كوممۋنيستىك جاستار وداعى شينجياڭ ۇيعۇر اۆتونوميالى رايوندىق 14 - كەزەكتى كوميتەتىنىڭ ءبىرىنشى جالپى ءماجىلىسى اشىلدى
جاڭا باستامانى تياناق ەتىپ، قايراتتانا ۇمتىلىپ، جاڭا ىسكەرلىك كورسەتۋ كەرەك
2023.08.18 15:49 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى گۋان مىڭيىڭ 8 - ايدىڭ 16 - كۇنى ۇرىمجىدەن حابارلايدى. 8 - ايدىڭ 16 - كۇنى كوممۋنيستىك جاستار وداعى شينجياڭ ۇيعۇر اۆتونوميالى رايوندىق 14 - قۇرىلتايى جەڭىسپەن جابىلدى، ىلە - شالا اشىلعان كوممۋنيستىك جاستار وداعى شينجياڭ ۇيعۇر اۆتونوميالى رايوندىق 14 - كەزەكتى كوميتەتىنىڭ ءبىرىنشى جالپى ءماجىلىسى كوممۋنيستىك جاستار وداعى شينجياڭ ۇيعۇر اۆتونوميالى رايوندىق كوميتەتىنىڭ جاڭا كەزەكتى تۇراقتى كوميتەتىن جانە شۋجيلەر القاسىن سايلاپ شىقتى. اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ ماجىلىسكە قاتىناستى ءارى ءسوز سويلەدى.
حى جۇڭيوۋ اۆتونوميالى رايوندىق پارتكوم اتىنان كوممۋنيستىك جاستار وداعى اۆتونوميالى رايوندىق كوميتەتىنىڭ جاڭادان سايلانعان شۋجيلەرى القاسىن، تۇراقتى مۇشەلەرىن، مۇشەلەرىن جانە كانديدات مۇشەلەرىن قۇتتىقتادى. ول بىلاي دەپ اتاپ كورسەتتى: جاڭا ءداۋىر، جاڭا جورىق رايونىمىزداعى قالىڭ جاستاردىڭ دارىنىن ايگىلەپ، ارمانىن جۇزەگە اسىرۋىنا شەكسىز كەڭ ساحنا ازىرلەدى، كوممۋنيستىك جاستار وداعى اۆتونوميالى رايوندىق كوميتەتىنىڭ جاڭا كەزەكتى شۋجيلەر القاسى مەن بارلىق مۇشەلەرىنىڭ بورىش پەن مىندەتتى شىنايى ارقالاپ، باس شۋجي شي جينپيڭنىڭ جاستار قىزمەتى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ”ءۇش ءتۇبىرلى سيپاتتى ماسەلەنى“ مىقتاپ يگەرىپ، بۇكىل رايونداعى قالىڭ جاستاردى اسقاق جىگەرمەن قايراتتانا ۇمتىلىپ، ەرلىكپەن العا باسۋعا ىنتىماقتاستىرىپ، باستاپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋ ءۇشىن، قاجىماي - تالماي كۇرەس جۇرگىزۋىن ءۇمىت ەتەمىن.
حى جۇڭيوۋ بىلاي دەپ باسا دارىپتەدى: ءار دارەجەلى وداق ۇيىمدارى پارتيا ءۇشىن ادام تاربيەلەۋگە تاباندى بولىپ، جاستاردى باستان - اياق پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن جۇرەكتەردى توعىستىرىپ، رۋحتى سومداۋعا تاباندى بولىپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، جۇڭحۋا ۇلتى ورتاق تۇلعا تانىمى تاربيەسىن كۇشەيتىپ، ءار ۇلت جاستارى مەن ورەندەرىنىڭ كەڭ كولەمدى ارالاسۋىن، جاپپاي ىشتەسۋىن، ىشكەرىلەي توعىسۋىن تەرەڭدەتىپ، جاستار مەن ورەندەردىڭ ”ىرگە قالاۋ“ ينجەنەرياسىن ىشكەرىلەي ىلگەرىلەتىپ، سوتسياليستىك وزەكتى قۇن كوزقاراسىن جەتىلدىرۋ جانە امالياتتا ايگىلەۋ كەرەك. جۇڭگو جاستار قوزعالىسىنىڭ ءداۋىر تاقىرىبىن مىقتاپ يگەرىپ، پارتيانىڭ وزەكتى مىندەتىن مىقتاپ ارقاۋ ەتىپ، ”مەملەكەتتىڭ ءىرى ءىسىن“ كوكەيدە ساقتاپ، جاستاردى جاڭا داۋىرگە ۇلەس قوسۋعا كەڭ كولەمدە جۇمىلدىرىپ، قالىڭ جاستاردى شەكارا وڭىرگە تامىر تارتۋعا ىنتالاندىرۋ، جەتەكتەۋ كەرەك.
حى جۇڭيوۋ مىنالاردى تالاپ ەتتى: ءار دارەجەلى وداق ۇيىمدارى ويداعىداي كوپىر، دانەكەر بولىپ، ”جۇدىرىقتاي جۇمىلىپ“ جاستاردىڭ دامۋىن جەبەپ، جاستاردىڭ ءوسىپ - جەتىلۋ زاڭدىلىعىن ىشكەرىلەي زەرتتەپ، جاستارعا كوڭىل ءبولۋدى، قامقورلىق جاساۋدى كۇشەيتۋى كەرەك. پارتيانىڭ جاستار قىزمەتىنە باسشىلىعىن كۇشەيتىپ، وداقتى جاپپاي قاتاڭ باسقارىپ، وداقتى جونگە سالىپ، ”ساياسيلىقتى، العاباسارلىقتى، بۇقارالىقتى“ كۇشەيتۋ، ”ورگاندانۋ، اكىمشىلىكتەنۋ، اقسۇيەكتەنۋ، ويىن - ساۋىققا بەرىلۋ“ نىسايىن جويۋ سىندى رەفورما نىساناسىن كوزدەپ، كوممۋنيستىك جاستار وداعى رەفورماسىنىڭ ىشكەرىلەي دامۋىن ۇزدىكسىز ىلگەرىلەتىپ، بۇكىل رايونداعى ءار ۇلت جاستارىن ىنتىماقتاستىرىپ، باستاپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا ساپارىندا كورىكتى شينجياڭ قۇرۋعا قۇلشىنۋ كەرەك.
جاڭادان سايلانعان كوممۋنيستىك جاستار وداعى شينجياڭ رايوندىق كوميتەتىنىڭ تۇراقتى مۇشەلەرى 19 جولداستان قۇرالعان، اسەنجان ايتاحۇن كوممۋنيستىك جاستار وداعى اۆتونوميالى رايوندىق كوميتەتىنىڭ شۋجيى، ابدىماناپ احمەتقالي، حى تيان، احمەت يكىم، مىڭ ليميڭ، ۋاڭ جيە، جاڭ شياۋتۇڭ (ۋاقىتشا مىندەتكە تاعايىندالعان)، ليۋ حۇڭتاۋ (قوسىمشا مىندەت وتەيدى)، نۇرنيسا ءالىپ (قوسىمشا مىندەت وتەيدى) ورىنباسار شۋجي بولىپ سايلاندى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
