جاڭالىق اشا ناقتى ىستەدى، شينجياڭعا كومەكتەسۋ قادامىن توقتاتپادى
− ورتالىق ورىندارىنان 10 - توپتا شينجياڭعا كومەككە كەلگەن كادر - دارىندىلاردىڭ قىزمەتى جونىندە جالپى شولۋ (1)
□ انار بۇلت \ شينجياڭ گازەتىنىڭ ءتىلشىسى فان چيۇڭيان
2023.07.19 16:19 كەلۋ قاينارى : شينجياڭ گازەتى
اكادەميكتەر تيانشان الابىنا بارىپ ”اقىل - پاراسات جاعىنان كومەكتەستى“؛ ءبىلىم ءوسىرۋ كۋرسىن اشىپ، كادرلاردىڭ باسشىلىق قابىلەتىن جوعارىلاتتى؛ ءبىر توپ جوعارى، جاڭا رايون، مەملەكەتتىك ءتۇيىندى تاجىريبەحانا جانە بىلىمدىلەردى ەنگىزۋدە جاڭالىق اشۋ بازاسى قۇرىلىسىن ىلگەرىلەتتى...
2020 - جىلى 9 - ايدا ورتالىق ورىندارىنىڭ 10 - توپتا شينجياڭعا كومەكتەسەتىن كادر - دارىندىلارى شينجياڭعا كەلىپ قىزمەت ىستەدى. 3 جىلدان بەرى ولار ءداۋىر جاۋاپكەرشىلىگىن ارقالاپ، تاسقىنداعان العىس ايتۋ سەزىمىمەن، وتانعا قىزمەت وتەۋدى امالياتتا ايگىلەۋ جىگەرىمەن بۇكىل رايونداعى ءار ۇلت كادر، بۇقاراسىمەن ءبىر نيەتپەن ىنتىماقتاسىپ، جاڭالىق اشا ناقتى ىستەپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىندا كورنەكتى تابىسقا قول جەتكىزۋدى ىلگەرىلەتىپ، كورىكتى شينجياڭ قۇرۋعا كورنەكتى ۇلەس قوستى.
كومەكتەسۋ بارىسىندا دارىندىلاردىڭ ىشكى قوزعاۋشى كۇشىن تۋىنداتتى
دارىندى − مەملەكەتتى بايىتۋدىڭ ءتۇبىرى، ەلدى كوركەيتۋدىڭ ۇتىمدى شاراسى.
7 - ايدىڭ 4 - كۇنىنەن 10 - كۇنىنە دەيىن جياڭشي ولكەسى جيڭگاڭشان قالالىق پارتكومنىڭ قىزىل تاربيە بازاسىندا شينجياڭنىڭ ءارقايسى مەڭگەرمە - مەكەمەلەرىنەن، شينجياڭ ءوندىرىس - قۇرىلىس بيڭتۋانىنان، 14 ايماق، وبلىس، قالادان كەلگەن 60 نەشە ايەل باسشى كادر 2023 - جىلعى شينجياڭ ايەلدەر بىرلەستىگى ايەلدەردىڭ باسشىلىق قابىلەتى ارناۋلى تاقىرىپتىق زەرتتەۋ - تالقى كۋرسىنا قاتىناستى، مۇنداعى ماقسات − جاڭا داۋىردەگى ايەل باسشى كادرلاردىڭ ساياسي جەتىلىمى مەن مىندەت اتقارۋ قابىلەتىن كۇش سالا جوعارىلاتۋ. مەملەكەتتىك ايەلدەر بىرلەستىگىنىڭ شينجياڭعا كومەكتەسەتىن كادر - دارىندىلارىنىڭ بەلسەنە ىلگەرىلەتۋىندە، وسى سياقتى باۋلۋ 100 نەشە رەت ورىستەتىلدى.
3 جىلدان بەرى ورتالىق ورىندارىنىڭ ايرىقشا كومەك كورسەتۋىندە، شينجياڭ ءىشى - سىرتىندا جيىنى 2175 رەت ءتۇرلى باۋلۋ كۋرسى وتكىزىلىپ، باۋلىنعان كادر - دارىندى 500 مىڭنان (رەت) اسىپ، شينجياڭعا كومەكتەسۋ ارناسىنان پايدالانىپ 19 مىڭنان استام دارىندى (رەت) يكەمدى ەنگىزىلىپ، 70 كادر ورتالىق ورىندارىنا مىندەتكە ءىلىپ شىنىقتىرۋعا تاڭداپ جىبەرىلدى.
