بۇرىنعى جۇڭگو تەمىر جول باس سەرىكتىگى پارتيا باسشىلىق گرۋپپاسىنىڭ شۋجيى، باس مەڭگەرۋشىسى شىڭ گۋاڭزۋدىڭ پارا الۋ، ىقپال كۇشىنەن پايدالانىپ پارا الۋ دەلوسى جونىندە ءبىرىنشى سوت اشىلدى
2023.08.04 13:57 كەلۋ قاينارى : حالىق تورابى
2023 – جىلى 8 – ايدىڭ 3 – كۇنى، شانشي ولكەسى باۋجي قالالىق ورتا دارەجەلى حالىق سوت مەكەمەسى بۇرىنعى جۇڭگو تەمىر جول باس سەرىكتىگى پارتيا باسشىلىق گرۋپپاسىنىڭ شۋجيى، باس مەڭگەرۋشىسى شىڭ گۋاڭزۋدىڭ پارا الۋ، ىقپال كۇشىنەن پايدالانىپ پارا الۋ دەلوسىن ءبىرىنشى سوتتا اشىق قارادى.
شانشي ولكەسى باۋجي قالالىق حالىق پروكۋراتۋراسى بىلاي دەپ ايىپتادى: 2004 - جىلدان 2022 - جىلعا دەيىن شىڭ گۋاڭزۋ كەدەن باس مەكەمەسى پارتگرۋپپاسىنىڭ ورىنباسار شۋجيى، ورىنباسار باستىعى، پارتيا باسشىلىق گرۋپپاسىنىڭ شۋجيى، مەكەمە باستىعى، بۇرىنعى تەمىر جول مينيسترلىگى پارتيا باسشىلىق گرۋپپاسىنىڭ شۋجيى، بۇرىنعى مينيسترى، بۇرىنعى جۇڭگو تەمىر جول باس سەرىكتىگى پارتيا باسشىلىق گرۋپپاسىنىڭ شۋجيى، باس مەڭگەرۋشىسى، 12 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ مۇشەسى، قازىنا - ەكونوميكا كوميتەتىنىڭ ورىنباسار مەڭگەرۋشى مۇشەسى قاتارلى مىندەتتەردى وتەگەن كەزىندەگى قولايلىلىقتاردان پايدالانىپ قاتىستى ورىندار مەن جەكەلەردىڭ كاسىپورىن ساۋداسى، نىسانداردى كوتەرەگە الۋ، مىندەتىن ءوسىرۋ، قىزمەتىن تەڭشەۋ قاتارلى جاقتارىندا پايدا جەتكىزىپ، تىكەلەي نەمەسە باسقالار ارقىلى زاڭسىز قابىلداعان مال - مۇلكى جالپى حالىق اقشاسىنا سىندىرعاندا 56 ميلليون 660 مىڭ يۋاننان اسقان.
2021 – جىلى 11 – ايدا، شىڭ گۋاڭزۋ بۇرىن جۇڭگو تەمىر جول باس سەرىكتىگى پارتيا باسشىلىق گرۋپپاسىنىڭ شۋجيى، باس مەڭگەرۋشىسى بولعان كەزىندە قىزمەت ۇقىعى مەن ورنى قالىپتاستىرعان قولايلى شارت – جاعدايدان پايدالانىپ، باسقا مەملەكەت قىزمەتكەرلەرىنىڭ مىندەت جاعىنداعى ارەكەتى ارقىلى قاتىستى ورىنداردىڭ كاسىپورىن تيجاراتى جاعىندا ورىنسىز پايدا تابۋىنا مۇمكىندىك جاراتقان. 2015 – جىلدان 2022 – جىلعا دەيىن، شىڭ گۋاڭزۋدىڭ باسقالار ارقىلى زاڭسىز قابىلداعان جالپى مال - مۇلكى 7 ميلليون 140 مىڭ يۋاننان اسقان.
پروكۋراتۋرا ورگاندارى پارا الۋ قىلمىسى، ىقپال كۇشىنەن پايدالانىپ پارا الۋ قىلمىسى بويىنشا شىڭ گۋاڭزۋدىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.
سوتتا پروكۋراتۋرا ورگاندارى قاتىستى دالەل - سىپاتتاردى كورسەتتى، ايىپكەر شىڭ گۋاڭزۋ مەن ونىڭ اقتاۋشىسى فاكت كورسەتتى، ايىپتاۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتىستى، شىڭ گۋاڭزۋ ەڭ سوڭعى ءسوزىن سويلەدى ءارى سوت ۇستىندە قىلمىسىن مويىنداپ، رايىنان قايتقاندىعىن ءبىلدىردى.
ەڭ سوڭىندا سوت سوتتىڭ ءۇزىلىس جاساعاندىعىن، ۇكىمىن ارتىنان جاريالايتىندىعىن ۇقتىردى، حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن جانە قوعامنىڭ ءار سالاسىنداعى بۇقارادان 40 ادام سوت تەرگەۋىن سىرتتاي تىڭدادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
