تەلەفون تاۋىپ العان ادام 1500 يۋان اقى سۇرادى، بۇل زاڭعا قايشى كەلە مە؟
2023.07.20 15:03 كەلۋ قاينارى : حالىق تورابى
7 - ايدىڭ 18 - كۇنى سىچۋاننىڭ داجوۋ قالاسىنداعى ءبىر توراپتاس كەسكىن جاريالاپ، ءوزىنىڭ ساۋدا سارايىندا جوعالتىپ العان تەلەفونىن تاۋىپ العان جىگىتتىڭ تەلەفوندى دەرەۋ قايتارماستان، وتباسىنداعىلارمەن بىرگە ساۋدا سارايىنان كەتىپ قالعانىن ايتادى.
وسى ىستەن سوڭ، بۇل توراپتاس ساقشىعا مالىمدەيدى ءارى تەلەفونداعى جوعالعان كۇي يقۋاتىن ىسكە قوسىپ، تەلەفوندى تاۋىپ العان جىگىتكە ءسوز قالدىرادى. ەكىنشى كۇنى تەلەفوندى تاۋىپ العان جىگىت وعان قايتارا تەلەفون سوعىپ، ءشۇيىنشى رەتىندە 2500 يۋان اقى بەرۋدى تالاپ ەتەدى.
تەلەفون جوعالتقان توراپتاستىڭ ايتۋىنشا، ول وقۋشى، تەلەفونىندا كوپتەگەن ماڭىزدى ماتەريالدار ساقتالعان. ەڭ سوڭىندا تاۋىپ العان جىگىتپەن كەڭەسۋ ارقىلى وعان ءشۇيىنشى رەتىندە 1500 يۋان بەرىپ، تەلەفونىن قايتارىپ العان.
وسى ءىس جونىندە ءبىر توراپتاس: ”تاۋىپ العان نارسە سەنىكى بولماسا، يەمدەنىپ الاتىن قانداي ۇقىعىڭ بار؟ ەشكىم تانىپ الماسا ساقتاپ قويساڭ بولادى، يەسى سۇراسا دا قايتارماي قويعانىڭ بولا ما؟“، — دەيدى. تاعى بىرەۋ: ”تەلەفوندى تاۋىپ العان ادامعا ازداپ ءشۇيىنشى بەرۋگە بولادى، ءبىراق تاۋىپ الۋشىنىڭ وتە كوپ اقى سۇراۋىنا بولمايدى“، — دەيدى.
تاعى ءبىر ءبولىم توراپتاستار: ”ول قولفوندى تاۋىپ العان ەكەن، ونى قايتارىپ بەرۋگە زورلاۋعا بولمايدى، ءوزىڭ جوعالتقان ەكەنسىڭ، تالەيىڭنەن كورۋىڭ كەرەك“، — دەگەن.
وسىدان سوڭ، ءتىلشى ىسكە قاتىستى ادامنىڭ دوسىمىن دەگەن اتپەن سىچۋان ولكەسى داجوۋ قالالىق قوعام حاۋىپسىزدىگى مەكەمەسىنە تەلەفون جالعايدى، قىزمەتكەردىڭ ايتۋىنشا، تەلەفوندى تاۋىپ العان ادامنىڭ اقى تالاپ ەتۋى زاڭعا قايشى كەلمەيدى، بۇل جەكەلەر اراسىنداعى ەكونوميكالىق داۋ - شارعا جاتادى. قوعام حاۋىپسىزدىگى ورگاندارىنىڭ ماجبۇرلەۋ سيپاتىندا زاڭ اتقارۋىنا كەلمەيدى، تاۋىپ الۋشىنى تەلەفوندى يەسىنە قايتارىپ بەرۋگە ماجبۇرلەۋگە بولمايدى.
ەگەر زاتتى جوعالتىپ العان ادام تاۋىپ الۋشىنىڭ جوعارى سومادا اقى تالاپ ەتكەن ارەكەتى قوقانلوقى جاساۋ ارەكەتىنە جاتادى دەپ قاراسا، سول جەردەگى قوعام حاۋىپسىزدىگى ورگاندارىنا دەلو مالىمدەۋىنە بولادى. ەگەر دەلوعا قاتىستى سوما دەلو تۇرعىزۋداعى بەلگىلى ولشەمدەرگە ساي كەلەتىن بولسا، قوعام حاۋىپسىزدىگى ورگاندارى دەلو تۇرعىزادى.
ءتىلشىنىڭ نازار اۋدارۋىنشا، ازاماتتىق زاڭنامانىڭ 314 - تارماعىندا بىلاي دەپ بەلگىلەنگەن: جوعالعان زاتتى تاۋىپ العان سوڭ، ونى ۇقىق يەسىنە قايتارىپ بەرۋ ءتيىس. زاتتى تاۋىپ الۋشى ۇقىق يەسىنە الىپ كەتۋدى دەر كەزىندە ۇقتىرۋى نەمەسە قوعام حاۋىپسىزدىگى مەكەمەسى قاتارلى قاتىستى تاراۋلارعا تاپسىرىپ بەرۋى كەرەك.
316 - تارماعىندا بىلاي دەپ بەلگىلەنگەن: زاتتى تاۋىپ الۋشى جوعالعان زاتتى قاتىستى تاراۋلارعا تاپسىرىپ بەرۋدەن بۇرىن، قاتىستى تاراۋلار جوعالعان زاتتى الىپ كەتۋدەن بۇرىن ونى جاقسىلاپ ساقتاۋى ءتيىس. قاساقانا نەمەسە اۋىر اعاتتىق سەبەبىنەن جوعالعان زاتتى بۇلدىرسە، جويىپ جىبەرسە، ازاماتتىق ىستەر جاۋاپكەرشىلىگىن ارقالاۋى كەرەك.
317 - تارماعىندا بىلاي دەپ بەلگىلەنگەن: ۇقىق يەسى جوعالعان زاتتى تاپسىرىپ العان كەزدە، ونى تاۋىپ العان ادامنىڭ نەمەسە قاتىستى تاراۋلاردىڭ بۇل زاتتى ساقتاۋ سياقتى جاقتارعا جۇمساعان قاراجاتتارىن تولەۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