تيانشان الابىندا شينجياڭعا كومەكتەسەتىن كۇشتەردىڭ ەكپىندەي ىلگەرىلەگەن قادامى توقتامادى. عىلىم - تەحنيكا مينيسترلىگىنىڭ، مەملەكەتتىك ورمان، جايلىم مەكەمەسىنىڭ، مەملەكەتتىك كەڭەس دامۋدى زەرتتەۋ ورتالىعىنىڭ شينجياڭعا كومەكتەسەتىن كادر - دارىندىلارى باس بولىپ اۆتونوميالى رايوننىڭ كوپتەگەن كەلەلى ساياساتتىق حۇجاتتارىن، زەرتتەۋ باياندامالارىن دايىندادى... شينجياڭنىڭ دامۋعا جاڭالىق اشا دەم بەرۋدى تەرەڭدەتۋىنە عىلىم - تەحنيكا جاعىنان پارمەندى تىرەك ازىرلەدى.
شينجياڭعا كومەكتەسەتىن قالىڭ كادر - دارىندى اۆتونوميالى رايوننىڭ كەلەلى كاسىپ سالالارىن، ءتۇيىندى ينجەنەريالارىن، ماڭىزدى قىزمەتتەرىن ارقاۋ ەتىپ، اۆتونوميالى رايوندىق پارتكوم مەن ۇكىمەتكە 120 كەلەلى پىكىر - ۇسىنىس قويىپ، 1218 زەرتتەۋ - تەكسەرۋ بايانداماسىن جازىپ، 450 ءتۇيىندى زەرتتەۋ تاقىرىبىن جۇرگىزىپ جانە قاتىناسىپ، 181 تۇردەگى تەحنيكالىق اقتاڭداقتى تولتىرىپ، ۇلگىلىك، باستاماشىلدىق رولدارىن تولىق ساۋلەلەندىردى.
6 - ايدىڭ 30 - كۇنىنەن 7 - ايدىڭ 1 - كۇنىنە دەيىن 4 - كەزەكتى ”ءبىر بەلدەۋ، ءبىر جول“ اكادەميكتەر جوعارى دارەجەلى تالقى مىنبەرى شينجياڭدا وتكىزىلدى، 6 اكادەميك ارقاۋ ءسوز سويلەپ، ”ءبىر بەلدەۋ، ءبىر جولدىڭ“ دەنساۋلىق ساقتاۋ، سالاماتتىق ىستەرى دامۋىنا ۇلەس قوستى.
3 جىلدان بەرى شينجياڭعا كومەكتەسەتىن كادر - دارىندىلار ”اكادەميكتەردىڭ تيانشان الابى ساپارى“ سياقتى ورەلى شەشىمدەر بويىنشا اقىل - كەڭەس بەرۋدەن قىزمەت وتەۋ قيمىلىن ورىستەتىپ، 144 اكادەميك، ماماندى شينجياڭعا بارىپ تەكسەرۋ - زەرتتەۋ جۇرگىزۋگە ۇيىمداستىردى، اۆتونوميالى رايون مەن اكادەميا 12 سەلبەستىك كەلىسىمىنە قول قويىپ، اۆتونوميالى رايون - اكادەميانىڭ سەلبەستىك جاساۋ كوميتەتىن جانە شينجياڭ اكادەميكتەر بىرىككەن كەڭەسىن قۇرىپ، عىلىم - تەحنيكا جەتىستىگىنىڭ شينجياڭعا ويىسىپ كادەگە جاراۋىن، تياناقتانىپ ونىمدىلىك كورسەتۋىن ىلگەرىلەتتى.
”كورىكتى شينجياڭ قۇرۋعا ۇلەس قوسۋدا بورىشىمنىڭ داڭقتى ەكەندىگىن تەرەڭ سەزىندىم“. قاشقار ەكونوميكالىق اشۋ رايونىن باسقارۋ كوميتەتىنىڭ ورىنباسار مەڭگەرۋشىسى، قاشقار كەشەندى قورعامالى باجى اۋماعىن باسقارۋ كوميتەتىنىڭ مەڭگەرۋشىسى ما حايتاۋ بىلاي دەدى: ”3 جىل شينجياڭعا كومەكتەسۋ كىسىلىك ءومىرىمدى بايىتتى، دەڭگەيىمدى جوعارىلاتتى، قابىلەتىمدى ۇشتادى، كوز ايامدى كەڭەيتتى“.
