شينجياڭ اۋا رايى ستانسياسى جوعارى تەمپەراتۋرادان ساقتانۋدىڭ قىزعىلىت ءتۇستى ساقتىق سەگنالىن جاريالادى
ءىشىنارا جەرلەردە تەمپەراتۋرا 45 گرادۋستان اسادى
2023.07.14 12:59 كەلۋ قاينارى : حالىق تورابى
شينجياڭ ۇيعۇر اۆتونوميالى رايوندىق اۋا رايى ستانسياسى 2023 - جىلى 7 - ايدىڭ 13 - كۇنى ساعات 13 تەن 46 مينۋت وتكەدەن جوعارى تەمپەراتۋرادان ساقتانۋدىڭ سارى ءتۇستى ساقتىق سەگنالىنىڭ دارەجەسىن جوعارىلاتىپ، جوعارى تەمپەراتۋرادان ساقتانۋدىڭ قىزعىلىت ءتۇستى ساقتىق سەگنالىنا وزگەرتتى: مەجەمەن 7 - ايدىڭ 13 - كۇنى تۇستەن كەيىننەن باستاپ، 7 - ايدىڭ 21 - كۇنىنە دەيىن، بۇكىل شينجياڭداعى جازىق وڭىرلەردىڭ كوپ بولىمىندە ىلگەرىندى - كەيىندى 35 گرادۋستان جوعارى ىستىق بولادى، مۇندا وڭتۇستىك شينجياڭ، شىعىس شينجياڭ جانە ىلە وبلىسىنىڭ باتىس بولىگى، تارباعاتاي ايماعىنىڭ سولتۇستىك بولىگى، التاي ايماعى، تيانشان تاۋىنىڭ سولتۇستىك بوكتەرى قاتارلى وڭىرلەردىڭ ءىشىنارا جەرلەرىندە ەڭ جوعارى تەمپەراتۋرا 37 گرادۋستان اسادى، بۇراتالا وبلىسى، تارباعاتاي ايماعى، شىحىزى قالاسى، سانجى وبلىسى، ءۇرىمجى قالاسىنىڭ سولتۇستىك بولىگى، قاشقار ايماعى، اقسۋ ايماعى، بايىنعولىن وبلىسى، شىعىس شينجياڭ قاتارلى جەرلەردىڭ ءىشىنارا ورىندارىندا 40 گرادۋستان اسادى، تۇرپان قالاسىنىڭ، قۇمىل قالاسىنىڭ ءىشىنارا جەرلەرىندە 45 گرادۋستان اسادى.
قاتىستى تاراۋلار ىستىقتان ساقتانۋعا جانە وتتان پايدالانۋدىڭ حاۋىپسىزدىگىنە كوڭىل ءبولۋدى، تاۋلى وڭىرلەردە قاردىڭ ەرۋىنە بايلانىستى تۋىندايتىن تاسقىننان ساقتانۋدى كۇشەيتۋدى ەسكەرتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
