جۇڭحۋا ۇلتى ورتاق تۇلعا تانىمىن بەرىك ورناتۋعا بايلانىستى مادەني مۇرالار، بايىرعى كىتاپتار كورمەسى وتكىزىلدى

2023.08.03 14:08 كەلۋ قاينارى : حالىق تورابى

كورمەگە قويىلعان بايىرعى كىتاپتار. حالىق تورابىنىڭ ءتىلشىسى نۇرعيسا فوتوسى

　　حالىق تورابىنىڭ 8 - ايدىڭ 2 - كۇنى بەرگەن حابارى (جوۋ جيڭيۋان) مەملەكەتتىك ۇلتتىق ىستەر كوميتەتى ۇيىمداستىرعان جۇڭحۋا ۇلتى ورتاق تۇلعا تانىمىن بەرىك ورناتۋعا بايلانىستى مادەني مۇرالار، بايىرعى كىتاپتار كورمەسى 8 - ايدىڭ 1 - كۇنى بەيجيڭدەگى ۇلتتار مادەنيەت سارايىندا رەسمي تۇردە سىرتقا اشىق ۇستالدى. كورمەگە 1500 دەن استام مادەني مۇرالار مەن بايىرعى كىتاپتار قويىلىپ، كورەرمەندەرگە جۇڭحۋا ۇلتى ورتاق تۇلعا تانىمىنىڭ قالىپتاسۋ، دامۋ بارىسىنىڭ تاريحي مۇراعاتىن ايگىلەدى.

　　جۇڭحۋا وركەنيەتى نەشە مىڭ جىلدان بەرى قالاي كەڭ كولەمدى بىرلىككە كەلۋ يدەياسىن تۋىنداتىپ، دامىتىپ، زاماندار بويى بەكەمدەدى؟ ءارقايسى ۇلتتار نەلىكتەن ىنتىماقتاسىپ، توعىسىپ، كوپ نەگىزدىلىكتەن قالايشا ءبىر تۇلعالانۋعا بەتالدى؟ جۇڭحۋا وركەنيەتىنىڭ كورنەكتى ەرەكشەلىگىن قايتكەندە ىشكەرىلەي مەڭگەرۋگە بولادى؟ مەملەكەتتىك ۇلتتىق ىستەر كوميتەتى مۇراجايدا ساقتالعان 150 مىڭنان استام مادەني مۇرا مەن 510 مىڭنان استام بايىرعى كىتاپتىڭ ىشىنەن ”ءتورت ءتۇرلى ورتاقتىقتى“ ايگىلەيتىن مادەني مۇرالار مەن بايىرعى كىتاپتاردى تاڭداپ شىعىپ، جۇڭحۋا ۇلتى ورتاق تۇلعا تانىمىن بەرىك ورناتۋ جونىندەگى مادەني مۇرالار مەن بايىرعى كىتاپتار كورمەسىن مۇقيات ورنالاستىردى، كورمەگە قويىلعان زاتتاردىڭ ىشىندە ءبىر توپ باعالى مادەني مۇرالار مەن بايىرعى كىتاپتار جانە جالعىز نۇسقاسى عانا بار مادەني مۇرالار مەن بايىرعى كىتاپتار قامتىلعان.

　　تانىستىرۋعا قاراعاندا، كورمە جۇڭحۋا ۇلتى ورتاق تۇلعا تانىمىن بەرىك ورناتۋ باستى جەلىسىن تىعىز توڭىرەكتەي وتىرىپ، جۇڭحۋا وركەنيەتىنىڭ كورنەكتى ەرەكشەلىگىن ىشكەرىلەي مەڭگەرىپ، ءار ۇلتتىڭ ءوزارا قارىم - قاتىناس جاساعان، اۋىس - كۇيىس جاساعان، توعىسعان تاريح شىندىعىن ىشكەرىلەي اشىپ، جۇڭحۋا ۇلتى ورتاق تۇلعا تانىمىنىڭ قالىپتاسۋ، دامۋ تاريحىن جاندى بەينەلەۋگە كۇش سالىپ، ءار ۇلت بۇقاراسىن جۇڭحۋا ۇلتى تاريحىنا دۇرىس كوزقاراستى بەرىك ورناتۋعا، قۋانىش پەن جۇبانىشتا بىرگە بولۋ، داڭق پەن نامىستا بىرگە بولۋ، تاعدىرلاس بولۋ سىندى جۇڭحۋا ۇلتى ورتاق تۇلعا تانىمىن سانالىلىقپەن كۇشەيتۋگە جەتەلەيدى.

