فيلليپپيندە لەپتوسپيرا اۋرۋىنان كەم دەگەندە 225 ادام ءولدى
2023.08.04 15:08 كەلۋ قاينارى : حالىق تورابى
شينحۋا اگەنتتىگىنىڭ 8 – ايدىڭ 3 - كۇنى مانيلادان بەرگەن حابارى. فيليپپين دەنساۋلىق ساقتاۋ مينيسترلىگى 8 - ايدىڭ 3 - كۇنى مىنانى مالىمدەدى: بيىل جىل باسىنان بەرى وسى ەلدىڭ كوپ جەرى لەپتوسپيرا اۋرۋىنان ناۋقاستانعانداردىڭ سانى جوعارىلاعان، اتالعان اۋرۋ 225 ادامنىڭ ولىمىنە سەبەپشى بولعان.
فيلليپپين دەنساۋلىق ساقتاۋ مينيسترلىگى بايانداماسىندا بىلاي دەدى: جىل باسىنان 7 – ايدىڭ 15 – كۇنىنە دەيىن، از دەگەندە 10 رايوننان جيىنى 2079 ادامنىڭ اۋرۋعا شالدىققانى مالىمدەلدى. استانا مانيلا رايونىندا وتكەن ءبىر اي ىشىندە ورلەۋ اۋقىمى جارىققا شىقتى.
لەپتوسپيرا اۋرۋى ــــ اۋرۋ تۋدىراتىن لەپتوسپيروزدان بولاتىن شۇعىل جۇقپالى اۋرۋ، ادام مەن مالعا بىردەي جۇعاتىن اۋرۋ، ورتا تازالىعى ناشار، تاسقىن سۋى باسقان جانە اۋىز سۋى لاستانعان وڭىرلەردە وڭاي تارالادى. تىشقان، شوشقا جانە باسقا ءۇي جانۋارلارى لەپتوسپيرانىڭ باستى جۇعۋ قاينارى. ناۋقاستىڭ تيپتىك بەلگىلەرى: تۇلا بويى قاقساپ اۋىرادى، دارمەنسىزدەنەدى، قاتتى قىزادى، اۋرۋ بەلگىسى سالماقتى بولعاندا وكپەدەن قان شىعادى، مي قابىنۋ جانە بۇيرەك قىزمەتى السىرەۋ قاتارلىلار قوسانجارلايدى.
فيلليپپين دەنساۋلىق ساقتاۋ مينيسترلىگى بىلاي دەپ ەسكەرتتى: تايفىڭ داۋىلى مەن ماۋسىمدىق جەلدىڭ ىقپالىنان فيلليپپيننىڭ كوپتەگەن رايوندارىندا جۋىردا ارت - ارتىنان نوسەر جاۋىپ، كوپ جەردە تاسقىن جانە سۋ باسۋ سياقتى اپات تۋىلىپ، لەپتوسپيرا اۋرۋىنىڭ تارالۋىن تەزدەتۋى مۇمكىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
