شينجياڭ ءبىر ميلليون 170 مىڭ توننا ءبيداي ساتىپ الدى
2023.07.14 15:31 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ ي 7 - ايدىڭ 12 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتى اقپارات كەڭسەسى اشقان 2023 - جىلعى شينجياڭنىڭ جازعى استىق ساتىپ الۋ قىزمەت جاعدايى جونىندەگى اقپار جاريالاۋ ماجىلىىسىنەن ۇعىسۋىمىزشا، كەزەكتە شينجياڭنىڭ جازعى استىق ساتىپ الۋ قىزمەتى تاماشا باستاما اشىپ، اياق الىسى ءساتتى بولعان. قازىرگە دەيىن تۇتاس رايون ءبىر ميلليون 170 مىڭ توننا ءبيداي ساتىپ العان، بۇل وتكەن جىلعى سول تۇستاعىدان 230 مىڭ توننا ارتتى. تۇتاس رايون بويىنشا 3 - دارەجەدەن جوعارى ءبيدايدىڭ ورتاشا باعاسىنىڭ كيلوگرامى 2.6 يۋان بولىپ، وتكەن جىلعى سول تۇستاعىدان كيلوگرامىنا 04. 0 يۋان جوعارىلاعان.
بيىلعى جازعى استىق ساتىپ الۋ قىزمەتى باستالعاننان بەرى جەر - جەر كۇنى بۇرىن كىرىسىپ، ءار جاقتىڭ كۇشىن ءبىر تۇتاس جوسپارلاپ، ءونىم مەن ساتىپ الۋ جاعدايىنا تالداۋ جاساۋدى تياناقتاندىردى، قامبا سيىمدىلىعى دايىندىعىن تياناقتاندىردى، ساتىپ الۋ جابدىقتارىن جانە ادامداردى تياناقتاندىردى، ساياساتتىق ۇگىتتى تياناقتاندىردى، كۇنى بۇرىن بازارعا كىرگىزۋدى تياناقتاندىردى. تۇتاس رايوندا بوساتىلعان، بىرىكتىرىلگەن قامبا سيىمدىلىعى 4 ميلليون 560 مىڭ توننا بولدى، اۋىل شارۋاشىلىعىن دامىتۋ بانكەسى شينجياڭ بولىمشە بانكەسى جازعى استىق ساتىپ الۋ سەنىمدى امانات قارىز اقشا قارجىسىنان 13 ميلليارد 800 ميلليون يۋان دايىنداپ، سەنىمدىلىك بەرۋ قىزمەتىن نەگىزىنەن ورىنداپ، ”قامبا استىقتى كۇتىپ تۇرۋدى“، ”اقشا استىقتى كۇتىپ تۇرۋدى“ ورىندادى.
تانىستىرۋعا قاراعاندا، بيىل تۇتاس رايوننىڭ جازعى استىق ساتىپ الۋ قىزمەتى بازارلانۋ ۇستانىمىن ورناتىپ، كاسىپورىنداردىڭ تۇلعالىق ورنىنا قۇرمەت ەتىپ، ورتانى جاقسارتۋ، ساياساتتى ساپالىلاندىرۋ، تۇعىر ورناتۋ سياقتى جاقتاردا زور كۇش سالىپ، ءتۇرلى شارۋاشىلىق تۇلعالارىنىڭ بازارعا كىرىپ ساتىپ الۋىنا شارت - جاعداي جاراتقان. سونىمەن بىرگە جەر - جەر استىق ساتىپ الۋ ساياساتىن كەڭ كولەمدە ۇگىتتەپ، ينتەرنەت جەلىسىندە كۇنى بۇرىن كەلىسىپ ساتىپ الۋدى بەلسەنە جالپىلاستىرىپ، ساندى مالىمەتتى كوبىرەك ىسكە قوسىپ، شارۋالاردىڭ از شاپقىلاۋىنا مۇمكىندىك جاساعان. جەر - جەر تاعى استىق وندىرىسىنەن كەيىنگى قىزمەت وتەۋ ورتالىعىنىڭ رولىن بەلسەنە ساۋلەلەندىرىپ، ارناۋلى تۇتاستاي جەل قاقتىرۋ قۇرالدارىن ازىرلەپ، شارۋالاردىڭ جيناستىرىپ جەل قاقتىرۋىنا جەتەكشىلىك ەتىپ، ءبيدايدىڭ دارەجەسىنىڭ جوعارىلاپ، جاقسى باعادا ساتىلۋىنا مۇمكىندىك جاساعان.
كەزەكتە وڭتۇستىك شينجياڭداعى ايماق، وبلىستاردىڭ جازعى استىق ساتىپ الۋى جاپپاي تارازىلاۋعا ءوتتى، ىلە قازاق اۆتونوميالى وبلىسى، تارباعاتاي ايماعى، سانجى حۇيزۋ اۆتونوميالى وبلىسى سياقتى جەرلەردەگى ءبىر ءبولىم اۋدان، قالالاردا ساتىپ الۋ ىركەس - تىركەس باستالدى، جەر - جەردىڭ ساتىپ الۋ باعاسى جانە بازار اينالىمى تۇگەلدەي ءبىرشاما ورنىقتى بولدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
