ءداستۇرلى قولونەرمەن جاڭا جول اشتى
□ انار بۇلت \ شينجياڭ گازەتىنىڭ ءتىلشىسى حان چين - يان
2023.07.13 16:39 كەلۋ قاينارى : شينجياڭ گازەتى
”بايىرعى قالانىڭ بەت - بەينەسىن وزگەرتىپ جاڭالاعانىمەن، الدىڭعى بۋىنداردان قالعان كاسىپتى تاستامادىق“. مامەتريشات مامەتيمىن تەبىرەنىپ بىلاي دەدى: ”قاشقار بايىرعى قالاسى سونشاما ادەمى سالىنعان، دۇكەنگە مىس بۇيىمداردى كورۋگە، ساتىپ الۋعا كەلەتىن ساياحاتشىلار كوبەيدى، بيىل قۇربان ايت مەرەكەسى دەمالىسى كەزىندەگى 3 كۇندە 6000 يۋاننان ارتىق اقشا تاپتىم“.
قاشقار بايىرعى قالاسى تەمىرشى، مىسشى سياقتى ۇستالارعا ارناپ ”تەمىرشىلەر بازارىن“ جوبالاپ، كونەدەن جالعاسقان قولونەركاسىبىن كولەمدەندىرىپ، ءتىپتى دە كوپ قاريداردى باۋرادى.
مىس بۇيىمداردى جاساۋ ونەرىنىڭ 4 - ۇرپاق جالعاستىرۋشىسى بولعان مامەتريشات قاشقار بايىرعى قالاسىندا بولە ىنىسىمەن بىرگە ”شەبەر ۇستا جالعاستىرۋشى مىس بۇيىمدار دۇكەنىن“ اشادى. ءار كۇنى ەسىك الدىندا داڭعىر - دۇڭعىر داۋىس ۇزىلمەيدى.
قاشقاردىڭ مىس بۇيىمداردى جاساۋ تاريحى ۇزاق، ءپىشىنى الۋان ءتۇرلى، ءتۇرى دە كوپ. 2021 - جىلى قاشقار ۇيعۇر ۇلتى مىس بۇيىمدار جاساۋ ونەرى 5 - توپتاعى مەملەكەت دارەجەلى بەيزاتتىق مادەني مۇرا ۋاكىلدىك سيپاتتى نىسانىنا ەنگىزىلدى.
شەبەر ۇستا جالعاستىرۋشى مىس بۇيىمدار دۇكەنىندەگى شاۋگىم، شىنى، قۇمىرا، كۇبى، تەگەنەلەر ادەمى اشەكەيلەنىپ جاسالعان. مىستان جاسالعان ىدىس - اياقتاردىڭ ءتۇرى كوپ، پىشىنىندە كونە ءداستۇر ساقتالىپ، ورنەكتەرى ادەمى، تۇرمىسقا قاجەتتى بۇيىم بولۋمەن بىرگە، ساقتاۋعا بولاتىن بۇيىم بولىپ، الارمانداردىڭ قارسى الۋىنا بولەندى.
”وتە ادەمى ەكەن، مەن ءبىر مىس شاۋگىم ساتىپ الىپ، ەستەلىك رەتىندە ساقتاماقشىمىن“. دۇكەنگە كىرىپ تاماشالاعان سانشيلىق ساياحاتشى چىن مىرزا قىزىل مىستان جاسالعان ءبىر مىس شاۋگىمدى ساتىپ الدى.
دۇكەنگە قويىلعان ءاربىر اشەكەيلى مىس بۇيىمىنىڭ بارلىعى وسى ەكى اعايىندىنىڭ قولىنان شىققان. مامەتريشاتتىڭ ويىندا ءاربىر مىس بۇيىمدا تەرەڭ دە قوردالى مادەنيەت رۋحى قامتىلعان، بارلىعى ولاردىڭ ۇستالىق ونەرىنىڭ جاپالى ەڭبەكتەرىنىڭ جەمىسى.
