شينجياڭنىڭ اس - سۋ تۇتىنۋى ۇزدىكسىز جانداندى
2023.07.14 15:29 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى يۇي جياڭيان 7 - ايدىڭ 12 - كۇنى ۇرىمجىدەن حابارلايدى. بيىلعى دۋان - ۋ مەرەكەسى دەمالىسى كەزىندە جانە قۇربان ايت دەمالىسى كەزىندە ءۇرىمجى قالاسى يىڭبيڭ جولىنداعى كروران ميكاۋ قاقتاماسىندا ءار كۇنى قاريدار ۇزىلمەدى. ”قاريدارلاردىڭ تورتتەن ءۇشى ساياحاتشىلار، كەيبىر ساياحاتشىلار ۇشاقتان تۇسىسىمەن جۇكتەرىن سۇيرەتىپ، قاقتاما جەۋگە كەلەدى“. كروران ميكاۋ قاقتاماسى يىڭبيڭ جولى دۇكەنىنىڭ باستىعى جاۋ جىنحۇڭ: ”ساياحاتتىڭ قاۋىرت مەزگىلىنىڭ جەتىپ كەلۋىنە بايلانىستى دۇكەنىمىزدىڭ ساۋداسى بارعان كۇسەتتەندى، قازىر كۇندىك جولاۋشى اعىنى 800دە 1000 ادامعا جەتەدى“، - دەدى.
كروران ميكاۋ قاقتاماسى، نەگىزىنەن، شينجياڭنىڭ ەرەكشە ءدامدى تاعامدارىن ساتادى، ساياحاتشىلاردىڭ، ءسوز جوق، كەلەتىن ينتەرنەتتە تانىمال دۇكەندەردىڭ ءبىرى. ”سوڭعى جىلدارى شينجياڭنىڭ ەرەكشە ءدامدى تاعامدارى اس - سۋىنىڭ دامۋ ارىنى تەبىندەي ءتۇستى“. شينجياڭ اس - سۋ قوعامىنىڭ باستىعى ۋاڭ روبيڭ مىنالاردى ءبىلدىردى: ساياحات كاسىبىنىڭ قارىشتاپ دامۋى كروران ميكاۋ قاقتاماسى، سۇيىكتى شينجياڭ، يانيۇي تيانشان، سىلۋيوۋيۋە، انار قىزاردى، شييۇي نا - ي، سىلۋدۇڭفاڭ سياقتى شينجياڭنىڭ ەرەكشە ءدامدى تاعامدارى اس - سۋ دۇكەندەرىنەن ءبىر توبىن جەتىلدىردى.
وسى اس - سۋ دۇكەندەرىنىڭ ورتاق ەرەكشەلىگى − شينجياڭنىڭ مول تورە تاباق ءدامدى تاعامدارىن ادەمىلەپ جاساپ، ساندەپ اكەلەدى، باتىسشا تاعامداردى جاساۋ جانە تاباققا ءتىزۋ تاسىلىنەن ۇلگى العان، بۇل وسى زامانعى تۇتىنۋ قاجەتىنە ءتىپتى دە ۇيلەسەدى. سونىمەن بىرگە دۇكەننىڭ اشەكەيلەنۋى مادەنيەت استارىنا ءتىپتى دە يە، وعان ءان - ءبي، ويىن نومىرلەرى قوسىلعاندا ساياحاتشىلاردىڭ مادەنيەت تۇتىنۋ قاجەتىن اناعۇرلىم ويداعىداي قاناعاتتاندىرادى.
جۇڭگو قوناق ساراي قوعامىنىڭ باقىلاۋ - تەكسەرۋىنە قاراعاندا، 2022 - جىلى بۇكىل ەلدىڭ 10 ءىرى تاعام جۇيەسى تۇرىندە شينجياڭ قۋىرماشتار بولىگىنە قارجى قوسقان اس - سۋلاردىڭ ارتۋ مولشەرى ءبىرىنشى ورىندى يەلەگەن. ”قازىر توعىسپالى جاڭالىق اشقان شينجياڭ قۋىرماشتارىنا، اس - سۋلارىنا قارجى قوسۋ وراي مەزگىلىن قارسى الدى“، - ۋاڭ روبيڭ، - ”شينجياڭنىڭ ەرەكشە ءدامدى تاعامدارى اس - سۋ دۇكەندەرى ۇلاسپالى دۇكەندەر اشىپ، بەيجيڭ، شاڭحاي، شىنجىن، سۋجوۋ، چىڭدۋ، شي - ان قاتارلى جەرلەرگە دەيىن دامىدى“، - دەدى.
حالىقتىق قارجى قوسۋ شينجياڭنىڭ ەرەكشە ءدامدى تاعامدارىنىڭ ورنالاسىمىن جەدەلدەتۋمەن بىرگە، شينجياڭنىڭ الدىن الا جاسالعان تاعامدارى دا ورايعا ءدوپ كەلدى. جياۋماجي، اشتى - تۇشتى قوي سيراعى، سامسا، داپانجي، پالاۋ سياقتى شينجياڭ ەرەكشەلىگىنە يە ءدامدى تاعامدارىن قازىر تۇگەلدەي الدىن الا جاساۋعا بولادى.
