الدىڭعى 7 ايدا شينجياڭنىڭ سىرتقى ساۋدا جالپى قۇنى سايكەس مەزگىلدەگىدەن ％3. 59 ارتتى
2023.08.18 15:46 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى شى شين 8 - ايدىڭ 16 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، الدىڭعى 7 ايدا شينجياڭنىڭ سىرتقى ساۋدا يمپورت - ەكسپورت جالپى قۇنى 183 ميلليارد 160 ميلليون يۋان بولىپ، سايكەس مەزگىلدەگىدەن ％3. 59 ارتىپ، بۇكىل ەلدىڭ ارتۋ قارقىنىنان 9. 58 پايىز جوعارى بولعان.
الدىڭعى 7 ايدا شينجياڭنىڭ سىرتقى ساۋدا ەكسپورت قۇنى 153 ميلليارد 810 ميلليون يۋان بولىپ، سايكەس مەزگىلدەگىدەن ％5. 62 ارتقان؛ يمپورت قۇنى 29 ميلليارد 350 ميلليون يۋان بولىپ، سايكەس مەزگىلدەگىدەن ％3. 44 ارتقان؛ 7 - ايدىڭ وزىندە شينجياڭنىڭ سىرتقى ساۋدا يمپورت - ەكسپورت قۇنى 33 ميلليارد 560 ميلليون يۋان بولىپ، سايكەس مەزگىلدەگىدەن ％4. 37 ارتقان.
ءۇرىمجى كەدەنى الدىڭعى 7 ايداعى شينجياڭنىڭ سىرتقى ساۋدا ەرەكشەلىگىنە تالداۋ جاسادى، بىرىنشىدەن، شينجياڭداعى 10 ايماق، وبلىس، قالادا سىرتقى ساۋدا وڭ ارتۋدى ساقتاپ، وڭىرلىك دامۋ اناعۇرلىم تەپە - تەڭدىككە بەت العان. الدىڭعى 7 ايدا شينجياڭداعى 10 ايماق، وبلىس، قالانىڭ سىرتقى ساۋدا كولەمى تۇگەلدەي كورنەكتى ارتتى. وڭتۇستىك شينجياڭ ءوڭىرىنىڭ يمپورت - ەكسپورت قۇنى سايكەس مەزگىلدەگىدەن ％9. 94 ارتىپ، سول تۇستاعى شينجياڭنىڭ سىرتقى ساۋدا يمپورت - ەكسپورت جالپى قۇنىنىڭ ％6. 30ىن يەلەپ، بىلتىرعى سول تۇستاعىدان 6. 5 پايىز جوعارىلاپ، وڭتۇستىك، سولتۇستىك شينجياڭ سىرتقى ساۋداسىنىڭ وڭىرلىك دامۋى اناعۇرلىم بىركەلكىلىككە بەت العان.
مۇنىڭ ىشىندە قاشقار ايماعىنىڭ ساۋدا قۇنى، ارتۋ قارقىنى بۇكىل رايون بويىنشا تۇگەلدەي الدىڭعى ورىندى يەلەدى، ءۇرىمجى قالاسىنىڭ ساۋدا كولەمى بۇكىل رايون بويىنشا 2 - ورىندى يەلەدى.
ەكىنشىدەن، شەكارا ساۋداسىن نەگىز ەتكەن ساۋدا قۇرىلىمى ورنىقتى بولىپ، ساۋدا سەرىكتەرى اناعۇرلىم كوپ نەگىزدەندى. الدىڭعى 7 ايدا شەكارالىق شاعىن سومالى ساۋدانىڭ، ادەتتەگى ساۋدانىڭ يمپورت - ەكسپورت جالپى قۇنى جەكە - جەكە ％7. 72، ％8. 22 ارتىپ، بۇكىل رايوننىڭ سىرتقى ساۋداسىنداعى تىرەكتىك رولىن ۇزدىكسىز ساۋلەلەندىردى.
