الدىڭعى جارتى جىلدا شينجياڭدا 70 ءتۇيىندى نىساندا جاڭادان جۇمىس باستالدى
2023.07.14 15:31 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى شى شين 7 - ايدىڭ 12 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، الدىڭعى جارتى جىلدا اۆتونوميالى رايوندا 70 ءتۇيىندى نىساندا جاڭادان جۇمىس باستالىپ قۇرىلىس جۇرگىزىلگەن، جالپى قوسىلعان قارجى 337 ميلليارد 600 ميلليون يۋان بولىپ، جۇمىس باستاۋ مولشەرى ％78كە جەتىپ، جيىنى 51 ميلليارد 100 ميلليون يۋان قارجى قوسىلعان.
كاسىپ سالاسىنان الىپ قاراعاندا، الدىڭعى جارتى جىلدا توقسۋ − باي تەمىر جولى، G219 جەلىسى اراسان − قورعاس تاس جولى، گانچۋانپۋ (ءۇرىمجى سولتۇستىك ۆوگزالى − ۋسايۋان قوس جەلىسىن وزگەرتىپ جالعاپ ۋجياچۇيعا جەتكىزۋدى قامتيدى) 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى سياقتى 10 نەشە ءتۇيىندى نەگىزدىك قۇرىلعى نىسانىندا جاڭادان جۇمىس باستالىپ، قۇرىلىس جۇرگىزىلدى، جالپى 154 ميلليارد 800 ميلليون يۋان قارجى قوسىلدى؛ اقسۋ اسا جۇقا قوس اينەكتى جوعارى ءونىمدى فوتوۆولتتىق بولشەكتەردى زەردەلى جاساۋ نىسانى، مەيشىڭ كەن كاسىبى كۇنەس اۋدانىنىڭ قاتپا اسۋ (مىس) رۋداسىن قازۋ - سۇرىپتاۋ ينجەنەرياسى، جۇڭسۋ ەنەرگيا عىلىم - تەحنيكا شەكتى سەرىكتەستىگىنىڭ جىلىنا 150 مىڭ توننالىق BDO (4 ،1 - بۋتاديول) نىسانى، تۇرپان يۇندا كاسىپ سالاسى باقشاسى قۇرىلىس نىسانى سياقتى 31 ءتۇيىندى كاسىپ سالاسى نىسانىندا تىڭنان جۇمىس باستالىپ، قۇرىلىس جۇرگىزىلدى، بۇعان جالپى 130 ميلليارد 400 ميلليون يۋان قارجى قوسىلدى؛ شينجياڭ اۋىل شارۋاشىلىعى داشۋەسىنىڭ نەگىزدىك قۇرىلعىسى، كۇنەس اۋدانى قايىڭساي قىستاعى ساياحات دەمالىس ورنىنىڭ دارەجەسىن ءوسىرىپ، جاڭالاۋ، ءۇرىمجى قالاسىنىڭ ۇلپا قالا قۇرىلىسىنان ۇلگى كورسەتەتىن قالا قۇرىلىسىن جۇيەلى، تۇتاس ءوڭىر بويىنشا ىلگەرىلەتۋ سياقتى 23 ءتۇيىندى حالىق تۇرمىسى نىسانىندا تىڭنان جۇمىس باستالىپ، قۇرىلىس جۇرگىزىلدى، بۇعان جالپى 52 ميلليارد 400 ميلليون يۋان قارجى قوسىلدى.
الدىڭعى جارتى جىلدا فىڭحۋاڭ − ءۇرىمجىنىڭ سولتۇستىگىⅡقايتىمدى جەلىسىنىڭ 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى، ءۇرىمجى − سانجى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى، فىڭحۋاڭ − ياجۇڭⅡقايتىمدى جەلىسى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى سىندى اۆتونوميالى رايوننىڭ 3 ءتۇيىندى ەلەكتر تورى نىسانى سالىنىپ ءبىتىپ ىسكە قوسىلدى، بۇعان شارپىلعان جالپى قوسىلعان قارجى 2 ميلليارد 100 ميلليون يۋان بولدى. مۇنىڭ ىشىندە فىڭحۋاڭ − ءۇرىمجىنىڭ سولتۇستىگىⅡقايتىمدى جەلىسىنىڭ 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى مەن ءۇرىمجى − سانجى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى ءۇرىمجىنىڭ سولتۇستىگى − فىڭحۋاڭ − شيحۋ − بۇراتالا وبلىسى − ىلە ەلەكتر جەتكىزۋ، كەرنەۋ وزگەرتۋ ينجەنەرياسىنىڭ ماڭىزدى قۇرامداس بولىگى ءارى ءۇرىمجى − سانجى ءوڭىرىنىڭ 750 كيلوۆولتتىق قوس اينالما تورىنىڭ ماڭىزدى ءبىر اينالماسى، ينجەنەريا ىسكە قوسىلعاننان كەيىن، ىلە − ءۇرىمجى − سانجى ەلەكتر جەتكىزۋ قۋاتىن جانە ەلەكتر تورى جۇيەسىنىڭ حاۋىپسىزدىگىن، تۇراقتىلىق سيپاتىن جوعارىلاتادى؛ فىڭحۋاڭ − ياجۇڭⅡقايتىمدى جەلىسى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى − شينجياڭنىڭ ەلەكتر تورىنىڭ وڭتۇستىك پەن سولتۇستىك ءوزارا كومەكتەسەتىن، شىعىس پەن باتىس ءوزارا قامدايتىن ماڭىزدى تورابى، ىسكە قوسىلعاننان كەيىن، تۇتاس شينجياڭنىڭ ەنەرگيا بايلىعىنىڭ ساپالى جايعاسۋىن ونان ارى جەبەيدى جانە شينجياڭ ەلەكترىن سىرتقا جەتكىزۋ قۋاتىن جوعارىلاتادى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
