ۇشقىش تاربيەلەۋ نىسانى شاۋەشەككە ورنالاستىرىلدى
ءۇش جىل ىشىندە 600 دەن استام ۇشقىش تاربيەلەۋدى جوسپارلادى
2023.08.21 16:41 كەلۋ قاينارى : حالىق تورابى
تيانشان تورابى - شينجياڭ گازەتىنىڭ ءتىلشىسى سۇڭ ۋەيگو حابارلايدى. 8 - ايدىڭ 19 - كۇنى وتكىزىلگەن 2023 - جىلعى شينجياڭ . تارباعاتاي 3 - كەزەكتى اكورديون مادەنيەت - كوركەمونەر مەرەكەسىندەگى ساۋداگەر شاقىرىپ، قارجى ەنگىزۋ جاعدايىن تانىستىرۋ جيىنىنان ۇعىسۋعا قاراعاندا، بيىلدان باستاپ، شينجياڭ لۇڭحاۋ جالپىلىق اۆياتسيا شەكتى سەرىكتەستىگى شاۋەشەك اۋەجايىنا ارقا سۇيەي وتىرىپ، ءۇش جىل ىشىندە 600 دەن استام ۇشقىش تاربيەلەمەكشى.
2023 - جىلعى شينجياڭ . تارباعاتاي 3 - كەزەكتى اكارديون مادەنيەت - كوركەمونەر مەرەكەسىندە سول كۇنى وتكىزىلگەن ساۋداگەر شاقىرىپ، قارجى ەنگىزۋ جاعدايىن تانىستىرۋ جيىنىندا، شينجياڭ لۇڭحاۋ جالپىلىق اۆياتسيا شەكتى سەرىكتەستىگى مەن شاۋەشەك قالالىق حالىق ۇكىمەتى سەلبەستىك شارتىنا قول قويدى. سەلبەستىك شارتىنىڭ مازمۇنىنا قاراعاندا، شينجياڭ لۇڭحاۋ جالپىلىق اۆياتسيا شەكتى سەرىكتەستىگى شاۋەشەك اۋەجايىنا ارقا سۇيەي وتىرىپ، ۇشقىش تاربيەلەۋ نىسانىن ورىستەتەدى، جاتتىعۋ ۇشاعىنان 30 ۇشاقتى ەنگىزىپ، ۇشقىشتاردى ءار جىلى 30 مىڭ ساعاتتان استام ۋاقىت ۇشۋعا جاتتىقتىرىپ، ءۇش جىل ىشىندە 600 نەشە ۇشقىش تاربيەلەيدى، سونان كەيىن شاۋەشەك قالاسىندا جەكەلىك كوڭىل اشۋ ماقساتىندا ۇشۋ، كوكتەن پاراشوتپەن سەكىرۋ، كوك جۇزىندە سەيىلدەۋ قاتارلى قاتىستى نىسانداردى دا ورىستەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
