ءۇرىمجى حالىقارالىق قۇرلىقتىق پورت اۋماعى:
بورىش ارقالاپ، باتىلدىقپەن الدا ءجۇردى
□ انار بۇلت \ شينجياڭ گازەتىنىڭ ءتىلشىسى جاۋ چۇنحۋا
2023.07.17 16:12 كەلۋ قاينارى : شينجياڭ گازەتى
7 - ايدىڭ 10 - كۇنى ءۇرىمجى حالىقارالىق قۇرلىقتىق پورت اۋماعى تەمىر جول شەكارا وتكەلى ۋنيۆەرسال قىزمەت وتەۋ عيماراتىنىڭ بىرلەسىپ جۇمىس اتقارۋ زالىنا كىرگەنىمىزدە، ايقىش - ۇيقىش كەتكەن لەنيالارداعى جۇڭگو − ەۆروپا (ورتا ازيا) كەزەكشى پويەزىنىڭ اينالىم لەنياسى كورسەتپە كارتاسىندا شىعىس پەن باتىستى تۇتاستىرىپ تۇرعان ءبىر ۇلكەن ارنا ايرىقشا كوز تارتتى. بۇل ارنا شىعىستا ليانيۇنگاڭنان باستالىپ، باتىستا الاتاۋ ساعاسى، قورعاس شەكارا وتكەلىنە بارىپ، وتانىمىزدىڭ شينجياڭىندا شەكارا سىزىعىنان كەسىپ ءوتىپ، ۇزدىكسىز باتىسقا قاراي جول تارتادى، سوڭعى بەكەتتىڭ بەلگىسى بولعان 10 كوك ءتۇستى كىشكەنە جالاۋشا ورتا ازيانى جانە ەۆروپانى كورسەتىپ تۇر.
ءبىر جىلدىڭ الدىندا، ءدال وسى جۇڭگو − ەۆروپا (ورتا ازيا) كەزەكشى پويەزىنىڭ اينالىم لەنياسى كورسەتپە كارتاسىنىڭ الدىندا، باس شۋجي شي جينپيڭ بۇعان زەر سالا قاراعان ەدى.
”اشىق تيپتەگى ەكونوميكالىق تۇزىلىستە جاڭالىق اشىپ، سىرتقا ەشىك اشۋدىڭ ءىرى ارناسىن جەدەل ورناتىپ، حالىقارا، ەل ءىشى سىندى ەكى بازاردان، ەكى ءتۇرلى بايلىقتان اناعۇرلىم ويداعىداي پايدالانىپ، جاڭا دامۋ ارناسىنا بەلسەندى قىزمەت وتەۋ جانە توعىسۋ كەرەك“. باس شۋجيدىڭ ىقىلاستى تاپسىرماسى قۇددى كوكتەمگى نايزاعايداي ءۇرىمجى حالىقارالىق قۇرلىقتىق پورت اۋماعىن تاريح جۇكتەگەن كەلەلى مىندەتتى ارقالاپ، تاريحي مانگە يە ءىستى ويداعىداي ىستەۋگە شابىتتاندىرۋدا.
شينجياڭ حالىقارالىق قۇرلىقتىق پورت اۋماعى (توبى) شەكتى جاۋاپكەرشىلىك سەرىكتەستىگىنىڭ باس القاسى ما چۇنلەي باس شۋجيگە قىزمەتىنەن مالىمەت بەرگەن كەزدەگى جاعدايدى ەسكە الىپ، بىلاي دەدى: ”باس شۋجيدىڭ ’ءبىر بەلدەۋ، ءبىر جول‘ قۇرىلىسىنا دەگەن كوڭىل ءبولۋى مەن ءمان بەرۋى بىزگە بورشىمىزدىڭ داڭقتى، جاۋاپكەرشىلىگىمىزدىڭ اۋىر ەكەندىگىن تەرەڭ سەزىندىردى“.
