ليۆيا 486 زاڭسىز قونىس اۋدارۋشىنى قايتاردى
2023.08.23 15:05 كەلۋ قاينارى : حالىق تورابى
شينحۋا اگەنتتىگىنىڭ 8 – ايدىڭ 22 – كۇنى تۋنيستەن بەرگەن حابارى. ليۆيا ۇلتتىق ىنتىماق ۇكىمەتىنىڭ ىشكى ىستەر مينيسترى يماد تاربەرسي 8 – ايدىڭ 21 - كۇنى اقپار جاريالاۋ ماجىلىسىندە بىلاي دەدى: ليۆيا سول كۇنى 486 زاڭسىز قونىس اۋدارۋشىنى كەلگەن جەرىنە قايتاردى. تاربەرسي بىلاي دەدى: قايتارىلعان قونىس اۋدارۋشىلاردىڭ ىشىندە 294 ادام ەگيپەتتەن كەلگەن، قالعاندارى باسقا افريكا ەلدەرىنەن كەلگەن. ول بىلاي دەدى: حالىقارالىق قوعام مەن ەۆروپا وداعى ليۆيانىڭ زاڭسىز قونىس اۋدارۋ ماسەلەسىن شەشۋىنە، ءسوزسىز، كومەكتەسۋى كەرەك، بۇل ماسەلە ليۆياعا اۋىر اۋىرتپالىق اكەلدى.
حالىقارالىق كوشپەندىلەر ۇيىمىنىڭ 8 – ايدىڭ 21 – كۇنى جاڭالاعان ساندى مالىمەتىندە كورسەتىلۋىنشە، بيىل جىل باسىنان بەرى، زاڭسىز قونىس اۋدارعان 9806 ادام جەر ورتا تەڭىزىنەن وتكەندە قۇتقارىلىپ، ليۆياعا قايتىپ كەلگەن.
2011 ـ جىلدان بەرى ليۆيانىڭ ساياسي جاعدايى ۇزدىكسىز اۋمالى ـ توكپەلى كۇيگە ءتۇسىپ، كوپتەگەن زاڭسىز قونىس اۋدارۋشىلار ليۆيانى وتپەلى بەكەت ەتىپ، كەمەمەن جەر ورتا تەڭىزىنەن ەندەي ءوتىپ ەۆروپاعا جول تارتۋدا.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved