونەر شەبەرلەرى. قازىر ولار قولونەرىن كەيىنگىلەرگە وتكىزىپ، وزدەرى ءار كۇنى شايحاناعا كەلىپ جايلى تۇرمىس كەشىرۋدە. ولارمەن اڭگىمەلەسۋ ارقىلى ءومىردىڭ كوپتەگەن قاعيدالارىن ءتۇسىندىم، سونداي - اق كوپتەگەن عاجايىپ قىزىقتى ىستەردى دە ەستىدىم. بىرگە شاي ىشكەندە شاي بارعان سايىن ءدامدى بولا تۇسەدى“.
كونە شايحانانىڭ جاعراپيالىق ورنى قولايلى، بايىرعى قالانىڭ دۋماندى كوشەسى − وستەڭبويى كوشەسىندەگى بەلگى سيپاتتى قۇرىلىس. سونىمەن بىرگە بۇكىل قاشقار بويىنشا ساقتالعان بىردەن - ءبىر عاسىرلىق كونە دۇكەن. بايىرعى قالاعا كەلگەن ساياحاتشىلاردىڭ كوبى كونە شايحانادان ءدام تاتىپ قايتادى.
”بىلتىر مەن شاڭحايعا ۇيرەنۋگە باردىم، قايتىپ كەلگەننەن كەيىن وزىق تاجىريبەلەردى ۇلگى ەتىپ، تيجارات ءتاسىلىن جاقسارتتىم“. داۋىرمەن بىرگە ىلگەرىلەگەن مامەتكەرىم دوۋيىن ءنومىرىن اشتى ءارى شايحانادا شينجياڭنىڭ كەپتىرىلگەن جەمىس - جيدەكتەرىنىڭ، پراندىكتىڭ تۇرلەرىن مولايتتى، جەرگىلىكتى ەرەكشەلىككە يە ءدارى شايلاردى دا ساتتى.
”مەن عاسىرلىق كونە شايحانانى جۇرگىزۋشى ءتورتىنشى ۇرپاقپىن. كونە شايحانانى وتكىزىپ العان 10 نەشە جىلدان بەرى قاشقاردىڭ ساياحاتىنىڭ قاۋىرت دامۋىنا تۋرا كەلدىم. پارتيانىڭ ابزال ساياساتىنىڭ ارقاسىندا شايحانانىڭ ساۋداسى كۇسەت بولدى. شايحانادا العاشقى كەزدە 6 ۇستەل بولسا، قازىر 14 ۇستەل، 5 ارناۋلى بولمە بار؛ ەڭ العاشىندا مۋزيكانت ءوز ەركىمەن كەلىپ مۋزيكا ويناسا، ال قازىر شايحانادا تۇراقتى تۇراتىن ءبىر انسامبىلدى جالدادىق.“ ساياحاتشىلاردىڭ ءتۇرلى فوتو اپپاراتپەن سۋرەتكە ءتۇسىرىپ جاتقاندىعىن كورگەن مامەتكەرىم فوتو سۋرەتكە ءتۇسىرۋ ءۇشىن بىرنەشە كاسىپتىك فوتوگرافتى جالداپ، قاريدارلارعا قىزمەت وتەدى.
”تۇستەن بۇرىن ساعات 10 دا تيجارات باستاپ، كەشكى ساعات 11 دە جابامىز، قىس بولسىن، جاز بولسىن، ءار كۇنى ساياحاتشىلاردىڭ اياعى ءۇزىلىپ كورگەن جوق“، - دەدى مامەتكەرىم، - ”ساياحات قاۋىرت مەزگىلدە شايحانادا ينە شانشار جەر قالمايدى“.
”ءومىرى وسى ارادا شاي ءىشىپ كەلەمىن“. شايحانادا سەكسەننىڭ سەڭگىرىنەن اسقان ابدىرەشيت الىم: ”بۇرىن شايحانانىڭ قارسى الدىندا جەمىس - جيدەك، كەپتىرىلگەن جەمىس - جيدەك ساتاتىنمىن. زەينەتكە شىققاننان كەيىن كۇندە وسى اراعا كەلەتىن بولدىم. بۇرىن بۇل جەر وتە كىشكەنە بولاتىن، قازىر ساۋداسى كەڭەيىپ، بارعان سايىن دامي ءتۇستى“، - دەدى.
”جاڭا داۋىردەن قالماۋ ءۇشىن، 70 جاسقا دەيىن ىستەپ، زەينەتكە شىقسام با دەيمىن“، - دەدى مامەتكەرىم.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
