ەركىن تۇنياز قارامايلى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
جوعارى ساپالى دامۋدىڭ كوشباسشىسى بولۋعا قۇلشىنۋ كەرەك
2023.07.19 16:17 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي ياڭ 7 - ايدىڭ 17 - كۇنى قارامايلىدان حابارلايدى. 7 - ايدىڭ 16 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قارامايلى قالاسىنا كەلىپ، اۋىل شارۋاشىلىعىن وسىزامانداندىرۋ، سيفرلى ەكونوميكا، كاسىپ سالاسىن شوعىرلاندىرۋ قۇرىلىسى سياقتىلارعا تەكسەرۋ - زەرتتەۋ جۇرگىزدى. ەركىن تۇنياز بىلاي دەپ باسا دارىپتەدى: نەگىزگى تاقىرىپتىق تاربيە ورىستەتۋدى وراي ەتىپ، ”يدەيانى ۇيرەنۋگە، پارتيالىلىقتى كۇشەيتۋگە، امالياتقا ءمان بەرۋگە، جاڭا ۇلەس قوسۋعا“ بىرلەستىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ۋاقىت كۇتىپ تۇرمايدى دەيتىن كوكەي تەستىلىك سەزىممەن قارامايلى قالاسىنىڭ ”ءبىر تىرەك، كوپ نەگىزدى“ كاسىپ سالاسى قۇرىلىمىن ساپالىلاندىرىپ، دارەجەسىن جوعارىلاتۋدى ىلگەرىلەتىپ، اۆتونوميالى رايوننىڭ ەكونوميكاسىنىڭ، قوعامىنىڭ جوعارى ساپالى دامۋىنىڭ كوشباسشىسى بولۋعا قۇلشىنۋ كەرەك.
قارامايلى سىنحى سيفرلى اۋىل شارۋاشىلىعىنا قارجى قوسۋ توبى شەكتى سەرىكتەستىگى ءشول كۇرىشى تۇقىم كاسىبىن وزەك ەتكەن تۇتاس كاسىپ سالاسى تىزبەگىن ءتۇيىندى تۇردە تۇلعالادى. اتالعان سەرىكتەستىكتىڭ زەردەلى اۋىل شارۋاشىلىعى عىلىم - تەحنيكاسىنان ۇلگى كورسەتۋ بازاسىندا ەركىن تۇنياز ساپالى تۇقىم جەتىلدىرۋ، جوعارى ءونىمدى سۋ ۇنەمدەۋ، زات ينتەرنەتى تەحنيكاسىن قولدانۋ سياقتى احۋالداردى ەگجەي - تەگجەيلى ۇعىستى. ول بىلاي دەپ باسا دارىپتەدى: زات ينتەرنەتى، بۇلتتىق ەسەپتەۋ، ۇلكەن ساندى مالىمەت سياقتى ينفورماتسيا تەحنيكاسىنىڭ اۋىل شارۋاشىلىعى ءوندىرىسىنىڭ تۇتاس كاسىپ سالاسى تىزبەگىندە قولدانىلۋىن بەلسەندىلىكپەن ىلگەرىلەتۋ كەرەك.
كاسىپورىن قايسى سيفرلى كاسىپ سالاسى نىساندارىن ىسكە قوستى؟ قانداي دەربەس تەحنيكالار بار؟ رايونىمىزدىڭ سيفرلى كاسىپ سالاسىن دامىتۋىنا قانداي ۇسىنىس ايتاسىزدار؟ سيفرلى جىبەك جولى شينجياڭ كاسىپ سالاسى قارجى قوسۋ توبى شەكتى سەرىكتەستىگىندە ەركىن تۇنياز كاسىپورىن جاۋاپتىلارىمەن ىشكەرىلەي پىكىر اۋىستىرىپ، بىلاي دەپ باسا دارىپتەدى: قارامايلى سيفرلى ەكونوميكا جاعىندا ەرتە باستالۋ، نەگىزى كۇشتى، قولدانىلىمى كەڭ بولۋ سياقتى باسىمدىقتارىن تولىق ساۋلەلەندىرىپ، ەل ءىشى - سىرتىنداعى باستاماشى كاسىپورىندارمەن سەلبەستىكتى كۇشەيتىپ، جەتىلدىرۋ تۇعىرىنىڭ رولىن ساۋلەلەندىرىپ، تۇتاس رايوننىڭ سيفرلى ەكونوميكاسىنىڭ دامۋىنا ونەگە ورناتۋ كەرەك. قارامايلى قالالىق قوعامدى باسقارۋعا قولباسشىلىق ەتۋ ورتالىعىندا ەركىن تۇنياز بىلاي دەپ باسا دارىپتەدى: سيفردىڭ قۋات ۇستەۋى ارقىلى قوعامدى باسقارۋداعى كەسىرلى تۇيىندەردى، قيىن تۇيىندەردى، بوگەتتىك تۇيىندەردى شەشىپ، قالانى اناعۇرلىم زەردەلى، تۇرمىستى اناعۇرلىم قولايلى ەتىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز ارتتىرۋ كەرەك.