”شاعىن ۇيىرمە قۇراۋ“ زور ەنەرگيا تاراتتى
باس شۋجي شي جينپيڭ بىلاي دەپ اتاپ كورسەتتى: شينجياڭ قىزمەتىن ويداعىداي ىستەۋ كەلەلى جاعدايعا سايادى، بۇكىل پارتيانىڭ، بۇكىل مەملەكەتتىڭ ءىرى ءىسى. بۇكىل پارتيا ستراتەگيالىق جانە جالپى جاعداي بيىگىندە تۇرىپ، شينجياڭ قىزمەتىنىڭ ماڭىزدىلىعىن تانىپ، شينجياڭعا باعىتتامالى كومەكتەسۋ قىزمەت سەرپىنىن كۇشەيتىپ، شينجياڭعا باعىتتامالى كومەكتەسۋ قىزمەت مەحانيزمىن كەمەلدەندىرىپ، شينجياڭ قىزمەتىن بىرگە ويداعىداي ىستەۋ كەرەك.
3 جىلدان بەرى ورتالىق ورىندارىنىڭ وقۋ - اعارتۋ جانە ەمدەۋ دارىندىلارىنىڭ ”شاعىن ۇيىرمە قۇراپ“ شينجياڭعا كومەكتەسۋ قىزمەت جوباسىن زەرتتەپ جاساپ، ورتالىق ورىندارىنىڭ شينجياڭعا كومەكتەسۋ قىزمەت كۇشىن بىرىكتىرىپ، وقۋ - اعارتۋ جانە ەمدەۋ دارىندىلارىنىڭ ”شاعىن ۇيىرمە“ بويىنشا شينجياڭعا كومەكتەسۋ ۇيىرمەسىنەن جيىنى 14ىن قۇرىپ، كومەكتەسۋ قىزمەتىن كۇشتى شوعىرلاندىرا وتىرىپ ورىستەتتى.
شەكارا وتكەلى ەكونوميكاسىندا ”شاعىن ۇيىرمە“ بويىنشا شينجياڭعا كومەكتەسۋ قىزمەتىنە ىزدەنىس جاساپ جانە ورىستەتىپ، سىرتقى ىستەر، دامۋ جانە رەفورما، كەدەن، ساۋدا ىستەرى سياقتى ورتالىق ورىندارىنىڭ شينجياڭعا كومەكتەسەتىن كادرلارىنىڭ ”شاعىن ۇيىرمەسىن“ ۇيىمداستىرىپ قۇرىپ، قورعاس ەكونوميكالىق اشۋ رايونى مەن الاتاۋ شەكارا وتكەلىنىڭ جوعارى ساپالى دامۋدى جۇزەگە اسىرۋىنا دەم بەردى.
دۇڭبەي شىفان داشۋەسى سياقتى جوعارى مەكتەپتەردىڭ ”شاعىن ۇيىرمە“ بويىنشا شينجياڭعا كومەكتەسۋ ۇيىرمەسى شينجياڭ داشۋەسىندە ”ۇيىرمە قۇراۋ فورماسىنداعى“ كوتەرمەگە الىپ شۋەيۋان قۇرۋ ”X+3+2+1“ قۇرىلىم جۇيەسىن ىلگەرىلەتىپ، شينجياڭعا كومەكتەسەتىن كادر - دارىندىلاردى دانەكەر ەتىپ، ءپان قۇرىلىسى، دارىندىلاردى باۋلۋ، عىلمي زەرتتەۋ سياقتى سەلبەستىك تۇعىرلارىن ورناتتى.
شيبەي اۋىل شارۋاشىلىعى، ورمان شارۋاشىلىعى عىلىم - تەحنيكا داشۋەسى سياقتى جوعارى مەكتەپتەردىڭ ”شاعىن ۇيىرمە“ بويىنشا شينجياڭعا كومەكتەسۋ ۇيىرمەسى شينجياڭ اۋىل شارۋاشىلىق داشۋەسىندە ”پاندەردى كوتەرمەگە الۋ قۇرىلىسى“ ۇلگىسىندە جاڭالىق اشىپ، ”N+1+1“ شينجياڭعا كومەكتەسۋ مەحانيزمىن ورناتىپ، كومەكتەسۋگە جىبەرىلگەن جوعارى مەكتەپتەردىڭ ءپان باسىمدىعىن تولىق ساۋلەلەندىرىپ، مەكتەپ باسقارۋ ورەسى مەن وقىتۋ دەڭگەيىن ۇزدىكسىز جوعارىلاتتى.