كوز الدىداعى ءۇرىمجى حالىقارالىق قۇرلىقتىق پورت اۋماعىندا گۋدوك داۋىسى ۇزىلمەي، كەزەكشى پويەزدەر زىمىراپ بارادى. ”ءبىر بەلدەۋ، ءبىر جول“ بويىندا زىمىراپ بارا جاتقان جۇڭگو − ەۆروپا كەزەكشى پويەزى جانە توقتاۋسىز جۇمىس جۇرگىزىپ جاتقان رەليستى كراندار ءتۇرلى ءتۇستى كانتينەرمەن قوسىلىپ، سىرتقى دۇنيەگە شينجياڭنىڭ سالىستىرمالى تۇردە تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالىپ، سىرتقا ەسىك اشۋدىڭ ءىرى ارناسى مەن كاسىپ سالاسىن شوعىرلاندىرۋدىڭ جاڭا بەلەسىن جەدەل تۇلعالاپ جاتقاندىعىنىڭ كۇشتى سيگنالىن تاراتۋدا.
شينجياڭ قۇرلىق - تەڭىز جاڭا ارناسى تەڭىز - تەمىر جول بىرلەسكەن تاسىمالى تۇڭعىش ورتا ازيا كەزەكشى پويەزى جۇڭگو − ەۆروپا كەزەكشى پويەزى لەنياسىنىڭ شارپۋ كولەمىن شىعىس وڭتۇستىك ازيا ەلدەرى وداعىنا دەيىن كەڭەيتتى؛ ”جۇڭگو − قىرعىزستان − وزبەكستان كوپ فورمالى بىرلەسىپ تاسىمالداۋ ارناسى + قۇرلىق - تەڭىز جاڭا ارناسىن سىناۋ كەزەكشى پويەزى“ تۇڭعىش رەت ءساتتى قاتىناپ، ”جۇڭگو − قىرعىزستان − وزبەكستان“ ارناسى كوپ فورمالى بىرلەسىپ تاسىمالداۋىنىڭ جالپى تۇلعالىق اينالىمىنىڭ دامۋىن جۇزەگە اسىردى... ءبىر جىلدان بەرى، ءۇرىمجى حالىقارالىق قۇرلىقتىق پورت اۋماعى كوپ فورمالى بىرلەسىپ تاسىمالداۋ سىندى جاڭا ۇلگى، جاڭا سەرپىلىس ارقىلى ەكى بازاردى ۇشتاستىرىپ، ەكى ءتۇرلى بايلىقتى ىسكە قوسىپ، جاڭا دامۋ ارناسىنا بەلسەنە قىزمەت وتەدى جانە توعىستى. بيىل 4 - ايعا دەيىن، قاتىناعان جۇڭگو − ەۆروپا كەزەكشى پويەزى جيىنى 6800 كەزەك، جونەلتىلگەن حالىقارالىق تاس جول جۇك تاسىمال كولىگى جيىنى 41 مىڭ بولىپ، 21 تارماق كەزەكشى پويەز لەنياسى ەۆروپا − ازياداعى 19 مەملەكەت پەن وڭىردەگى 26 قالاعا تۇتاستى.
”شانشي اۆتوكولىك توبى شەكتى جاۋاپكەرشىلىك سەرىكتەستىگىنىڭ شەتەل بازارىن اشاتىن ساتۋ ارناسى رەتىندە، بيىل ءبىز جۇڭگو − ەۆروپا كەزەكشى پويەزى ارقىلى قازاقستانعا شانشي اۆتوكولىك توبىنىڭ 200 اۋىر تۇرپاتتى اۆتوماتتى جۇك ءتۇسىرۋ ماشيناسىن ەكسپورت ەتۋدى جوسپارلادىق“، - دەدى شينجياڭ شينجين بايشىڭ يمپورت - ەكسپورت شەكتى سەرىكتەستىگىنىڭ ورىنباسار باس ديرەكتورى لان جۇڭۋي. جۇڭگو − ەۆروپا كەزەكشى پويەزىن سۇيەنىش ەتە وتىرىپ، شانشي اۆتوكولىك توبى شەكتى جاۋاپكەرشىلىك سەرىكتەستىگى شەتەل بازارىنا ءورىس اشۋمەن بىرگە، جەرگىلىكتى ورىندا جۇمىستاندىرۋدى دا جەبەپ، ءداستۇرلى ساۋدانىڭ تيبىن جاڭالاپ، دەڭگەيىن ءوسىرۋدى دە جۇزەگە اسىردى.
