شينجياڭدا مىناداي ارەكەتتەرگە ءتۇيىندى تۇردە سوققى بەرىلەدى
جىل سوڭىنا دەيىن جالعاسادى
2023.07.17 15:36 كەلۋ قاينارى : حالىق تورابى
جۋىردا شينجياڭ ۇيعۇر اۆتونوميالى رايوندىق مەديتسينالىق قامتاماسىزداندىرۋ مەكەمەسى اۆتونوميالى رايوندىق حالىق پروكۋراتۋراسى، قوعام حاۋىپسىزدىگى مەڭگەرمەسى، قازىنا مەڭگەرمەسى، دەنساۋلىق ساقتاۋ - سالاماتتىق كوميتەتى قاتارلى ورىندارمەن بىرگە «2023 - جىلى اۆتونوميالى رايوندا مەديتسينالىق قامسىزداندىرۋ سالاسىندا الدامكوستىك ىستەۋگە، قامسىزداندىرۋ قاراجاتىنا الدامكوستىكپەن قول جەتكىزۋگە سوققى بەرۋ ارناۋلى جونگە سالۋ قىزمەتىنىڭ جوباسىن» جاريالادى، بۇكىل شينجياڭ كولەمىندە مەديتسينالىق قامسىزداندىرۋ سالاسىنداعى الدامكوستىك ىستەۋگە، قامسىزداندىرۋ قاراجاتىنا الدامكوستىكپەن قول جەتكىزۋگە سوققى بەرۋ قىزمەتىن ورىستەتەدى.
ارناۋلى جونگە سالۋ ارەكەتى بارىسىندا بۇقارانىڭ اڭىسى كۇشتى بولعان كورنەكتى ماسەلەلەرگە، قوردى باقىلاۋ - باسقارۋ جاعىنداعى ءتۇيىندى، كۇردەلى ماسەلەلەرگە نازاردى شوعىرلاندىرىپ، ”جالعان ناۋقاستار“، ”جالعان اۋرۋلار“ قاتارلى الدامكوستىك ىستەۋ، قامسىزداندىرۋ قاراجاتىنا الدامكوستىكپەن قول جەتكىزۋ ارەكەتتەرىنە ءتۇيىندى تۇردە سوققى بەرەدى، بۇل جىل سوڭىنا دەيىن جالعاسادى.
ارناۋلى جونگە سالۋ ارەكەتى بارىسىندا ناقتى ءۇش جاقتان كۇش سالىنادى. سۇيەك اۋرۋلارى ءبولىمى، قاندى تازارتۋ، جۇرەك - قان تامىرى اۋرۋلارى ىشكى اۋرۋلار ءبولىمى، تەكسەرۋ، كارانتيندەۋ، ساۋىقتىرىپ ەمدەۋ قاتارلى ءتۇيىندى سالالارعا نازاردى شوعىرلاندىرىپ، ءبىر - بىرلەپ تەكسەرىپ، جونگە سالۋدى جالپى بەتتىك ورىستەدى، الدامكوستىك ىستەۋ، قامسىزداندىرۋ قاراجاتىنا الدامكوستىكپەن قول جەتكىزۋ جاعىنداعى تيپتىك دەلولاردى انىقتاپ ءبىر جاقتى ەتەدى، ءتۇيىندى ءدارى - دارمەكتەرگە، ماتەريالدارعا نازاردى شوعىرلاندىرىپ، 2022 - جىلى مەديتسينالىق قامسىزداندىرۋ قاراجاتىمەن ەسەپ جاساۋ مولشەرى الدىڭعى قاتاردا تۇرعان ءتۇيىندى ءدارى - دارمەكتەر مەن ماتەريالدارعا قوردان قاراجات پايدالانۋ جاعدايىنا باقىلاۋ جۇرگىزىلەدى، قاراجاتتان پايدالانۋ قالىپسىز تۇردە ارتقان باسقا دا ءدارى - دارمەكتەر جانە ماتەريالدارعا دا ءتۇيىندى تۇردە نازار اۋدارىلادى؛ جالعان ەمدەلۋ، مەديتسينالىق قامسىزداندىرۋ بويىنشا العان ءدارى - دارمەكتەردى وتكەرمەلەپ ساتۋ قاتارلى ءتۇيىندى ارەكەتتەرگە نازاردى شوعىرلاندىرىپ، سىرت جەردە ەمدەلۋ، امبۋلاتوريالىق قاراجاتتى ءبىر تۇتاس جوسپارلاۋ كولەمىنە ەنگىزۋ قاتارلى ساياساتتار اتقارىلعاننان كەيىن وڭاي تۋىلاتىن زاڭعا، بەلگىلەمەگە قايشى ارەكەتتەرگە قاتاڭ سوققى بەرىلىپ، باقىلاۋ - باسقارۋ جۇرگىزىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
