”2023 - جىلعى ’پاك ستيلمەن دۇرىس سالتتى اسقاقتاتۋ، كىرشىكسىزدىكپەن اۋەلگى ماقساتتان اينىماۋ‘ اتتى مەملەكەتتىك اجۋا سۋرەت تۋىندىلار كورمەسى“ ۇرىمجىدە وتكىزىلدى
2023.07.17 16:13 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى مايگۇل ايتقازى 7 - ايدىڭ 14 - كۇنى ۇرىمجىدەن حابارلايدى. 7 - ايدىڭ 14 - كۇنى شينجياڭ ادەبيەت - كوركەمونەرشىلەر بىرلەستىگى ۇيىمداستىرعان، شينجياڭ اسەمونەرشىلەر قوعامى ۇستىنە الىپ، شينجياڭ اسەمونەرشىلەر قوعامىنىڭ اجۋا سۋرەت كوركەمونەرى كوميتەتى، شينجياڭ شىفان داشۋەسىنىڭ اسەمونەر شۋەيۋانى سەلبەسىپ وتكىزگەن ”2023 - جىلعى ’پاك ستيلمەن دۇرىس سالتتى اسقاقتاتۋ، كىرشىكسىزدىكپەن اۋەلگى ماقساتتان اينىماۋ‘ اتتى مەملەكەتتىك اجۋا سۋرەت تۋىندىلار كورمەسى“ شينجياڭ ادەبيەت - كوركەمونەرشىلەر بىرلەستىگىنىڭ كورمە زالىندا اشىلدى، بۇل رايونىمىزدىڭ تۇڭعىش رەت وتكىزگەن مەملەكەتتىك سيپاتتاعى اجۋا سۋرەت تۋىندىلارى كورمەسى.
وسى كورمە ”يمەنۋدى ءبىلۋ، كىرشىكسىزدىكتەن اينىماۋ، قاسيەتتى ساقتاۋ“ دەگەندى نەگىزگى تاقىرىپ ەتىپ، بۇكىل ەلدىڭ جەر - جەرىندەگى 111 اجۋا سۋرەتشى مەن اجۋا سۋرەت اۋەسكەرى سىزعان 148 اجۋا سۋرەت سارا تۋىندىلارىن كورسەتىپ، تاڭداۋلى اجۋا سۋرەت تۋىندىلارى ارقىلى پاك ستيلدى، دۇرىس سالتتى اسقاقتاتىپ، كىرشىكسىزدىكتىڭ وڭ ەنەرگياسىن تاراتتى. بۇل تۋىندىلاردىڭ نەگىزگى تاقىرىبى ايقىن، قىزىقتى دا يۋمەرلى بولىپ، ادامدى تەرەڭ ويعا جەتەلەيدى. كورمەگە قاتىناسقان اجۋا سۋرەتشىلەر وزگەشە كوركەمونەر تۇرعىسى ارقىلى تۋىندىلارىندا تۇرمىستى بەينەلەپ، قوعامدى سۋرەتتەپ، اقاۋسىز، جاندى، يۋمەرلى اجۋا سۋرەت قالام قۋاتىمەن شىنايىلىقتى، ىزگىلىكتى، كوركەمدىكتى جىرلاعان.
وسى رەتكى اجۋا سۋرەت تۋىندىلارى كورمەسى 5 - ايدىڭ 10 - كۇنىنەن باستاپ بۇكىل ەلگە باعىتتاي شىعارما قابىلداپ، بۇكىل ەلدەگى اجۋا سۋرەتشىلەردىڭ بەلسەنە ءۇن قوسۋى مەن قولداۋىنا يە بولدى، 6 - ايدىڭ 15 - كۇنى شىعارما جولداۋ ۋاقىتى اياقتاپ، بۇكىل ەلدەگى 23 ولكە، اۆتونوميالى رايون، قالادان جىبەرىلگەن 1375 تۋىندىنى، ەرەكشە ۇسىنىسپەن قاتىناستىرىلعان 40 تۋىندىنى قابىلداعان. شينجياڭ ادەبيەت - كوركەمونەرشىلەر بىرلەستىگى قاتىستى مامانداردى ۇيىمداستىرىپ، قاتاڭ باعالاپ، جيىنى ءبىرىنشى دارەجەلى سيلىققا يە بولعان 3 تۋىندىنى، ەكىنشى دارەجەلى سيلىققا يە بولعان 9 تۋىندىنى، ءۇشىنشى دارەجەلى سيلىققا يە بولعان 17 تۋىندىنى باعالاپ شىقتى.
جۇڭگو اقپارات اجۋا سۋرەت زەرتتەۋ قوعامىنىڭ ورىنباسار باستىعى، شينجياڭ اسەمونەرشىلەر قوعامى اجۋا سۋرەت كوركەمونەرى كوميتەتىنىڭ مەڭگەرۋشىسى ۋاڭ شيانجۇڭ بىلاي دەدى: ”رايونىمىزداعى 31 اجۋا سۋرەتشى سىزعان 38 تاڭداۋلى تۋىندى كورمەگە تاڭدالدى. سوڭعى جىلدارى شينجياڭنىڭ اجۋا سۋرەت ىستەرىنىڭ دامۋى شىت جاڭا كەزەڭگە قادام تاستاپ، 100دەن استام تۋىندى رايونىمىزدىڭ ءىشى - سىرتىنداعى ءار دارەجەلى، ءتۇرلى اجۋا سۋرەت جارىستارىندا، اجۋا سۋرەت باعالاۋلارىندا سيلىققا يە بولىپ، شينجياڭ حيكاياسىن ويداعىداي بايانداپ، وڭ ەنەرگيا تاراتۋدا بەلسەندى رول اتقاردى“.
ۇعىسۋىمىزشا، بۇل رەتكى كورمەنىڭ ۋاقىتى 7 - ايدىڭ 14 - كۇنىنەن 26 - كۇنىنە دەيىن بولادى ەكەن.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