ءۇرىمجى حالىقارالىق قۇرلىقتىق پورت اۋماعىنىڭ قارىشتاپ دامۋى اۆتونوميالى رايوندىق پارتكومنىڭ شينجياڭنىڭ ءوزىنىڭ وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋىنا ەنگىزگەندىگىنىڭ ىقشام كورىنىسى. ىرىقتىلىقپەن سىرتقا شىعىپ سەلبەستىك جاساسۋدى قاراستىراتىن ءبىرسىپىرا ناقتى شارالاردىڭ جەتەكتەۋىندە ءارقايسى شەكارا وتكەلدەرى مەن ءۇرىمجى حالىقارالىق قۇرلىقتىق پورت اۋماعىنىڭ بىرلەسىپ ارەكەتتەنۋى كۇن سايىن كۇشەيدى. بيىل الدىڭعى جارتى جىلدا، شينجياڭ تەمىر جولى الاتاۋ ساعاسى مەن قورعاس شەكارا وتكەلىنەن شەكارادان كىرىپ - شىققان جۇڭگو − ەۆروپا (ورتا ازيا) كەزەكشى پويەزى 7160 كەزەك بولىپ، سايكەس مەزگىلدەگىدەن ％7. 13 ارتتى، وتكىزىلگەن جۇك مولشەرى 12 ميلليون 301 مىڭ توننا بولىپ، سايكەس مەزگىلدەگىدەن ％24 ارتتى. شىنى كەرپىش سياقتى قوسىمشا قۇنى تومەن ونىمدەردى تاسىمالداۋدان تارتىپ شينجياڭنىڭ وزىنەن شىققان بولات ماتەريالدار، حيميا ونەركاسىپ ونىمدەرى، اۋىل شارۋاشىلىق قوسىمشا ونىمدەرى جانە جۋجياڭ اتىراۋى، چاڭجياڭ اتىراۋى، بەيجيڭ − تيانجين − حىبەي سياقتى جەرلەردەن اكەلىنگەن اۆتوكولىك بولشەكتەرى، ەلەكتروندى ونىمدەر سياقتىلار تاسىمالدانىپ، جۇڭگو − ەۆروپا كەزەكشى پويەزىنىڭ تاسىمالداعان جۇك ءتۇرى 200 تۇردەن استى.
شىراقتار اسپان الەمىن كۇندىزگىدەي جارقىراتقان تاعى ءبىر ءتۇن بولدى، شينجياڭ حۇڭيۇندا حالىقارالىق جۇك تاسىمالى وكىلەتتى شەكتى سەرىكتەستىگىندە باس القا ياڭ يۇڭگاڭ، ءبىر جاعىنان، قىزمەتكەرلەردى باستاپ ۇستەمەلەي جۇمىس ىستەي ءجۇرىپ حالىقارالىق بىرلەسىپ تاسىمالداۋ تاسىمال تالونى، اۆتوكولىك جۇك تاسىمالىنا بەرىلەتىن حۇجات سياقتى كەزەكشى پويەز تاسىمال راسمياتتارىن بىتىرسە، ەندى ءبىر جاعىنان، سەرىكتەستىكتىڭ قازاقستانداعى ءىس ءبىتىرۋ قۇرىلىمىنا زات جەتەتىن ۋاقىتتى تياناقتاندىرىپ جاتتى.
”قالىپتى ۇلگىدە، كەزەكشى پويەز قازاقستان شەكاراسىنا كىرگەننەن كەيىن شىرەتكە تۇرىپ رەليس اۋىستىرادى دا، الماتىعا جەتكىزۋ ءۇشىن كەمىندە 20 نەشە كۇن كەتەتىن. جۇڭگو − ەۆروپا كەزەكشى پويەزىنىڭ كەڭ رەليسكە اۋىستىرۋ ۇلگىسىنىڭ قولدانىلۋىنىڭ ارقاسىندا، قازىر جۇك قورعاس شەكارا وتكەلىنە جەتكىزىلگەننەن كەيىن - اق رەليس اۋىستىرۋعا بولادى، نىسانالى جەرگە كوپ بولعاندا 10 كۇندە جەتەدى، كاسىپورىنعا زات اينالىم ۋاقىتىن، نارقىن ۇنەمدەپ بەردى“. ياڭ يۇڭگاڭ بىلاي دەدى: شەكارا وتكەلىنىڭ جۇمىس ىستەۋ قۋاتىنىڭ ۇزدىكسىز جوعارىلاۋىنا ساي، سەرىكتەستىكتىڭ جالپى جۇمىس مولشەرى بىلتىرعى سول تۇستاعىدان ％30 شاماسىندا كوبەيدى.
