ءادىليا مينيسترلىگى جاڭا نۇسقاداعى مەملەكەتتىك اكىمشىلىك زاڭ - ەرەجەلەر قامباسىن رەسمي تۇردە ينتەرنەتكە شىعاردى
2023.07.27 15:49 كەلۋ قاينارى : حالىق تورابى
ءتىلشىنىڭ 7 - ايدىڭ 26 - كۇنى ءادىليا مينيسترلىگىنەن ۇعىسۋىنشا، جاڭا نۇسقاداعى مەملەكەتتىك اكىمشىلىك زاڭ - ەرەجەلەر قامباسى سول كۇننەن باستاپ ءادىليا مينيسترلىگىنىڭ ۇكىمەتتىك تورابىندا رەسمي ىسكە قوسىلىپ، وقۋ، ىزدەۋ، ءتۇسىرۋ قاتارلى جاقتاردا بۇقاراعا قىزمەت وتەيدى. ينتەرنەتكە شىعارىلعان كۇنگە دەيىن، جاڭا نۇسقاداعى مەملەكەتتىك اكىمشىلىك زاڭ - ەرەجەلەر قامباسىنا قازىر اتقارىلىپ وتىرعان كۇشكە يە 601 اكىمشىلىك زاڭ - ەرەجە، بۇرىن وزگەرىس ەنگىزىلگەن 528 زاڭ - ەرجەنىڭ ءتۇپ نۇسقاسى قامتىلعان. «اكىمشىلىك زاڭ - ەرەجەلەردى بەلگىلەۋ ءتارتىبى جونىندەگى ەرەجەگە» نەگىزدەلگەندە، مەملەكەتتىك اكىمشىلىك زاڭ - ەرەجەلەر قامباسىندا اشىق جاريالانعان اكىمشىلىك زاڭ - ەرەجەلەردىڭ ءتۇپ نۇسقالارى مەملەكەتتىك دەڭگەيدەگى رەسمي نۇسقالارى سانالادى.
ءادىليا مينيسترلىگىنىڭ قاتىستى جاۋاپتىسىنىڭ تانىستىرۋىنشا، پارتيا ورتالىق كوميتەتى مەن مەملەكەتتىك كەڭەستىڭ ورنالاستىرۋىنا ساي، اكىمشىلىك زاڭ - ەرەجەلەردى اشىق جاريالاۋ ساپاسىن اناعۇرلىم جوعارىلاتۋ ءۇشىن، ءادىليا مينيسترلىگى قاتىستى جاقتارمەن بىرلەسە وتىرىپ، مەملەكەتتىك اكىمشىلىك زاڭ - ەرەجەلەر قامباسىنىڭ 2.0 نۇسقاسىن قۇرۋدى ىلگەرىلەتىپ، 1.0 نۇسقاسىندا قازىر اتقارىلىپ وتىرعان كۇشكە يە اكىمشىلىك زاڭ - ەرەجەلەردى شوعىرلى تۇردە اشىق جاريالاۋ جانە ۇدايى جاڭالاپ وتىرۋ نەگىزىندە، قازىر اتقارىلىپ وتىرعان كۇشكە يە اكىمشىلىك زاڭ - ەرەجەلەردىڭ بۇرىنعى وزگەرىس ەنگىزىلگەن نۇسقالارىن ارتتىرىپ، قازىر اتقارىلىپ وتىرعان كۇشكە يە ساندى مالىمەتتەر مەن بۇرىنعى وزگەرىس ەنگىزىلگەن نۇسقالارىن بايلانىستىرىپ، قازىر اتقارىلىپ وتىرعان زاڭ - ەرەجەلەردىڭ تاريحتاعى وزگەرىسىن جالپى بەتتىك كورسەتىپ، زاڭمەن جونگە سالۋدى امالياتتا ايگىلەۋ قاجەتىن اناعۇرلىم قاناعاتتاندىرادى. سونىمەن بىرگە، ءتۇسىرۋ يقۋاتىن جاقسارتىپ، ەكى ولشەمدى كودتى جايمالاۋ ارقىلى ءتۇسىرۋدى ىسكە اسىرادى؛ ىزدەۋ يقۋاتىن جاقسارتىپ، جالپى مازمۇننان ىزدەۋ، جوعارى دارەجەلى ىزدەۋ، ەكىنشى رەت ىزدەۋ قاتارلى يقۋاتتار جاڭادان قوسىلدى؛ قولفونعا سايكەستىرۋگە قاتىستى يقۋاتتاردى جاقسارتىپ، ءادىليا مينيسترلىگىنىڭ تورابىمەن ءونىمدى ۇشتاستىرۋدى ىلگەرىلەتتى.
ۇعىسۋعا قاراعاندا، كەلەسى قادامدا، ءادىليا مينيسترلىگى اكىمشىلىك زاڭ - ەرەجەلەردىڭ ءتۇپ نۇسقاسى مەن قازىر اتقارىلىپ وتىرعان كۇشكە يە زاڭ - ەرەجەلەردى جاساۋ، وزگەرتۋ، كۇشىنەن قالدىرۋ بارىسىن ۇشتاستىرىپ، مەملەكەتتىك اكىمشىلىك زاڭ - ەرەجەلەر قويماسىن قورعاۋ مەن ىسكە قوسۋ، باقىلاۋ قىزمەتىنىڭ ۇدايىلانعان مەحانيزمىن ىسكە قوسۋدى تياناقتاندىرىپ، مەملەكەتتىك اكىمشىلىك زاڭ - ەرەجەلەردىڭ جاقسى اتقارىلۋىنا كەپىلدىك ەتىپ، حالىق بۇقاراسىنا اناعۇرلىم بەدەلدى، اناعۇرلىم ساپالى، اناعۇرلىم قولايلى الەۋمەتتىك زاڭدىق قىزمەت وتەۋگە مۇمكىندىك جاسايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
