جۇڭگو لاي چيڭدىنىڭ قاشىپ – پىسىپ ا ق ش – قا بارۋىنا قاراتا جاڭا كەزەكتى اسكەري جاتتىعۋ جۇرگىزە مە، جوق پا؟ سىرتقى ىستەر مينيسترلىگى جاۋاپ قايتاردى
2023.08.16 15:30 كەلۋ قاينارى : حالىق تورابى
8 – ايدىڭ 15 – كۇنى، سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين كەزەكتى تىلشىلەر جينالىسىن باسقاردى. ءبىر ءتىلشى بىلاي دەپ سۇرادى: جۇڭگو لاي چيڭدى جۇما كۇنى تايۋانعا قايتىپ كەلگەننەن كەيىن دەرەۋ كەڭ كولەمدى اسكەري جاتتىعۋ وتكىزۋدى جوسپارلاي ما؟ ۋاڭ ۋىنبين: لاي چيڭدى «تايۋاندى دەربەستەندىرۋدى» كوزدەيتىن بولشەكتەۋ مايدانىندا توڭمويىندىقپەن قاسارىسقان، ناعىز «اۋرەشىلىك تۋدىرۋشى». ا ق ش پەن تايۋان استاسىپ، ”شەكارادان ءوتۋدى“ جەلەۋ ەتىپ، لاي چيڭدىنى ا ق ش – تا ساياسي قيمىلدارمەن شۇعىلدانۋعا ورنالاستىرىپ، ءبىر جۇڭگو پرينسيبىنە اۋىر قايشىلىق جاساپ، جۇڭگونىڭ يەلىك ۇقىعى مەن تەرريتوريا تۇتاستىعىنا اۋىر زيان جەتكىزدى. اماليات تايۋان جاعدايىنىڭ ۇزدىكسىز شيەلەنىسۋىنىڭ ءتۇبىرلى سەبەبى تايۋان بيلەۋشىلەرىنىڭ ”ا ق ش - قا سۇيەنىپ دەربەستەندىرۋگە“ ۇرىنۋى ەكەندىگىن، ا ق ش - تىڭ ”تايۋان ارقىلى جۇڭگونى شاۋجايلاۋعا“ قاسارىسقاندىعى ەكەندىگىن تاعى ءبىر رەت دالەلدەدى.
تايۋان ماسەلەسى — جۇڭگونىڭ وزەكتى مۇددەسىنىڭ وزەگى، جۇڭگو - ا ق ش قاتىناسىنىڭ ساياسي نەگىزىنىڭ نەگىزى، جۇڭگو - ا ق ش قاتىناسىنداعى اتتاپ وتۋگە بولمايتىن ٴبىرىنشى قىزىل سىزىق. جۇڭگو ا ق ش – تى ءبىر جۇڭگو پرەنسيبى جانە جۇڭگو - ا ق ش ءۇش جاق بىرلەسكەن مالىمدەمەسىنىڭ بەلگىلەمەسىندە بەرىك تۇرىپ، ”تايۋاندى دەربەستەندىرۋدى“ قولداماۋ، ”ەكى جۇڭگو“ نەمەسە ”ءبىر جۇڭگو، ءبىر تايۋاندى“ قولداماۋ ۋادەسىن ورىنداپ، ا ق ش پەن تايۋاننىڭ ءارقانداي فورماداعى رەسمي قاتىناسىن توقتاتىپ، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەردى جانە ولاردىڭ بولشەكتەۋ ارەكەتتەرىن ىرقىنا جىبەرۋدى جانە قولداۋدى توقتاتىپ، ءبىر جۇڭگو پرينسيبىن كومەسكىلەندىرۋدى، بەكەرلەۋدىتوقتاتۋعا قۋزايدى. جۇڭگو جاعدايدىڭ دامۋىنا قاداعالاي نازار اۋدارىپ وتىر، باتىل دا پارمەندى شارالار قولدانىپ، مەملەكەتتىڭ يەلىك ۇقىعى مەن تەرريتوريا تۇتاستىعىن قورعايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
