جولاۋشى مەتروعا وتىرعاندا بالاسنىڭ وقۋ قاراجاتىنا ارناعان 27000 يۋاندى جوعالتىپ العان، 8 مينۋت وتكەن سوڭ ...
2023.07.24 15:56 كەلۋ قاينارى : حالىق تورابى
7 - ايدىڭ 22 - كۇنى ۋحاندا ءبىر جولاۋشى 27000 يۋان سالىنعان قول سومكاسىن مەترو ۆاگونىندا وتىرعان ورنىندا ۇمىتىپ تاستاپ كەتەدى، ول قاتتى ابىرجىپ تۇرعان كەزدە ويلاماعان جاعداي بولدى.
7 - ايدىڭ 22 - كۇنى تۇستەن كەيىن ساعات 5 جارىم اينالاسىندا ۋحانداعى مەترو 7 - لەنياسى جيان - انجيە ساقشى ىستەرى كەڭسەسى جولاۋشى فىڭ مىرزانىڭ كومەك سۇراۋ تەلەفونىن قابىلدايدى، ونىڭ ايتۋىنشا، ول مەترو 7 - لەنياسىنا وتىرىپ، شياڭگاڭ جولى بەكەتىنەن ۋحان پويەز بەكەتىنە بارادى، مەترودان تۇسكەن كەزدە ءوزى الىپ جۇرگەن قول سومكاسىن مەترودا وتىرعان ورنىندا ۇمىت قالدىرادى، سومكادا بالاسىنىڭ وقۋ قاراجاتىنا ارناپ جاڭا عانا بانكەدەن شىعارعان 27000 يۋان ناق اقشا بار ەكەن، ول دەرەۋ ساقشى ىستەرى كەڭسەسىنە تەلەفون سوعىپ، كومەك سۇرايدى.
حالىق ساقشىسى گاۋ جۋان كومەكشى ساقشى ۋاڭ ميڭدى دەرەۋ بەكەتتەگى كامەراعا تۇسكەن كەسكىن ارقىلى ىزدەۋگە ورنالاستىرادى، سونىمەن بىرگە، زاتتىڭ جوعالعانى جونىندەگى ينفورماتسيانى مەترو جەلىسىنىڭ بويىنداعى بەكەتتەرگە جولداپ، سايكەسىپ ىزدەۋدى ۇقتىرادى، ۋاڭ ميڭ كامەرا ارقىلى تەكسەرىپ، فىڭ مىرزا وتىرعان مەترونىڭ ءنومىرىن تۇراقتاندىرادى ءارى رەتتەۋ ينفورماتسياسى ارقىلى بۇل مەترونىڭ ەڭ سوڭعى بەكەتى بانچياۋ بەكەتى ەكەنىن بىلەدى.
حالىق ساقشىسى دەرەۋ راديو ستانسياسى ارقىلى حابارلايدى، بانچياۋ بەكەتىندەگى كومەكشى ساقشى جۋ لەيتاۋ بەكەتكە بارىپ، مەترونىڭ بەكەتكە كەلۋىن كۇتەدى. تۇستەن كەيىن ساعات 5 تەن 38 مينۋت وتكەندە، بۇل مەترو بەكەتكە جەتەدى، كومەكشى ساقشى جۋ لەيتاۋ دەرەۋ مەتروعا شىعىپ، جولاۋشىلاردىڭ مەترودان ءتۇسۋ جاعدايىن تەكسەرىپ جۇرگەن بەكەت قىزمەتكەرىنىڭ فىڭ مىرزانىڭ ايتقان سومكەسىنە ۇقسايتىن سومكەنى كوتەرىپ شىققانىن كورەدى، سالىستىرۋ ارقىلى بۇل سومكانىڭ ءدال فىڭ مىرزا جوعالتقان سومكا ەكەنىن تۇراقتاندىرادى.
جوعالعان قول سومكانىڭ تابىلعانىن ەستىگەن كەزدە، فىڭ مىرزا قاتتى قۋانادى، ءوزىنىڭ مەترودان تۇسكەن ۋاقىتىنان سومكانىڭ تابىلعانىنا دەيىن تەك 8 مينۋت قانا ۋاقىت كەتكەنىن ويلاعاندا، فىڭ مىرزا: ”مەتروداعى ساقشىلاردىڭ ءىس ءبىتىرۋ ونىمدىلىگى وتە جوعارى ەكەن!“ — دەپ اۋىز جاپپاي ماقتادى.
سوڭىنان حالىق ساقشىسى فىڭ مىرزانى بانچياۋ بەكەتىنە بارىپ قول سومكانى الۋعا جىبەردى، بانچياۋ بەكەتىندەگى مەترو قوزعالىسىن باقىلايتىن بولمەدە فىڭ مىرزا ساقشىلاردىڭ الدىندا سومكاداعى اقشانى ساناپ كوردى، اقشا ءبىر تيىن دا كەمىمەگەن ەكەن. فىڭ مىرزا سومكاسىن قايتارىپ الدى.
جۇرەتىن كەزدە، ول كومەكشى ساقشى جۋ لەيتاۋعا قايتالاي راقىمەت ايتىپ: ”بالام جۋىردا عانا داشۋەگە بارىپ وقيدى، بۇل ونىڭ وقۋ قاراجاتىنا ارناپ دايىنداعانىم ەدى، بارلىعى دا جۇمىس ىستەپ تاپقان ەڭبەگىمنىڭ بوداۋى بولاتىن، جوعالتىپ الا جازدادىم، ءبىر كورىمى سەندەر كومەكتەسىپ تاۋىپ بەردىڭدەر“، — دەدى.
جۇمىستى جاۋاپكەرشىلىكپەن، جوعارى ونىمدىلىكپەن تىندىرعان مەتروداعى حالىق ساقشىلارى جارايدى!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