شينجياڭ مايدودو ازىق - تۇلىك عىلىم - تەحنيكا شەكتى سەرىكتەستىگى پەتىر ءمانتى مەن سامسانى ەڭ ەرتە الدىن الا جاساعان كاسىپورىنداردىڭ ءبىرى. 5 تە 6 جىلدىڭ الدىندا تەز توڭازىتىلعان پەتىر ءمانتىنى شيامىن، بەيجيڭ قاتارلى جەرلەرگە ساتقان بولاتىن. ”ساتۋدىڭ قاۋىرت مەزگىلىندە تەز توڭازىتىلعان پەتىر ءمانتى مەن سامسادان كۇنىنە 200 مىڭىن ساتامىز“. وسى سەرىكتەستىكتىڭ القا باستىعى ۋاڭ شىڭ ”قازىر سەرىكتەستىگىمىز شەكەرلى قارما ناندى، ەتتى قارما ناندى، سورەلى ەتتى الدىن الا جاساۋدىڭ امالىن قاراستىرۋدا، تەحنيكادان قامال الۋ ارقىلى الدىن الا جاسالعان وسى قۋىرماشتاردى ساتىپ الىپ، جىلىتىپ داستارقانعا قويعاندا ءدامىنىڭ اۋەلگى قالپىنا كەلۋى ％90تەن اسادى“، - دەدى.
الدىن الا جاسالعان قۋىرماش كاسىپ سالاسىنا قارجى قوسۋدىڭ ورايىن يەلەگەن شينجياڭ بايچىڭ شيانشى (توبى) قامداۋ تىزبەگى شەكتى سەرىكتەستىگى سوڭعى 5 جىلدا 20 ميلليون يۋان قارجى قوسىپ، ساياحات، الەۋمەتتىك اۋماقتاردىڭ توپتىق ساتىپ الۋى، ساۋدا سارايى، ەرەن بازار سياقتى بازارلارعا باعىتتاي وتىرىپ جۇزدەن استام تۇردەگى الدىن الا جاسالعان قۋىرماشتاردى زەرتتەپ اشتى، مۇنىڭ ىشىندە 30 تۇردەن استامى بەيجيڭ، شاڭحاي قاتارلى جەرلەرگە جالپىلاسىپ، ساتىلدى.
شينجياڭدا تىركەۋگە الىنعان اس - سۋ تيجارات ورىندارى شامامەن 119 مىڭ، مۇنىڭ ىشىندە ۇرىمجىدە شامامەن 18 مىڭ 900ى بار. بيىل جىل باسىنان بەرى شينجياڭنىڭ اس - سۋ كاسىبى ۇزدىكسىز جاندانعان، اۆتونوميالى رايوندىق ساناق مەكەمەسىنىڭ ساناعىنا قاراعاندا، 1 - ايدان 4 - ايعا دەيىن شينجياڭداعى شەكتەۋلى نورمادان جوعارى ورىنداردىڭ اس - سۋ كىرىسى 3 ميلليارد 87 ميلليون يۋان بولىپ، سايكەس مەزگىلدەگىدەن ％4. 11 ارتقان.
”كاسىپ قوعامىنىڭ رولىن ساۋلەلەندىرىپ، اس - سۋ كاسىپ سالاسىنا ءوندىرىس حاۋىپسىزدىگى جونىندەگى ۇگىت، جەتەكشىلىك سەرپىنىن ارتتىرامىز“. ۋاڭ روبين مىنالاردى ءبىلدىردى: شينجياڭنىڭ اسۋ - سۋ كاسىبى كاسىپ سالاسىنىڭ وزىندىك تەجەمىن كۇشەيتىپ، حاۋىپسىز دە الاڭسىز تۇتىنۋ ورتاسىن بىرگە جاراتىپ، قاريدارلاردىڭ شينجياڭنىڭ ءدامدى تاعامدارىنان شات - شادىمان ءلاززاتتانۋىنا مۇمكىندىك جاساۋى كەرەك.
”اس - سۋ كاسىبى 3 - كاسىپتەگى تىرەكتى كاسىپ سالاسى رەتىندە، ەكونوميكانى ورنىقتىرۋ، جۇمىستانۋدى ورنىقتىرۋ، حالىق تۇرمىسىن قامتاماسىز ەتۋ جونىنەن ماڭىزدى مانگە يە“. اۆتونوميالى رايوندىق ساۋدا ىستەرى مەڭگەرمەسى ساۋداعا قىزمەت وتەۋ جانە ساۋدا قىزمەت وتەۋ كاسىبى باسقارماسىنىڭ باستىعى ۋاڭ چاڭجيڭ مىنالاردى ءبىلدىردى: سوڭعى جارتى جىلدا ءار تۇردەگى ءدامدى تاعامدار كورمەسى، جەڭىل تاعامداردى باعالاۋ قيمىلى سياقتىلار ارقىلى شينجياڭنىڭ ەرەكشە، ايگىلى دۇكەندەرىن، ايگىلى قۋىرماشتارىن، ايگىلى جەڭىل تاعامدارىن اشىپ، شينجياڭنىڭ اس - سۋ حيكاياسىن ويداعىداي بايانداپ، سىرتتا وبراز سومداپ، ىشتە ىقپال ۇيىستىرىپ، تۇتىنۋ ومىرشەڭدىك كۇشىن ونان ارى قاۋلاتىپ، كاسىپتىڭ اقاۋسىز دامۋىن جەبەۋدى جوسپارلاپ وتىرمىز.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