　　كورمە ”كەڭ كولەمدى بىرلىككە كەلۋ“، ”ۇلى توعىسۋ“، ”ۇلى ىنتىماق“ سىندى ءۇش بولىمگە بولىنگەن. ”كەڭ كولەمدى بىرلىككە كەلۋ“ بولىمىندە يدەيالىق تانىم، تۇزىمدىك اماليات، قۇندىق ىزدەنىس قاتارلى ءۇش ءتۇرلى تۇرعىدان جۇڭحۋا ۇلتى مەن جۇڭحۋا وركەنيەتىنىڭ ۇزدىكسىز تۇردە جالعاسۋىنىڭ تاريحي گەنىن ايگىلەگەن؛ ”ۇلى توعىسۋ“ بولىمىندە مادەنيەت جاعىندا ءبىر - بىرىنەن قابىلداۋ، ەكونوميكالىق جاقتا ءوزارا ارقا سۇيەۋ، سانا - سەزىم جاعىندا ءوزارا ەتەنە بولۋ سىندى ءۇش ءتۇرلى جاقتان جۇڭحۋا ۇلتىنىڭ قارىم - قاتىناس جاساۋ، اۋىس - كۇيىس جاساۋ، توعىسۋ بارىسىندا دامىپ ۇلعايعان جۇلگەسى مەن بولىنبەستەي ۇيىسۋىنىڭ تاريحي قۇپيالىعىن ايگىلەگەن؛ ”ۇلى ىنتىماق“ بولىمىندە جۇڭگو كوممۋنيستىك پارتياسىنىڭ قۇرىلعاننان قازىرگە دەيىن جۇڭحۋا ۇلتىنىڭ ارقاۋىن ۇزبەگەن ۇلى ىنتىماعىن قورعاۋ سىندى تەرەڭ يدەياسى مەن باي امالياتى ايگىلەنگەن.

　　كورمەنى ەكسكۋرسيالاۋ ارقىلى كورەرمەندەر ايبىندى جۇڭحۋا ۇلتىنىڭ قالىپتاسۋ، دامۋ تاريحىن ىشكەرىلەي ءتۇسىنىپ، جۇڭحۋانىڭ كەڭ تىنىستى ءداستۇرلى مادەنيەتىن شىنايى سەزىنە الادى. ۇعىسۋعا قاراعاندا، كورمە قوعامداعى بۇقاراعا ۇزاق ۋاقىت بويى اشىق ۇستالادى.

　　كەلۋ قاينارى: حالىق تورابى

كورمەگە قويىلعان بايىرعى كىتاپتار. حالىق تورابىنىڭ ءتىلشىسى نۇرعيسا فوتوسى

كورمەگە قويىلعان مادەني مۇرالار. حالىق تورابىنىڭ ءتىلشىسى نۇرعيسا فوتوسى

كورمەنى ەكسكۋرسيالاۋشىلار. حالىق تورابىنىڭ ءتىلشىسى نۇرعيسا فوتوسى

كورمەنىڭ كورىنىسى. حالىق تورابىنىڭ ءتىلشىسى نۇرعيسا فوتوسى

كورمەگە قويىلعان زاتتار. حالىق تورابىنىڭ ءتىلشىسى نۇرعيسا فوتوسى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved