شينجياڭنىڭ جاڭا ەنەرگيا گەنەراتور اگراگاتتارىنىڭ سيىمدىلىعى 50 ميلليون كيلوۆاتتان استى
2023.07.17 16:10 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى چىن چياڭۋي 7 - ايدىڭ 15 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، 7 - ايدىڭ 13 - كۇنى شينجياڭنىڭ جاڭا ەنەرگيا گەنەراتور اگراگاتتارىنىڭ سيىمدىلىعى 50 ميلليون 260 مىڭ كيلوۆاتقا جەتىپ، باتىس سولتۇستىكتەگى 5 ولكە بويىنشا 1 - ورىندا تۇرىپ، شينجياڭنىڭ جالپى گەنەراتور اگراگاتتارى سيىمدىلىعىنىڭ ％41ىن يەلەگەن.
7 - ايدىڭ 13 - كۇنىنە دەيىن شينجياڭنىڭ جەل ەلەكتر گەنەراتور اگراگاتتارى سيىمدىلىعى 29 ميلليون 890 مىڭ كيلوۆات، فوتوۆولتتىق گەنەراتور اگراگاتتارى سيىمدىلىعى 20 ميلليون 370 مىڭ كيلوۆات بولىپ، 2022 - جىلدىڭ سوڭىنداعى 40 ميلليون 655 مىڭ كيلوۆاتتان ％63. 23 ارتىپ، جاڭا ەنەرگيانىڭ دامۋ ارىنى كۇشتى بولىپ، گەنەراتور اگراگاتتارىنىڭ كولەمى تەز ارتۋدى ساقتاعان.
شينجياڭ ەلىمىزدىڭ ماڭىزدى ەنەرگيا ءوندىرۋ بازاسى، جەل ەنەرگيا بايلىعى قورى، كۇن ەنەرگياسىنىڭ جىلدىق رادياتسيا جالپى مولشەرى مەملەكەت بويىنشا الدىڭعى ورىندا تۇرادى. تاياۋ جىلداردان بەرى شينجياڭ ەنەرگيا بايلىعىنىڭ تابيعي باسىمدىعىنا سۇيەنىپ، قايتا تۋىندايتىن ەنەرگيانى بار كۇشپەن دامىتىپ، ەنەرگيا قۇرىلىمىن رەتتەۋدى ۇزدىكسىز ىلگەرىلەتىپ، قۇمدى شولدە، قاعىر دالادا، شولەيتتەنگەن وڭىرلەردە ءىرى تۇرپاتتى جەل ەلەكترى، فوتوۆولت بازاسى نىسانىن جەدەل قۇرىپ، جاڭا ەنەرگيانى كولەمدى، شوعىرلى اشىپ پايدالانۋدى العاشقى ادىمدا جۇزەگە اسىرىپ، جاڭا ەنەرگيا كاسىپ سالاسىنىڭ كولەمى ۇزدىكسىز زورايدى.
بيىل الدىڭعى جارتى جىلدا شينجياڭدا تىڭنان ارتقان جاڭا ەنەرگيا گەنەراتور اگراگاتتارى 7 ميلليون 17 مىڭ كيلوۆات بولىپ، جىل باسىندا جەلىگە قوسۋدى ءوتىنىش ەتكەن جوسپارداعىدان ءبىر ميلليون 20 مىڭ كيلوۆات ارتىپ، بىلتىرعى سول تۇستاعىنىڭ 10.5 ەسەسى بولىپ، جەلىگە قوسىلعان مولشەرى وتكەنگى 7 جىلداعىنىڭ قوسىندىسىنان اسىپ تۇسكەن.
”الدىڭعى جارتى جىلدا جاڭا ەنەرگيا گەنەراتور اگراگاتتارىنىڭ جالپى گەنەراتور اگراگاتتارى سيىمدىلىعىندا يەلەگەن سالىستىرماسى تۇڭعىش رەت ％40تەن اسىپ، يەلەگەن سالىستىرماسى تاريحتاعى ەڭ جوعارى مانگە جەتتى“، - دەدى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى ەلەكتر قۋاتىن رەتتەۋ، مەڭگەرۋ ورتالىعى سۋ - ەلەكتر جانە جاڭا ەنەرگيا باسقارماسىنىڭ ورىنباسار باستىعى لي گوچيڭ.
الدىڭعى جارتى جىلدا مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى 110 كيلوۆلتتىق جانە ونان جوعارى جاڭا ەنەرگيانى سايكەستى شىعارۋ ينجەنەرياسىنان 13ىن ورىندادى، بۇل جاڭا ەنەرگيانى سايكەستى شىعارۋ ينجەنەرياسىندا تاياۋ 10 جىلداعى سول تۇستا وندىرىسكە ەڭ كوپ قوسىلعانى سانالادى. جاڭا ەنەرگياعا قارجى قوسۋدىڭ جەبەۋ ونىمدىلىگى كورنەكتى بولىپ، الدىڭعى جارتى جىلدا جاڭا ەنەرگيا نىساندارىنا جانە سايكەستى ەلەكتر تورىنا شامامەن 36 ميلليارد 364 ميلليون يۋان قارجى قوسىلىپ، جىل باسىندا ءوتىنىش ەتكەن جوسپارداعىدان 5 ميلليارد 424 ميلليون يۋان ارتقان، مەجەمەن شينجياڭ GDPنىڭ 85. 1 پايىز ارتۋىن جەبەيدى.
مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ مەجەلەۋىنشە، 2025 - جىلعا بارعاندا شينجياڭدا جەلىگە قوسىلعان جاڭا ەنەرگيا گەنەراتور اگراگاتتارىنىڭ سيىمدىلىعى 116 ميلليون كيلوۆاتتان اسىپ، شينجياڭنىڭ جالپى گەنەراتور اگراگاتتار سيىمدىلىعىنىڭ تەڭ جارتىسىنان اسىپ، جەل، فوتوۆولت نىساندارىنىڭ گەنەراتور اگراگاتتارى شينجياڭنىڭ تىڭنان ارتقان گەنەراتور اگراگاتتارىنىڭ نەگىزگى قاينارىنا اينالادى.
لي گوچيڭ مىنالاردى ءبىلدىردى: مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى كوپ ءتۇرلى شارانى قولدانىپ، جاڭا ەنەرگيامەن قامداۋ مەن قابىلداۋدىڭ ”ەكەۋىنىڭ ءبىر تۇلعالى“ دامۋىن ىلگەرىلەتىپ، جاڭا ەنەرگيامەن ەلەكتر تاراتۋدا ”جالعانۋعا“، ”جەتكىزىلۋگە“، ”تۇراقتى پايدالانۋعا“ شىنايى كەپىلدىك ەتىپ، جاڭا ەنەرگيا كاسىپ سالاسىنىڭ جوعارى ساپالى دامۋىن ىلگەرىلەتىپ، بۇكىل ەلدىڭ ەنەرگيا حاۋىپسىزدىگىنە پارمەندى قامتاماسىزدىق ازىرلەپ، ەلىمىزدىڭ كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىنىڭ جۇزەگە اسۋىنا دەم بەرەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
