مەملەكەت شينجياڭنىڭ اۋا رايى جاعىندا قىزمەت وتەۋ قۋاتىن جوعارىلاتۋ ينجەنەرياسىنا قولداۋ كورسەتتى
2023.07.25 15:54 كەلۋ قاينارى : حالىق تورابى
تيانشان تورابى - شينجياڭ گازەتىنىڭ ءتىلشىسى شى شين حابارلايدى. شينجياڭنىڭ اۋا رايى جاعىندا اۋىل شارۋاشىلىعىنا، اۋىل - قىستاققا، شارۋالارعا قىزمەت وتەۋ قۋاتى مەن ورەسىن اناعۇرلىم جوعارىلاتۋ ءۇشىن، جۋىردا شينجياڭ ۇيعۇر اۆتونوميالى رايوندىق دامۋ - رەفورما كوميتەتى ورتالىقتىڭ مەجە ەسەبى كولەمىنەن ءجۇز ميلليون يۋان قارجى قوسۋعا قول جەتكىزىپ، شينجياڭنىڭ اۋا رايى جاعىندا قىزمەت وتەۋ قۋاتىن جوعارىلاتۋ ينجەنەرياسىن باستاۋىنا قولداۋ كورسەتتى.
شينجياڭنىڭ اۋا رايى جاعىندا قىزمەت وتەۋ قۋاتىن جوعارىلاتۋ ينجەنەرياسى — شينجياڭنىڭ ”14 - بەسجىلدىق“ مەزگىلىندەگى اۋىل شارۋاشىلىعى، اۋىل - قىستاق سالاسىنداعى ءتۇيىندى نىسانى، جيىنى 250 ميلليون يۋان قارجى قوسىلادى، قۇرىلىس مەرزىمى ءۇش جىل بولادى، باستىسى اۋا رايى جاعىنداعى اپاتتان ساقتانۋ، اپاتتىڭ زيانىن ازايتۋ ورتالىعىن قۇرۋ، بۇرشاقتان ساقتانۋدىڭ ءتۇيىندى اۋماقتىق قىزمەت بازاسىن قۇرۋ، اسپاپتار مەن جابدىقتاردى ساتىپ الۋ قاتارلىلاردى قامتيدى.
نىسان سالىنىپ بولعان سوڭ، شينجياڭنىڭ قۋاڭشىلىققا قارسى اتتانىپ، جاۋىن - شاشىندى مولايتۋ جانە بۇرشاقتان ساقتانىپ، اپاتتىڭ زيانىن ازايتۋ قۋاتىن اناعۇرلىم كۇشەيتىپ، اۋىل شارۋاشىلىعىنىڭ ونىمدىلىگىن ارتتىرۋدى، شارۋالاردىڭ كىرىسىنىڭ ۇزدىكسىز ارتۋىن ىلگەرىلەتىپ، ەكونوميكا مەن قوعامنىڭ جوعارى ساپالى دامۋىن ىلگەرىلەتەدى.
شينجياڭ ۇيعۇر اۆتونوميالى رايوندىق دامۋ - رەفورما كوميتەتى نىسانعا يە بولعان ورىنداردى نىسان قۇرىلىسىنا قاجەتتى شارتتاردى تياناقتاندىرۋدى جەدەلدەتۋگە، قۇرىلىس جۇمىسىن ەرتەرەك باستاۋعا، نىساننىڭ ەرتەرەك سالىنىپ بولىپ، رولىن ساۋلەلەندىرۋىنە كەپىلدىك ەتۋگە، شينجياڭنىڭ اۋا رايى ىستەرىن وسىزامانداندىرۋ قۇرىلىسىنىڭ جاڭا باسقىشقا كوتەرىلۋىن ىلگەرىلەتۋگە كۇش سالۋعا قۋزايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