ەركىن تۇنياز شينجياڭ جيڭپين جاڭا ەنەرگيا شەكتى سەرىكتەستىگىنىڭ 12GW جوعارى ءونىمدى جاي كريستالدى كرەمني تاياقشاسى جانە كرەمني پلاستينكاسى نىسانى قۇرىلىسىنىڭ احۋالىن بەينە ەكراندا كوردى؛ يپۋ جاڭا ماتەريالدار شەكتى سەرىكتەستىگىنە كەلىپ، جىلدىق ءونىم مولشەرى 720 مىڭ توننالىق پارىقتى پوليمەر جاڭا ماتەريالى نىسانىن ىلگەرىلەتۋ احۋالىن ۇعىستى؛ شينجياڭ دۇنحۋا جاسىل كومىر تەحنيكاسى جارنا شەكتى سەرىكتەستىگىندە كاسپورىننىڭ عىلىم - تەحنيكادا جاڭالىق اشۋ احۋالى جونىندەگى تانىستىرۋدى تىڭدادى. ول بىلاي دەپ باسا دارىپتەدى: نازاردى ”كومىر قىشقىل گازىن شىعارۋدى ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ“ نىساناسىنا شوعىرلاندىرىپ، فوتوۆولتتىق ەلەكتر تاراتۋ، سۋتەگى ەنەرگياسى، كرەمني نەگىزدى، كومىرتەگى نەگىزدى سياقتى جاڭا ەنەرگيالى جاڭا ماتەريالدار كاسىپ سالاسىن بەلسەندىلىكپەن دامىتىپ، جوعارى ساپالى دامۋعا قوزعاۋشى كۇش ۇستەۋ كەرەك.
تەكسەرۋ - زەرتتەۋ بارىسىندا ەركىن تۇنياز بىلاي دەپ باسا دارىپتەدى: ساپالى تۇقىم جەتىلدىرۋدە جاڭالىق اشۋدان قامال الۋ تەبىنىن ارتتىرىپ، زەردەلى اۋىل شارۋاشىلىعى ارقىلى اۋىل شارۋاشىلىعىندا قۋاتتى رايون قۇرىلىسىنا قۋات ۇستەپ، مەملەكەتتىڭ استىق حاۋىپسىزدىگىن قامتاماسىز ەتۋگە اناعۇرلىم زور ۇلەس قوسۋ كەرەك. تۇتاس رايوننىڭ جوعارى ساپالى دامۋ (ءۇرىمجى − قارامايلى − سانجى اۋماعى) جۇمىس باسى ءماجىلىسىنىڭ تالابى بويىنشا مۇناي - تابيعي گاز بايلىعىنىڭ قورىن ارتتىرىپ، ءونىمىن جوعارىلاتۋدى ۇزدىكسىز ىلگەرىلەتىپ، ىشكەرىلەي تىزبەكتى ۇزارتىپ، تىزبەكتى تولىقتاپ، تىزبەكتى كۇشەيتىپ، تىزبەكتى كەڭەيتىپ، ”شينجياڭنىڭ مۇنايىن شينجياڭدا ايىرۋ“ جانە جوعارعى، تومەنگى بۋىنداعى كاسىپ سالاسىن سايكەستىرە دامىتۋدى ىلگەرىلەتۋ كەرەك. كەلەلى نىسان قۇرىلىسىن باستان - اياق قارجى قوسۋدى كەڭەيتۋدىڭ، ارتۋدى ورنىقتىرۋدىڭ ماڭىزدى تۇتقاسى ەتىپ، جالپى فاكتورلىق قامتاماسىزدىقتى ويداعىداي ىستەپ، ساۋدا ارقىلى ساۋداگەر شاقىرۋدى كۇشەيتىپ، كاسىپورىنعا تيىمدىلىك جاسايتىن، كاسىپورىنعا پايدالى قىزمەت وتەۋدى كۇشەيتىپ، شارۋاشىلىق ساۋدا ورتاسىن ۇزدىكسىز ساپالىلاندىرۋ كەرەك. ۇلكەن ساندى مالىمەت قىزمەتىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتىپ، ساندى مالىمەت حاۋىپسىزدىگى، ساندى مالىمەت ولشەمى جۇيەسى قۇرىلىسى سياقتى جاقتاردا كۇش سالىپ، سيفرلى تەحنيكانىڭ قوعامدىق باسقارۋ، الەۋمەتتىك قىزمەت وتەۋ سياقتى سالالاردا قولدانىلۋىن ۇزدىكسىز تەرەڭدەتۋ كەرەك. شىنايى تۇردە يدەيانى ازات ەتىپ، ستيلدە بۇرىلىس جاساپ، ءتۇيىندى، قيىن ماسەلەلەردى بار كۇشپەن شەشۋ ارقىلى ءتۇرلى قىزمەتتىڭ ساپاسىنىڭ جالپى بەتتىك جوعارىلاۋىنا جەتەكشىلىك ەتۋ كەرەك. ”ءاردايىم قام جەپ تۇراتىن“ جاۋاپكەرشىلىك سەزىممەن ءوندىرىس حاۋىپسىزدىگىن ويداعىداي يگەرىپ، قىزىل سىزىقتى، تومەنگى شەكتى باتىل ساقتاپ، الەۋمەتتىك حاۋىپسىزدىكتى باسقارۋ دەڭگەيىن ۇزدىكسىز جوعارىلاتۋ كەرەك.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
