ب م ۇ بوسقىندار مەكەمەسى: سۋدان قاقتىعىسىنان 4 ميلليوننان استام ادام پاناسىز قالدى
2023.08.09 16:13 كەلۋ قاينارى : حالىق تورابى
ب م ۇ بوسقىندار مەكەمەسىنىڭ مالىمدەمەشىسى ۋيليام سبيندىلي 8 – ايدىڭ 8 – كۇنى مىنانى ءبىلدىردى: سۋدان قاقتىعىسى تۋىلعاننان بەرى قاراي، 4 ميلليوننان ارتىق ادام سۋداننىڭ ەل ىشىندە قاشىپ بوسقىن بولۋعا نەمەسە كورشى مەملەكەتتەرگە جان ساۋعالاۋعا ءماجبۇر بولعان، مۇنىڭ ىشىندە كورشى مەملەكەتكە 700 مىڭداي ادام قاشىپ كەتكەن، بۇدان تىس، سۋداندا جان ساۋعالاپ جۇرگەن 195 مىڭعا جۋىق وڭتۇستىك سۋداندىقتار امالسىزدان وڭتۇستىك سۋدانعا قايتقان.
ب م ۇ بوسقىندار مەكەمەسى سۋداننىڭ جەر - جەرىنىڭ ۇزدىكسىز ناشارلاعان دەنساۋلىق ساقتاۋ شارت - جاعدايىنان قاتتى الاڭدادى، مۇنىڭ ىشىندە بوسقىندار لاگەرى جانە كورشى ەلدەردىڭ شەكارادان كىرۋ تۇيىندەرى مەن جوتكەۋ ورتالىقتارى بار. قاقتىعىس تۋىلعاننان بەرى، سۋدان بوسقىندارىنىڭ دەنساۋلىعى مەن قورەكتىك جاعدايى شۇعىل ناشارلادى، ونىڭ ۇستىنە بۇل جاعداي ءالى دە جالعاسۋدا. ب م ۇ بوسقىندار مەكەمەسى بىلاي دەدى: سۋداننىڭ قارۋلى قاقتىعىسى جەرگىلىكتى ەمدەۋ، دەنساۋلىق ساقتاۋ قۇرىلعىلارىن اۋىر دارەجەدە ءبۇلدىرىپ، كوپ جەردە نەشە ءتۇرلى جۇقپالى اۋرۋ تۋدىردى.
ۋيليام سبيندىلي بىلاي دەدى: كەزەكتە سۋدانداعى بوسقىنداردى ەمدەۋ، دەنساۋلىق ساقتاۋ جانە باسقا دا كومەكتەرمەن قامداۋعا كوپ قارجى قاجەت بولىپ وتىر، ءبىراق ب م ۇ بوسقىندار مەكەمەسى مەن ونىڭ سەلبەستىك سەرىكتەرىندە قارجى تاپشىلىعى ورىن تەۋىپ وتىر. سۋداننىڭ قارۋلى قاقتىعىسى 4 – ايدىڭ 15 - كۇنى سۋداننىڭ استاناسى حارتۋمدا جانە ونىڭ توڭىرەگىندە تۋىلعان، ىلە - شالا سۋداننىڭ باسقا رايوندارىنا كەڭەيگەن ءارى قازىرگە دەيىن جالعاسىپ كەلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