الدىڭعى 7 ايدا شينجياڭ دۇنيە جۇزىندەگى 167 مەملەكەتپەن جانە رايونمەن ساۋدا بارىس - كەلىسىن جاساسىپ، ”ءبىر بەلدەۋ، ءبىر جول“ بويىنداعى ەلدەرمەن، وڭىرلىك جان - جاقتى ەكونوميكالىق سەرىكتەستىك قارىم - قاتىناس كەلىسىمىندەگى (RCEP) مۇشە ەلدەرمەن، ەۆروپا وداعىمەن ساۋدا سوماسى جەكە - جەكە 169 ميلليارد 80 ميلليون يۋان، 6 ميلليارد 550 ميلليون يۋان، 4 ميلليارد 30 ميلليون يۋان بولىپ، سايكەس مەزگىلدەگىدەن جەكە - جەكە ％4. 61، ％4. 4، ％6. 11 ارتتى. مۇنىڭ ىشىندە شينجياڭنىڭ ورتا ازياداعى 5 ەلمەن يمپورت - ەكسپورت ساۋدا سوماسى شينجياڭنىڭ سىرتقى ساۋدا يمپورت - ەكسپورت جالپى قۇنىنىڭ ％80ىن يەلەدى.
ۇشىنشىدەن، حالىقتىق كاسىپورىنداردىڭ يمپورت - ەكسپورت ومىرشەڭدىك كۇشى ايگىلەنىپ، سىرتقى ساۋدانىڭ ىشكى قوزعاۋشى كۇشى ۇزدىكسىز كۇشەيدى. الدىڭعى 7 ايدا شينجياڭنىڭ حالىقتىق كاسىپورىندارىنىڭ ساۋدا سوماسى 171 ميلليارد 180 ميلليون يۋان بولىپ، سايكەس مەزگىلدەگىدەن ％8. 66 ارتىپ، حالىقتىق كاسىپورىنداردىڭ سىرتقى ساۋداداعى تۇلعالىق ورنى اناعۇرلىم بەكەمدەلدى.
شينجياڭنىڭ ەسىك اشۋ تۇعىرىنىڭ يقۋاتى ۇزدىكسىز ساۋلەلەندىرىلىپ، نەگىزدىك قۇرىلعىلاردى تۇتاستىرۋدا كورنەكتى ونىمدىلىككە قول جەتتى. الدىڭعى 7 ايدا 4 كەشەندى قورعامالى باجى اۋماعىنىڭ جالپى ساۋدا سوماسى 72 ميلليارد 220 ميلليون يۋان بولىپ، سايكەس مەزگىلدەگىدەن ％1. 136 ارتتى. شەكارا وتكەلدەرىنىڭ ىركىلىسسىزدىگىن قامتاماسىز ەتىپ، شەكارا اتتاعان تاسىمالدا ”قاتتى بولشەكتەردى ۇلاستىرۋدىڭ“ ىشكەرىلەي ىلگەرىلەتىلۋىنە بايلانىستى، تاس جول، تەمىر جول تاسىمالىنىڭ نەگىزگى ارنالىق رولى ۇزدىكسىز كورنەكتىلەندى، الدىڭعى 7 ايدا شينجياڭنىڭ تاس جول، تەمىر جول تاسىمالى تاسىلىندەگى يمپورت - ەكسپورت قۇنى 156 ميلليارد 20 ميلليون يۋان بولىپ، سايكەس مەزگىلدەگىدەن ％5. 70 ارتتى. مۇنىڭ ىشىندە تاس جول تاسىمالى تاسىلىندەگى ارتۋ ％9. 90 بولىپ، تاس جول تاسىمالى شينجياڭنىڭ سىرتقى ساۋداسىنداعى ەڭ نەگىزگى تاسىمال تاسىلىنە اينالدى.
قوسىمشا قۇنى جوعارى ونىمدەردىڭ ەكسپورت باسەكەلىك قۋاتى كۇشەيىپ، تاۋار قۇرىلىمى اجەپتاۋىر ساپالىلاندى. الدىڭعى 7 ايدا شينجياڭنىڭ ەڭبەك شوعىرلانعان ونىمدەرىنىڭ، ماشينا - ەلەكتر ونىمدەرى ەكسپورتىنىڭ ارتۋى ％70تەن استى. كۇن ەنەرگيالى باتارەيا، ليتي باتارەياسى، ادام الىپ جۇرەتىن ەلەكترلى اۆتوموبيل سىندى ”جاڭا 3 ءتۇردىڭ“ ەكسپورتى ءۇرتىس جوعارى كۇيدى ساقتادى، ەكسپورت ساۋدا سوماسى سايكەس مەزگىلدەگىدەن ％6. 100 ارتتى. سول تۇستاعى اۋىل شارۋاشىلىق ونىمدەرىنىڭ ەكسپورت ساۋدا سوماسى سايكەس مەزگىلدەگىدەن ％8. 33 ارتتى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
