شينجياڭنىڭ تۇرپان قالاسىندا 52.2 گرادۋستىق جوعارى تەمپەراتۋرا جارىققا شىقتى

تاريحتاعى وسى مەزگىلدەگى ەڭ جوعارى ماننەن استى

2023.07.18 13:47 كەلۋ قاينارى : حالىق تورابى

　　جۇڭگو اقپارات اگەنتتىگىنىڭ 7 - ايدىڭ 17 - كۇنى ۇرىمجىدەن بەرگەن حابارى (حۋ جياچىن) ءتىلشىنىڭ 7 - ايدىڭ 17 - كۇنى تۇرپان قالالىق اۋا رايى ستانسياسىنان ۇعىسۋىنشا، 7 - ايدىڭ 16 - كۇنى ساعات 19 دەن 7 مينۋت وتكەندە، تۇرپان قالاسى گاۋچاڭ رايونى سانپۋ اۋىلى وڭىرلىك اۆتوماتتى اۋا رايى پۋنكتىنىڭ باقىلاۋ ناتيجەسى 52.2 گرادۋستى كورسەتىپ، تاريحتاعى وسى مەزگىلدەگى تەمپەراتۋرانىڭ ەڭ جوعارى مانىنەن اسىپ ءتۇستى.

　　يران قوسالقى ىستىق بەلدەۋلىك جوعارى قىسىمىنىڭ شارپۋىمەن، جۋىردا شينجياڭنىڭ كوپ ءبولىم جەرلەرىندە تاعى ءبىر رەت شىلىڭگىر ىستىق اۋا رايى جارىققا شىقتى. تۇرپان قالالىق اۋا رايى ستانسياسىنىڭ قىزمەتكەرىنىڭ تانىستىرۋىنشا، 7 - ايدىڭ 14 - كۇنى ساعات 17 دەن 22 مينۋت وتكەندە، تۇرپان قالالىق اۋا رايى ستانسياسى جوعارى تەمپەراتۋرادان ساقتانۋدىڭ قىزىل ءتۇستى ساقتىق سەگنالىن جاريالاعان. 7 - ايدىڭ 16 - كۇنى ساعات 19 دەن 7 مينۋت وتكەندە، تۇرپان قالاسى گاۋچاڭ رايونى سانپۋ اۋىلىنداعى وڭىرلىك اۋا رايىن اۆتوماتتى تەكسەرۋ پۋنكتىنىڭ باقىلاۋ ناتيجەسى 52.2 گرادۋستى كورسەتىپ، تاريحتاعى وسى مەزگىلدەگى تەمپەراتۋرانىڭ ەڭ جوعارى مانىنەن اسىپ ءتۇستى.

　　7 - ايدىڭ 16 - كۇنى ساعات 15 تە، تۇرپان قالاسى جالىنتاۋ كورىنىس رايونىنداعى ءىرى تەمپەراتۋرا ولشەگىش سول كەزدەگى جەر بەتىنىڭ تەمپەراتۋراسىنىڭ 80 گرادۋسقا جەتكەنىن كورسەتتى. حۋناندىق ساياحاتشى لو شيا: ”ومىرىمدە كەزدەسكەن ەڭ جوعارى اۋا تەمپەراتۋراسىن باستان كەشىردىم، مۇنداي سەزىم شىنىمەن دە عاجاپ ەكەن“، — دەدى. سول كۇنى كورىنىس رايونىنىڭ قىزمەتكەرلەرى كىرەر ەسىكتە ساياحاتشىلارعا كوك بۇرشاقتى بالمۇزداق، حوشياڭ جىڭچي سۋى قاتارلىلاردى تاراتتى.

　　شينجياڭ اۋا رايى ستانسياسىنىڭ باس بولجامشىسى لي رۋچيدىڭ 7 - ايدىڭ 17 - كۇنى تانىستىرۋىنشا، مەجەمەن 7 - ايدىڭ 17 - كۇنىنەن 21 - كۇنىنە دەيىن شينجياڭداعى جازىق وڭىرلەردە 35 گرادۋستان جوعارى اۋا تەمپەراتۋراسى جالعاسادى، تۇرپان قالاسى مەن قۇمىل قالاسىنىڭ ءىشىنارا جەرلەرىندە اۋا تەمپەراتۋراسى 45 گرادۋستان اسادى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved