71 جاستاعى اجەي ءوزى اۆتوموبيل جۇرگىزىپ سىچۋان مەن شيزاڭعا ساياحاتتاپ، ەستىگەن جاندى ەلىكتىردى
2023.07.14 16:35 كەلۋ قاينارى : حالىق تورابى
جۋىردا 71 جاستاعى اجەيدىڭ ءوزى اۆتوموبيل جۇرگىزىپ سىچۋان - شيزاڭ تاس جولىن بويلاي ساياحاتتاعانى جونىندەگى كەسكىن ينتەرنەتتە قىزۋ تالقىلاندى. كەسكىندە اجەيدىڭ بايىپپەن اۆتوموبيل جۇرگىزىپ بارا جاتقانى كورسەتىلگەن ...
7 - ايدىڭ 10 - كۇنى ءتىلشى كەسكىندەگى شۇي اجەيدىڭ قىزى شۇي حانىممەن حابارلاسقان. ”شەشەم بۇرىن اۋىل - قىستاقتا ەگىن ەگكەن كەزدە اۋدان قالاشىعىنا بارۋعا قولايلى بولۋ ءۇشىن كىشكەنە اۆتوبۋز جۇرگىزگەن، كەيىن جاسى ۇلعايعان سوڭ، ءبىز ونىڭ ونشا جاپا شەگۋىن قالاماي، وعان اناعۇرلىم حاۋىپسىز اۆتوموبيل الىپ بەرۋدى ويلادىق“، — دەيدى.
2021 - جىلى 5 - ايدا، ول اناسىنا جاڭا ۇلگىدەگى وتاندىق SUV اۆتوموبيلىن الىپ بەرەدى. ”سول جىلى 7 - ايدا ءبىزدىڭ بالامىز دەمالىسقا تاراعان سوڭ، شەشەم جانە بالاممەن بىرگە توتەسىنەن ىشكى موڭعۇلعا ءوزىمىز اۆتوموبيل جۇرگىزىپ ساياحاتتاپ باردىق، سول جىلى شەشەم 69 جاستا بولاتىن، ءبىرىنشى رەت اۆتوموبيل جۇرگىزىپ ساياحاتقا شىعۋىمىز ءساتتى بولدى“، — دەدى.
شۇي حانىمنىڭ بايانداۋىنشا، شۇي اجەي جاس كەزىندە تراكتور جۇرگىزگەن، ءۇش دوڭگەلەكتى اربا، موتوتسيكل، شاعىن جۇك اۆتوموبيلىن دە جۇرگىزگەن. ”ول 50 جاسقا كەلگەندە شوفەرلىك كۋالىك الدى، قازىرگە دەيىن اۆتوموبيل جۇرگىزگەنىنە 20 جىل بولدى، اۆتوموبيل جۇرگىزۋ تاجىريبەسى مول“، — دەدى شۇي حانىم.
بيىل 7 - ايدىڭ 3 - كۇنى شۇي حانىمنىڭ ۇلى دەمالىسقا تاراعان سوڭ، ءبىر شاڭىراقتاعى ءۇش ۇرپاق وتباسى مۇشەلەرى شاندۇڭ ولكەسىنىڭ رىجاۋ قالاسىنان جولعا شىعىپ، شيزاڭعا باراتىن ساپاردى باستاعان.
7 - ايدىڭ 9 - كۇنى اۆتوموبيلمەن تەڭىز دەڭگەيىنەن بيىكتىگى 4580 مەتر كەلەتىن كەزەڭنەن اسقان كەزدە، شۇي حانىم مەن بالاسى ۇستىرتكە شىققاندا دەنەدە تۋىلاتىن اسەردى سەزىندى، شۇي اجەي ەشقانداي ماسەلە جوق ەكەنىن ايتىپ، اۆتوموبيلدى سەنىمدى جۇرگىزىپ، قىزى مەن جيەنىن الىپ، كەزەڭنەن استى.
بۇل كەسكىن جاريالانعاننان كەيىن، كوپتەگەن ادامدار شۇي اجەي ”ون مىڭ يۋان“ زەينەتاقى الىپ ”سايرانداپ“ جۇرگەن باردام قارت شىعار دەستى. شۇي حانىم: ”شەشەم زەينەتاقى المايدى، ءبىراق، ءومىر بويى ەڭبەكشىل بولعاندىقتان، ازىناۋلاق جيعان - تەرگەنى بار“، — دەدى.
شۇي حانىم: ”شەشەم ءوزىنىڭ 70 نەشە جاستا اۆتوموبيل ايداپ شيزاڭعا كەلەمىن دەپ ويلاپ كورمەگەنىن، قاتتى قۋانعانىن ايتتى“، — دەيدى. شۇي حانىمنىڭ وتباسىنىڭ ساپارى ءبىر ايداي جالعاسادى، الدا ولار سىچۋان - شيزاڭ تاس جول جەلىسىن بويلاي اناعۇرلىم كوپ جەرلەرگە بارادى. ”ەگەر ۋاقىت جار بەرسە، شيشۋاڭباننا مەن داليعا بارىپ كورسەك دەگەن ويىمىز بار“، — دەيدى ولار.
جارايدى، شۇي اجەي مىقتى ەكەن!
ساپارلارىنىڭ كوڭىلدى، جول بويى امان - ەسەن بولۋىن ءۇمىت ەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
