شينجياڭدا قورشاعان ورتانىڭ بۇلىنۋىنە ءادىليالىق ساراپتاۋ جۇرگىزەتىن 2 قۇرىلىم قۇرىلدى
2023.08.17 14:23 كەلۋ قاينارى : حالىق تورابى
8 – ايدىڭ 15 – كۇنى، شينجياڭ قورشاعان ورتانى قورعاۋ عىلىمي زەرتتەۋ ورنىنىڭ ءادىليالىق ساراپتاۋ ورتالىعى مەن شينجياڭ ورمان شارۋاشىلىعى عىلىم اكادەمياسىنىڭ ءادىليالىق ساراپتاۋ ورنى جەكە ـ جەكە ماڭدايشالىق اسۋ سالتىن وتكىزدى، قورشاعان ورتانىڭ بۇلىنۋىنە ءادىليالىق ساراپتاۋ جۇرگىزەتىن 2 قۇرىلىمىنىڭ قۇرىلۋى شينجياڭنىڭ قورشاعان ورتاعا زيان جەتكىزۋدى جوعارى ساپالى، جوعارى دەڭگەيلى ءادىليالىق ساراپتاۋداعى بوستىعىن تولتىردى.
قورشاعان ورتانىڭ بۇلىنۋىنە ءادىليالىق ساراپتاۋ جۇرگىزۋ ‐ ى ءادىليالىق ساراپتاۋدىڭ ماڭىزدى قۇرامداس بولىگى، جيىنى 7 كاسىپ سالاسى بويىنشا 47 سالاعا جانە نىسانعا بولىنەدى، ەكولوگيالىق ورتا، جاراتىلىستىق بايلىق، اۋىل شارۋاشىلىعى، سۋ يگىلىگى، تەڭىز ـ مۇحيت، اۋا رايى، ورمان شارۋاشىلىعى، جايىلىم سياقتى كوپتەگەن كاسىپ سالاسىنا سايادى. بيىل 7 ـ ايدا شينجياڭ ۇيعۇر اۆتونوميالى رايوندىق ءادىليا مەڭگەرمەسى شينجياڭ ۇيعۇر اۆتونوميالى رايوندىق ەكولوگيالىق ورتا مەڭگەرمەسىمەن بىرلەسىپ، بۇكىل ەلدىڭ قورشاعان ورتانىڭ بۇلىنۋىنە ءادىليالىق ساراپتاۋ جۇرگىزەتىن ماماندار قويماسىنان جانە شينجياڭ ۇيعۇر اۆتونوميالى رايوننىڭ جەرگىلىكتى قويماسىنان ۇزدىك مامانداردى تاڭداپ، زاڭ بويىنشا، بەلگىلەمە بويىنشا ءوتىنىش ەتكەن ورىنداردىڭ تەحنيكالىق شارت ـ جاعدايى، تەحنيكالىق قابىلەتى، اسپاپ – جابدىقتارى جانە كاسىپتىك قىزمەتكەرلەرى سياقتىلارعا جالپىلىق باعالاۋ جانە تەكسەرۋ جۇرگىزدى. شينجياڭ ۇيعۇر اۆتونوميالى رايوندىق ءادىليا مەڭگەرمەسى زاڭدا بەلگىلەنگەن كاسىپپەن شۇعىلدانۋ شارتىنا سايكەس كەلەتىن ەكى ورگان جانە 35 كاسىبي قىزمەتكەردى بەكىتىپ تىزىمگە الدى. اتالعان ەكى قۇرىلىمىنىڭ ساراپتاۋ كاسىبى قورشاعان ورتانىڭ ءبۇلىنۋىنە ءادىليالىق ساراپتاۋ جۇرگىزۋدەگى 5 كاسىپتىك سالاداعى 21 تارماق سالا مەن نىساندى قامتيدى، ءارقايسىسىنىڭ ابزالدىعى، ەرەكشەلىگى بار، كاسىپ سالاسى جاعىنان بەلگىلى دارەجەدە ءوزارا تولىقتاۋ سيپاتىنا يە.
ۇعىسۋعا قاراعاندا، شينجياڭ ۇيعۇر اۆتونوميالى رايوندىق ءادىليا مەڭگەرمەسى جەتەكشىلىك ەتۋ مەن باقىلاۋدى كۇشەيتىپ، قاتىستى تاراۋلار مەن داشۋەلەر، مەكتەپتەر، قوعامدىق قۇرىلىمدار سياقتى عىلىمي زەرتتەۋ كۇشتەرىن عىلىمي ءبىرتۇتاس جوسپارلاپ، سايكەستىرىپ، ارىز ـ شاعىم شۇعىل قاجەت ەتىپ وتىرعان، قوعام نازار اۋدارىپ وتىرعان قورشاعان ورتانىڭ بۇلىنۋىنە ءادىليالىق ساراپتاۋ جۇرگىزەتىن قۇرىلىمداردىڭ زاڭ بويىنشا كىرۋىنە رۇقسات ەتىپ، ولاردىڭ ورتا جونىندەگى الەۋمەتتىك يگىلىك ارىز - شاعىم مەن ورتانى لاستاۋ قىلمىستىق ىستەر دەلوسىن باسقارۋداعى فۋنكسيالىق رولىن ساۋلەلەندىرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
