شينجياڭنان الماتىعا تۇڭعىش رەت تىكە قاتىنادى
2023.08.14 16:28 كەلۋ قاينارى : حالىق تورابى
8 ـ ايدىڭ 11 ـ كۇنى ساعات 11 دە جۇڭگو مۇناي مايتاۋ مۇناي حيميا سەرىكتەستىگىنىڭ حيميا ونەركاسىپ قاتتى كۇيدەگى ونىمدەر قويماسىنان 180 تونناعا جۋىق جوعارى دەڭگەيدەگى حيميا ونەركاسىپ ونىمدەرى تيەلگەن كەزەكشى پويەز باتىسقا قاراي باياۋ جىلجىدى، اتالعان پويەزدىڭ كوزەۋلى جەرى — قازاقستاننىڭ الماتى قالاسى. بۇل جۇڭگو مۇناي مايتاۋ مۇناي حيميا سەرىكتەستىگىنىڭ حيميا ونەركاسىپ ونىمدەرىنىڭ تۇڭعىش رەت تىكە قاتىناۋ جولىمەن ورتا ازيا ەلدەرىنە جەتكىزىلۋى.
بۇرىن شينجياڭداعى حيميا ونەركاسىپ ونىمدەرىن ورتا ازياداعى ءارقايسى ەلدىڭ ەكسپورت كاسىبىنە باعىتتالىپ ءۇش جاق ارقىلى جەتكىزەتىندىكتەن، تىكەلەي جەتكىزۋ ءتاسىلى بولماعاندىقتان، زات اينالىمىنىڭ اينالىم وزىندىك قۇنىن ارتتىرىپ قانا قالماستان، ساتۋ ارناسىن دا شەكتەدى، سوندىقتان باعا جاعىندا كورەيا، رەسەي قاتارلى ەلدەردىڭ جەرگىلىكتى ورىندارعا تىكەلەي ساتاتىن ونىمدەرىمەن باسەكەلەسۋگە امالىسز بولىپ، ساتۋ جولىن جالپى بەتتىك اشا الماعان بولاتىن.
بيىل 4 – ايدان باستاپ، جۇڭگو مۇناي ـ تابيعي گاز توبى سەرىكتەستىگى مەن شينجياڭ ۇيعۇر اۆتونوميالى رايوننىڭ ءبىرتۇتاس ورنالاستىرۋىنا ساي، جۇڭگو مۇناي مايتاۋ مۇناي ـ حيميا سەرىكتەستىگى، جۇڭگو مۇناي - تابيعي گاز حالىقارالىق ىستەرى سەرىكتەستىگى، جۇڭگو مۇناي باتىس سولتۇستىك حيميا ونەركاسىپ ساتۋ سەرىكتەستىگى سىندى ٴۇش ورىن حالىقارالىق ۇلاسپالى تاسىمال جوسپارىن اتقارىپ، شينجياڭ كەدەنى سياقتى تاراۋلاردىڭ بەلسەنە سايكەسۋىندە تىكە تاسىمالداناتىن بىرلەسپە تاسىمالدىڭ بارلىق ارناسىن اشتى.
بۇل رەت شىعارىلعان حيميا ونەركاسىپ ونىمدەرى جوعارى ورەلى پولي ەتيلەن شايىردان جاسالعان ونىمدەر بولىپ، مولشەرمەن 7 كۇن اينالاسىندا جول باسىپ كوزدەگەن ورىنعا جەتەدى.
كەزەكتە جۇڭگو موناي تابيعي گاز توبى سەرىكتىگى حالىقارا جانە ەل ىشىندەگى ەكى بازاردان ءتىپتى دە جاقسى پايدالانۋ ارقىلى مەملەكەتتىڭ ەنەرگيا حاۋىپسىزدىگىن قامتاماسىزداندىرۋدى، ”ءبىر بەلدەۋ، ءبىر جول“ بويىنداعى ەلدەر مەن رايونداردى ءتۇيىن ەتىپ، جۇيەسى كەمەلدى، عىلىمي ارناعا تۇسكەن، اينالىمى جوعارى ءونىمدى حالىقارالانعان اينالىم جۇيەسىن بىرتىندەپ ورناتۋدى ورتاعا قويدى.
ورتا ازيا بازارىنىڭ ەرەكشە وڭىرلىك قاجەتىنە ، ارنايىلانعان سۇرانىسقا ساي، جۇڭگو مۇناي مايتاۋ مۇناي - حيميا سەرىكتەستىگى ۇزدىكسىز ءونىمىنىڭ وزەكتى باسەكەلىك قۋاتىن جوعارىلاتۋدى نەگىز ەتىپ، قاتىستى جاقتارمەن تىعىز سايكەسىپ، ونىمدەردىڭ ”سىرتقا شىعۋ“ جولىنىڭ بارعان سايىن كەڭەيۋىن، ونىمدىلىگىنىڭ بارعان سايىن جاقسارۋىن جەبەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
