ينتەرنەتتەگى وسەك - اياڭعا سوققى بەرىپ، جونگە سالدى! ەلىمىز بويىنشا قوعام حاۋىپسىزدىگى ورگاندارى زاڭ - تۇزىمگە قايشى تىركەلگىلەردەن 21 مىڭنان استامىن زاڭ بويىنشا توقتاتتى
2023.07.21 15:52 كەلۋ قاينارى : حالىق تورابى
قوعام حاۋىپسىزدىگى مينيسترلىگى 7 - ايدىڭ 21 - كۇنى اقپار جاريالاۋ ءماجىلىسىن اشىپ، ينتەرنەتتەگى وسەك - اياڭعا سوققى بەرۋ، جونگە سالۋ ارناۋلى ارەكەتىنىڭ ناتيجەسى جونىندە حابارلاندىرۋ جاريالادى. ۇعىسۋعا قاراعاندا، بيىل 4 - ايدىڭ 10 - كۇنى ارناۋلى ارەكەت جونىندە ورنالاستىرۋ جاسالعاننان بەرى، بۇكىل ەلىمىزدەگى قوعام حاۋىپسىزدىگى ورگاندارى قولامتالى دەلولار مەن وقيعالاردان پايدالانىپ وسەك - اياڭ شىعارۋ، تاراتۋ سىندى زاڭعا قايشى قىلمىستىق ارەكەتتەرگە زاڭ بويىنشا قاتاڭ سوققى بەرۋ، ”ينتەرنەتتەگى جاقتاسىنىڭ ءسوزىن سويلەۋشىلەر“ سىندى زاڭعا قايشى قىلمىستىق توپتارعا زاڭ بويىنشا قاتاڭ سوققى بەرۋ، ينتەرنەتتەگى تەكشەلەردى قاينارىنان باستاپ جونگە سالۋدى كۇشەيتۋ، تيپتىك دەلولاردى اشكەرەلەپ، زاڭدى جالپىلاستىرۋ جاعىنداعى ۇگىت - تاربيەنى كۇشەيتۋ سىندى ءتورت ءتۇرلى شارانى ورىستەتۋ ارقىلى پارمەندى ءىس جۇزىندىك ارەكەت ارقىلى ينتەرنەتتەگى وسەك - اياڭعا ساياتىن ماسەلەلەر مەن بىلىققان جاعدايلاردى جونگە سالعان. 100 كۇندىك ارناۋلى ارەكەت بارىسىندا، بۇكىل ەلىمىزدەگى قوعام حاۋىپسىزدىگى ورگاندارى 2300 دەن استام دەلونى ءبىتىرىپ، ينتەرنەتتەگى تەكشەلىك كاسىپورىنداردان جيىنى 8000 مىڭ كاسىپورىندى (رەت) جونگە سالىپ، زاڭ - تۇزىمگە قايشى تىركەلگىلەردەن 21 مىڭنان استامىن زاڭ بويىنشا توقتاتقان، ينتەرنەتتەگى وسەك - اياڭعا ساياتىن ينفورماتسيالاردان 705 مىڭنان استامىن تازالاعان.
قوعام حاۋىپسىزدىگى مينيسترلىگى ينتەرنەت حاۋىپسىزدىگىن قورعاۋ مەكەمەسىنىڭ ساياسي كوميسسارى سۇن جينفىڭ مىنانى ءبىلدىردى: قوعام حاۋىپسىزدىگى ورگاندارى قولامتالى دەلولار مەن وقيعالاردان پايدالانىپ وسەك - اياڭ شىعارۋ مەن تاراتۋدى جوسپارلاۋشىلاردى، ۇيىمداستىرۋشىلاردى جانە باستى اتقارۋشىلاردى تۇرگە، دارەجەگە ءبولىپ، ولارعا زاڭ بويىنشا قاتاڭ سوققى بەرگەن. ارناۋلى ارەكەت بارىسىندا وسى تەكتەس دەلولاردان جيىنى 500 دەن استام دەلونى بىتىرگەن، بۇل شامامەن جالپى دەلو مولشەرىنىڭ %21 ىن ۇستايدى. ينتەرنەتتەگى وسەك - اياڭعا سوققى بەرۋ، جونگە سالۋ ارناۋلى ارەكەتى مەن ”ينتەرنەتتى پاكتەندىرۋ 2023“، ”ينتەرنەتتەگى جاقتاسىنىڭ ءسوزىن سويلەۋشىلەرگە“ سوققى بەرۋ، جونگە سالۋ ارناۋلى ارەكەتىمەن تىعىز ۇشتاستىرىپ، ”ينتەرنەتتەگى جاقتاسىنىڭ ءسوزىن سويلەۋشىلەرگە“ ساياتىن دەلولاردان 130 نەشە دەلونى زاڭ بويىنشا ءبىتىرىپ، قىلمىس كۇماندىلارىنان 620 نەشە ادامدى تۇتقىنداعان. (باس ستانسيا ورتالىق تەلەۆيزيا ءتىلشىسى چىڭ چين)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