جۇڭنان داشۋەسى شياڭيا شيپاحاناسى سياقتى شيپاحانالاردىڭ ”شاعىن ۇيىرمە“ بويىنشا شينجياڭعا كومەكتەسۋ ۇيىرمەسى شينجياڭ مەديتسينا داشۋەسىنە قاراستى 2 - شيپاحاناسىنىڭ ەمدەۋ وزەكتى ءتۇزىمىن ورناتۋىنا، اقاۋسىزداندىرۋىنا كومەكتەسىپ، ءبىر توپ ەمدەۋ ورتالىعىن، ەرەكشە ارناۋلى بولىمدەردى جانە ماماندار قىزمەت پۋنكتىن قۇرۋىن قولداپ، جاڭا تەحنيكا، جاڭا كاسىپتەن 46 ءتۇرىن ورىستەتىپ، 32 تەحنيكالىق اقتاڭداقتى تولتىرىپ، دياگنوز قويۋ، ەمدەۋ دەڭگەيى مەن عىلمي زەرتتەۋ قابىلەتىن ءونىمدى جوعارىلاتتى.
”شاعىن ۇيىرمە“ بويىنشا شينجياڭعا كومەكتەسۋ ۇيىرمەلەرى ”ۇيرەتۋ، كومەكتەسۋ، جەتەكتەۋ“ رولىن تولىق ساۋلەلەندىرىپ، ”ۇشقىننان جالىن قاۋلاتىپ“، دارىندىلاردى شۇعىلا شاشتىرىپ، ءبىر توپ جەرگىلىكتى دارىندىلاردى باۋلىپ شىقتى.
مادەنيەت ارقىلى جۇرت جۇرەگىن نارلەندىردى
بيىل جىل باسىندا مادەنيەت - ساياحات جۇڭگو الەۋمەتتىك ءنومىرى 2022 - جىلعى مادەنيەت جانە ساياحات قيمىلدارىنداعى جۇرت نازارىن اۋدارعان تىزىمدىكتەردى جاريالادى، ”شينجياڭ جاقسى جەر − شينجياڭعا باعىتتامالى كومەكتەسكەن 19 ولكە، قالانىڭ بەيزاتتىق مادەنيەت مۇرالارى كورمەسى“ تىزىمدىكتەن ورىن الدى.
”شينجياڭ جاقسى جەر − شينجياڭعا باعىتتامالى كومەكتەسكەن 19 ولكە، قالانىڭ بەيزاتتىق مادەنيەت مۇرالارى كورمەسىن“ مادەنيەت جانە ساياحات مينيسترلىگىنىڭ شينجياڭعا كومەكتەسكەن كادر - دارىندىلارى جوبالاعان، 2021 - جىلى، 2022 - جىلى ءۇرتىس 2 كەزەك وتكىزىلىپ، ينتەرنەت جەلىسىندە جانە ينتەرنەت جەلىسىنەن تىس تاماشالاعاندار 100 ميلليون ادامنان (رەت) استى.
”شينجياڭ جاقسى جەر − ءدامدى تاعام شينجياڭدا“ ءدامدى تاعام جەلىلەس قىسقا بەينەجازبالارىن شەتەلدەگى جۇڭگو مادەنيەت ورتالىعىنىڭ جانە شەتەلدە تۇراتىن ساياحات ءىس باسقارماسىنىڭ شەتەلدەگى 68 مەدياسىنىڭ تۇعىرىنا شىعارىپ، دۇنيە جۇزىنە جۇڭگو حيكاياسىنىڭ شينجياڭ تاراۋىن ۇزدىكسىز ويداعىداي باياندادى؛ «3565 ىزگى نيەتتى ادام حوتاندىق قىز بالاعا جىلۋعا بەرىلگەن 120 مىڭ يۋاننىڭ نە ءۇشىن قايتارىلعاندىعىن سۇرادى»، «حوتان − چارقىلىق تەمىر جولىندا پويەز قاتىناپ، ەكونوميكا شەڭبەرىن ۇلاستىردى» سياقتى ءبىر توپ تاڭداۋلى اقپارات تۋىندىلارى قوعامدا كۇشتى اڭىس قوزعادى.