”ساياحاتشىلار ءبىزدىڭ قولدان جاسالعان مىس شاۋگىمدەرىمىزدى ۇناتادى، مىنا 4 شاۋگىمدى شاڭحايلىق ساياحاتشى ۋيشيندا تاپسىرىس بەرىپ ساتىپ الدى“. گۇل سالىپ ورنەكتەلگەن كىشكەنە شاۋگىمگە قاراپ، مامەتريشات بىلاي دەدى: قولدان جاسالعان مىس بۇيىمدار كوركەم بولۋمەن بىرگە، قولدانۋ قۇنى بار، ومىرشەڭدىككە باي.
كوركەم ورنەكتەلگەن ءبىر مىس بۇيىمىن جاساۋ ءۇشىن مامەتريشات سان مىڭ رەت بالعا سوعادى. تالاي جىلدان بەرى بەيزاتتىق مادەني مۇرانى جالعاستىرۋشىلار كونەدەن قالعان وسى ونەردى وسىنداي قاراپايىم تاسىلمەن جالعاستىرىپ كەلەدى.
مامەتريشاتتىڭ ءۇيى قاشقار بايىرعى قالاسىندا تۇرادى، اتاسى مەن اكەسى ءبىر ءومىر مىس بۇيىم جاساۋمەن شۇعىلدانعان. ەس بىلگەننەن باستاپ اكەسىنىڭ شاعىن اۋلادا بۇكشيىپ وتىرىپ مىس بۇيىمدى تاقىلداتقانىنا كوزى ءۇيىر بولعان مامەتريشات تا مىس بۇيىمدار جاساۋعا كىشكەنتايىنان باستاپ ەرەكشە قىزىقتى، سودان ورتالاۋ مەكتەپ تاۋىسقان سوڭ، اكەسىنە ەرىپ مىس بۇيىمدار جاساۋعا بەكىدى.
20 جىلدان استام ۋاقىت شىنىعۋدىڭ ارقاسىندا، بيىل 42 جاسقا كەلگەن مامەتريشات كەمەلىنە كەلگەن مىسكەرلىك ونەرىن جەتىلدىردى.
” ءبىر مىس شاۋگىمدى قولدان جاساپ شىعۋعا 8 − 10 كۇن ۋاقىت كەتەدى، ون نەشە ءتۇرلى تەحنولوگيالىق شەبەرلىكپەن، كەم دەگەندە، نەشە مىڭ رەت تاقىلداتىپ سوعۋدى قاجەت ەتەدى“. مىس بۇيىم جاساۋ شەبەرلىگى جونىندە توقتالعاندا، مامەتريشات اسا قىزعىندىلىقپەن تانىستىرىپ، جانارىنان نۇر ۇشقىندادى.
2015 - جىلى قاشقار بايىرعى قالاسى داڭقپەن مەملەكەتتىك 5A دارەجەلى كورىنىس ءوڭىرى بولىپ باعالانىپ، ساياحاتشى قابىلداۋ مولشەرى قاۋىرت ارتتى، مامەتريشات تا ءۇيىنىڭ الدىندا ساياحاتتان كىرىس تاپتى.
بۇگىنگى كۇنى ۋيشين، دوۋيىن سياقتى تۇعىرلاردىڭ ارقاسىندا شەبەر ۇستا جالعاستىرۋشى مىس بۇيىمدار دۇكەنىنىڭ ءداستۇرلى قولدان جاسالعان مىس بۇيىمدارىنا كەلگەن تاپسىرىستار بارعان سايىن كوبەيدى.
مامەتريشات ونەرىنىڭ الارمانداردىڭ مويىنداۋىنا، القاۋىنا يە بولعانىنا ايرىقشا قۋانادى، ول مىسشى بولعان 20 نەشە جىلدا باستان - اياق قولىنداعى ونەرىنە، ساۋداداعى ادالدىعىنا سۇيەنىپ اقشا تاپقاندىعىن اقتارىلا اڭگىمەلەدى. ”باسقالار سەنىڭ قولىڭنان شىققان تۋىندىنى مويىنداعاندا عانا، وسى ونەردى شىن مانىندە جالعاستىرىپ ىستەپ كەتۋگە بولادى. مەن ۇزدىكسىز قۇلشىنىپ، مىس بۇيىم جاساۋ ونەرىن ايگىلەيمىن“.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
