زاماندىق كيىم - كەشەك شوۋى، كوشە ءبيى، اۋىس - كۇيىس جينالىسى، الاڭ ءبيى
ءبي فەستيۆالى كەزىندە باي مازمۇندى سايكەستى قيمىلدار وتكىزىلەدى
2023.07.19 16:20 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ءابيبا 7 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، 6 - كەزەكتى جۇڭگو شينجياڭ حالىقارالىق ۇلتتار ءبيى فەستيۆالى (تومەندە قىسقارتىلىپ ”ءبي فەستيۆالى“ دەلىنەدى) كەزىندە زاماندىق كيىم - كەشەك شوۋى، كوشە ءبيى ويىنى، شينجياڭ ءبي جاسامپازدىعى اۋىس - كۇيىس جينالىسى، الاڭ ءبي قويىلىمى سياقتى باي مازمۇندى سايكەستى قيمىلدار ءبىر ۋاقىتتا وتكىزىلەدى ەكەن.
شينجياڭ اسەمونەر سارايىنىڭ باستىعى، وسى كەزەكتى ءبي فەستيۆالى ۇيىمداستىرۋ كوميسسياسىنىڭ سايكەستى قيمىلدار گرۋپپاسىنىڭ باستىعى ليۋ شىچيڭ بىلاي دەپ تانىستىردى: سايكەستى قيمىلداردىڭ ءبىرى ”شۇعىلا شاشقان جىبەك جولى · جاراسىمدى قاتار ءومىر ءسۇرۋ“ زاماندىق كيىم - كەشەك شوۋى 7 - ايدىڭ 22 - كۇنىنەن 23 - كۇنىنە دەيىن شينجياڭ اسەمونەر سارايىندا وتكىزىلەدى. زاماندىق كيىم - كەشەك شوۋى ”بەيزاتتىق مادەني ەسكەرتكىش ەستەلىگىن“ ارقاۋ ەتىپ، ”مادەنيەتتى توعىستىرۋدى“ ارنا ەتىپ، ”جوبالاۋ“ كەرەمەتىن سەرپىلىس ەتىپ، ”قوزعالىستى شوۋ + تىنىش كۇيدەگى كورمەنى“ ۇشتاستىرۋ ءتاسىلىن قولدانىپ، شينجياڭنىڭ ”شۇعىلا شاشقان جىبەك جولى · جاراسىمدى قاتار ءومىر ءسۇرۋ“ سىندى مادەنيەت ەرەكشەلىگىن كورنەكتىلەندىرىپ، ”ءبىر بەلدەۋ، ءبىر جولداعى“ ءار ۇلتتىڭ ءبىر - بىرىنە ىقپال جاساعان، وزگەشە ايشىقتى مادەنيەتى مەن ادەت - عۇرپىن ايگىلەپ، ءار ۇلت حالقىنىڭ اشىق، باۋىرمال، كوپ نەگىزدى ءوزارا ۇلگى العان رۋحاني بەت - بەينەسىن ايگىلەيدى. سول كەزدە قوزعالىستى شوۋدىڭ تاۋ تاۋ، جاۋ ي، الىمجان ادىل سياقتى ايگىلى جوبالاۋشىلارى 8 رەت نەگىزگى تاقىرىپتىق ۇلكەن شوۋ ۇيىمداستىرادى، تىنىش كۇيدەگى كورمە وسى جوبالاۋشىلاردىڭ ءتۇرلى جوبا تۋىندىلارىن نەگىز ەتىپ كورمەلەيدى.
”ءبىز’قوزعالىس + تىنىش‘ ارقىلى جۇڭگو شينجياڭ مادەنيەتىنىڭ ەرەكشە اسەمدىگىن، سان الۋان بەينەسىن، ’ءبىر بەلدەۋ، ءبىر جولداعى‘ كوپ نەگىزدى مادەنيەتتىڭ توعىسقان قوماقتى تابىستارىن ايگىلەۋدى؛ جەلىدە تىكە تارالىمدى جانە ناقتى بەينەجازبا ءتۇسىرۋدى قاتار جۇرگىزۋ سياقتى ادىستەر ارقىلى جەلىدە جانە جەلىدەن تىس قاتار ۇندەستىك تۋدىرىپ، جۇرتشىلىقتىڭ ’شينجياڭ مادەنيەتىنە، شينجياڭ كوركەمونەرىنە، شينجياڭ ساياحاتىنا، شينجياڭ بايلىعىنا‘ نازار اۋدارۋىن جوعارىلاتىپ، جەلىدەگى اعىستىڭ قۇنىن ساۋلەلەندىرىپ، جەرگىلىكتى ورىننىڭ مادەنيەت، كوركەمونەر كاسىبىنىڭ، ساياحات كاسىبىنىڭ، توقىماشىلىق، كيىم - كەشەك كاسىبىنىڭ دامۋىن جەبەۋدى ءۇمىت ەتەمىز“، - دەدى ليۋ شىچيڭ.