وسى سارا كورمەلەردىڭ، تاڭداۋلى تۋىندىلاردىڭ استارىندا شينجياڭعا كومەكتەسكەن كادر - دارىندىلاردىڭ جاپا - ماشاقاتى مەن ەڭبەگى جاتىر.
3 جىلدان بەرى ورتالىق ورىندارى شىنايى مويىنداۋدى كۇشەيتۋدى نىسانا ەتۋگە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورتانۋدىڭ جاڭا تاراۋىن جازۋدى ىلگەرىلەتتى. شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، شينجياڭعا كومەكتەسكەن كادر - دارىندىلاردى باسىمدىقتارىن، ارتىقشىلىقتارىن ساۋلەلەندىرۋگە ۇيىمداستىرىپ، كوركەمونەر سارا تۋىندىلارىن جاراتىپ، مادەنيەت كاسىپ سالاسىن كوركەيتىپ، مادەنيەت ىستەرىن دامىتتى.
سونىمەن بىرگە شينجياڭعا كومەكتەسكەن كادر - دارىندىلاردىڭ كوپىرلىك، دانەكەرلىك رولىن تولىق ساۋلەلەندىرىپ، اۋىس - كۇيىس جاساۋ، ءوزارا ىقپالداسۋ تۇعىرىن بەلسەنە ورناتىپ، ءار ۇلت كادر - بۇقاراسىنىڭ كەڭ كولەمدە ارالاسۋىن، جان - جاقتى ىشتەسۋىن، تەرەڭ توعىسۋىن ىلگەرىلەتتى.
3 جىلدان بەرى ورتالىق ورىندارىنان 1290 توپتا (ۇيىرمە) 25 مىڭنان استام ادام (رەت) شينجياڭعا ىسساپارمەن كەلدى. كوممۋنيستىك جاستار وداعى ورتالىق كوميتەتى شينجياڭ مەن باسقا دا ولكە، قالالارداعى ءار ۇلت جاستارى مەن وسپىرىمدەرىنەن 980 مىڭنان استام ادامدى (رەت) جۇپ قۇراۋ قيمىلىن ورىستەتۋگە، شينجياڭدىق 8000 ورتا مەكتەپ وقۋشىسىن شينجياڭ سىرتىنداعى جوعارى مەكتەپتەرگە بارىپ جازعى كانيكۋل كەزىندەگى ”جۇرەكتەستەر لاگەرى“ قيمىلىن ورىستەتۋگە ۇيىمداستىردى؛ 15 مىڭنان استام شينجياڭدىق جوعارى مەكتەپ وقۋشىسى شينجياڭعا قايتىپ ”ۇلتتار ىنتىماعىن امالياتتا ايگىلەيمىن“ اتتى قوعامدىق امالياتتىق قيمىلىن ورىستەتىپ، جۇڭحۋا ۇلتى ورتاق تۇلعا تانىمىن بەرىك ورناتۋداعى ”كىشكەنتاي اناردىڭ دانىنە“ اينالدى.
3 جىلدان بەرى ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ورىستەتۋ ارقىلى شينجياڭعا كومەكتەسكەن كادر - دارىندىلار مەن كومەك قابىلداعان جەرلەردەگى بۇقارانىڭ سۇيىسپەنشىلىگى بارعان سايىن تەرەڭدەدى. ورتالىق ورىندارىنىڭ 10 - توپتا شينجياڭعا كومەكتەسكەن كادر - دارىندىلارى شينجياڭداعى از ۇلت بۇقاراسىمەن 246 وتباسى بويىنشا 857 اداممەن جۇپ قۇراپ، تۋىس بولىپ، 10 مىڭ رەتتەن استام جاعداي ۇعىسىپ، كەزدەسكەن، 39 ميلليون يۋاننان استام اقشالاي، زاتتىق كومەك بەرىپ، ءار ۇلت بۇقاراسى ءۇشىن ناقتى ىستەردى ىستەپ، قيىن ىستەرىن شەشىپ، بۇقارانىڭ جاپپاي القاۋىنا يە بولدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