سىرتقا باعىتتالعان ءىرى ارنانىڭ قىزمەت وتەۋ دەڭگەيىن ۇزدىكسىز ارتتىرىپ، اناعۇرلىم ىرىقتى كۇيدە سىرتقا شىعۋمەن بىرگە، ءۇرىمجى حالىقارالىق قۇرلىقتىق پورت اۋماعى نىسانداردى تياناقتاندىرۋعا قىزمەت وتەۋ بارىسىن ۇزدىكسىز ساپالىلاندىرىپ، ساۋدا، زات اينالىمى، حالىقارالىق ساۋدا جانە ۋاقىتتىق پورت جاساۋ سياقتى ءتۇيىندى كاسىپ سالالارىن توڭىرەكتەي وتىرىپ ساۋداگەر شاقىرىپ قارجى ەنگىزۋ تەبىنىن ۇزدىكسىز كۇشەيتىپ، جيىنى 165 كاسىپورىن ەنگىزىپ، جيىنى شامامەن 3 ميلليارد 722 ميلليون يۋان قارجىنى تىركەۋگە الدىردى. بيىل جىل باسىنان بەرى، 27 كاسىپورىن ەنگىزىپ، 28 ميلليون يۋان قارجىنى تىركەۋگە الدىردى. بيىل 3 - ايعا دەيىن، ءۇرىمجى حالىقارالىق قۇرلىقتىق پورت اۋماعى ساۋدا سوماسىن 237 ميلليارد 430 ميلليون يۋانعا جەتكىزىپ، بيىل ءبىرىنشى ماۋسىمنىڭ وزىندە ساۋدا سوماسىن 21 ميلليارد 500 ميلليون يۋانعا جەتكىزدى.
”2000 نەشە جىلدىڭ الدىندا جاڭ چيان باتىس وڭىرگە جول العان ەدى، بۇگىنگى كۇندە، ءبىز جىبەك جولى رۋحىن اسقاقتاتىپ، جالعاستىرىپ، باس شۋجي ايتقان ’تاريحي مانگە يە ءىستى‘ ويداعىداي ورىنداۋىمىز كەرەك“. ما چۇنلەي بىلاي دەدى: ءۇرىمجى حالىقارالىق قۇرلىقتىق پورت اۋماعى اۆتونوميالى رايوندىق پارتكومنىڭ باتىسقا بەت العان زات اينالىمى ءىرى ارناسىن جەدەل قۇرۋ، شينجياڭ ساۋدا، زات اينالىمى توبىن ۇيىمداستىرىپ قۇرۋ سىندى كەلەلى ورايىن مىقتاپ يگەرىپ، ءتۇزىلىس - مەحانيزمدە جاڭالىق اشۋدى جەدەلدەتىپ، زات اينالىمى، ساۋدا، كاسىپ سالاسى، قىزمەت وتەۋ سياقتى جاقتاردا توڭىرەكتەگى وڭىرگە ىقپال جاساۋ قۋاتى جانە شارپۋ رولى بار حالىقارالىق كاسىپورىن بولۋعا قۇلشىنىپ، قوس اينالىمدى، ەركىن ساۋدانى، قولايلىلاندىرۋدى جەبەيتىن كەشەندى جوباسى بار قامداۋشى ساۋداگەرگە اينالۋدى جەبەپ، كاسىپ سالاسى مەن ساۋدانىڭ توعىسۋىن ىلگەرىلەي ءبىر تۇتاس جوسپارلاپ، ارنا ەكونوميكاسىنىڭ توراپ ەكونوميكاسىنا، كاسىپ سالاسى ەكونوميكاسىنا، وتىرىقتى ەكونوميكاعا بۇرىلىس جاساۋىن ىلگەرىلەتەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