زاماندىق كيىم - كەشەك شوۋدى جانە كورمەنى تاماشالاعاننان كەيىن، كورەرمەندەردىڭ تاعى اۆتونوميالى رايوندىق مادەنيەت سارايىنا بارىپ، تاماشا كوشە ءبيى قويىلىمىن تاماشالاۋىنا بولادى. 7 - ايدىڭ 21 - كۇنى وتكىزىلەتىن شينجياڭ ”جىبەك جولى“ كوشە ءبي قويىلىمىنا 48 ۇيىرمەنىڭ 240 ادامى قاتىناسىپ، كوشە ءبيى ارقىلى جۇڭگو حيكاياسىن اڭگىمەلەپ، كەڭ تارالاتىن مادەنيەت پەن جۇڭحۋانىڭ تاڭداۋلى ءداستۇرلى مادەنيەتى، ۇلتتىق سالت - سانا ۇشتاستىرىلعان تاڭداۋلى تۋىندىلار جاراتۋعا دەم بەرىلەدى.
اۆتونوميالى رايوندىق مادەنيەت سارايىنىڭ باستىعى جوۋ ۋىنلياڭ بىلاي دەپ تانىستىردى: كوشە ءبيى قويىلىمىندا لي شۋاي، ليۋ ليحاۋ سياقتى ەل ىشىندەگى تانىمالى بيشىلەر سيلى قوناق بولۋعا ۇسىنىس ەتىلەدى ءارى ەركىن كوشە ءبيى، جۋەشى سياقتى كوپ ۇلگىدە ءبي ارقىلى دوستاسىپ، قاۋىمعا كوشە ءبيى كوركەمونەرىنىڭ جالىندى كۇشى مەن عالاماتى سەزىندىرىلىپ، شينجياڭنىڭ كوشە ءبيى مەن اۋقىمدىق مادەنيەتىنىڭ دامۋىنا جاڭا كۇش ۇستەلەدى.
وسى رەتكى ءبي فەستيۆالى كەزىندەگى سايكەستى قيمىلدار كورەرمەندەرگە يگىلىك اكەلۋمەن بىرگە، جەرگىلىكتى ءبي كاسىبىنىڭ ماماندارىنا جاقسى حابار دا اكەلدى. 7 - ايدىڭ 21 - كۇنى ”شينجياڭ ءبي جاسامپازدىعى اۋىس - كۇيىس جينالىسى“ كۇنلۇن قوناقجايىندا وتكىزىلەدى، كوپتەگەن مامان، وقىمىستىلار ”بيمەن تەربەلگەن ارمان · جاراسىمدى جىبەك جولى“ نەگىزگى تاقىرىبىن ارقاۋ ەتىپ اۋىس - كۇيىس وتكىزەدى.
شينجياڭ كوركەمونەر زەرتتەۋ ورنىنىڭ ورىنباسار باستىعى لەي چياڭ بىلاي دەپ تانىستىردى: سوڭعى جىلدارى شينجياڭدا تۇتاس ەلدە اڭىس قوزعاعان ءبي تۋىندىلارى توپ - توبىمەن جارىققا شىعىپ، ءبي كوركەمونەر فورماسى ارقىلى شينجياڭنىڭ قازىرگى زامان بەت - بەينەسىن ناقتى دا جاندى ايگىلەدى، شينجياڭ حالقىنىڭ ءومىردى قىزۋ سۇيەتىنىن ايگىلەدى. ”ءبىز ءبي فەستيۆالىن وراي ەتىپ، تۇعىر ازىرلەپ، مامانداردى ونەر ۇيرەتۋگە، ۇلگى كورسەتۋگە ۇسىنىس ەتىپ، جەرگىلىكتى ورىنداعى ءبي دارىندىلارىنىڭ ءتىپتى دە كوپ وزىق ۇستانىم قابىلداپ، شينجياڭنىڭ ءداستۇرلى ءبي مادەنيەتىن قورعاۋدى، جالعاستىرۋدى، زەرتتەۋدى بىرگە ىلگەرىلەتىپ، قاتىستى ءىلمي جەتىستىكتەردى ۇيرەنىپ، تەڭ پايدالانىپ، نازاريالىق زەرتتەۋ جانە ءبي دايىنداۋ، جاراتۋ دەڭگەيىن جوعارىلاتۋدى ءۇمىت ەتەمىز“، - دەدى لەي چياڭ.
بۇدان سىرت، 7 - ايدىڭ 25 - كۇنىنەن 8 - ايدىڭ 5 - كۇنىنە دەيىنگى ارالىقتا اۆتونوميالى رايوندىق مادەنيەت سارايى مەن 14 ايماق، وبلىس، قالانىڭ مادەنيەت سارايى ”شينجياڭ ءبيىن بىرگە بيلەيىك“ اتتى الاڭ ءبيى قيمىلىن ءبىر ۋاقىتتا باستايدى. اۆتونوميالى رايوندىق مادەنيەت جانە ساياحات مەڭگەرمەسى الەۋمەتتىك قىزمەت وتەۋ باسقارماسىنىڭ ورىنباسار باستىعى باعنۇر مادەنيەت بىلاي دەپ تانىستىردى: اتالعان قيمىلدىڭ قويىلىم كولەمى كەڭ بولىپ، قويىلىم سان مىڭ وتباسىنا كىرەدى، قويىلىم مازمۇنى ءار الۋان بولادى. ”ءبي فەستيۆالى كەزىندە جەر - جەر ءىس جۇزىندىك جاعدايىنا نەگىزدەلىپ، الەۋمەتتىك اۋماقتارعا، كورىنىس وڭىرلەرىنە، الەۋمەتتىك ورىندارعا بارىپ، الاڭ ءبيىن قويۋ قيمىلىن ۇيلەسىمدى ۇيىمداستىرىپ ورنالاستىرادى“.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
