شي جينپيڭ يراننىڭ زۇڭتۇڭى رايسيمەن كەزدەستى
2023.08.25 16:18 كەلۋ قاينارى : حالىق تورابى
سول جەر ۋاقىتى 8 - ايدىڭ 24 - كۇنى تۇستەن بۇرىن مەملەكەت ءتوراعاسى شي جينپيڭ يوحاننەسبۋرگتە بريكس ەلدەرى باسشىلارىنىڭ ديدارلاسۋىنا قاتىناسقان كەزىندە يراننىڭ زۇڭتۇڭى رايسيمەن كەزدەستى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
«حالىق گازەتى»، 8 - ايدىڭ 24 - كۇنى يوحاننەسبۋرگ (تىلشىلەر رىن حاۋيۇي، ياڭ ي). سول جەر ۋاقىتى 8 - ايدىڭ 24 - كۇنى تۇستەن بۇرىن مەملەكەت ءتوراعاسى شي جينپيڭ يوحاننەسبۋرگتە بريكس ەلدەرى باسشىلارىنىڭ ديدارلاسۋىنا قاتىناسقان كەزىندە يراننىڭ زۇڭتۇڭى رايسيمەن كەزدەستى.
شي جينپيڭ يراننىڭ بريكستىڭ مۇشەسى بولعانىن قۇتتىقتادى. شي جينپيڭ بىلاي دەپ دارىپتەدى: ءار جاقتىڭ بىرگە قۇلشىنۋىندا، وسى رەتكى بريكس باسشىلارىنىڭ ديدارلاسۋىندا مۇشەلەر سانىن كوبەيتۋ ۇيعارىلدى، بۇل − تاريحي وقيعا. جاڭا مۇشەلەر − تۇگەلدەي ماڭىزدى ىقپالعا يە ەلدەر، دۇنيە جۇزىنە كەلەلى ىقپال جاسايتىنىنا سەنەمىن. جۇڭگو جاق يرانمەن بريكس سياقتى كوپ جاقتى تۇعىرلاردا سەلبەستىكتى كۇشەيتىپ، كوپ جاقتىلىقتىڭ اقاۋسىز، تەبىندى دامۋىن ىلگەرىلەتۋدى قالايدى.
شي جينپيڭ بىلاي دەپ اتاپ كورسەتتى: بيىل 2 - ايدا زۇڭتۇڭ مىرزا جۇڭگودا ءساتتى ساپاردا بولعاننان كەيىن، ەكى ەلدىڭ ءارقايسى تاراۋلارى ءبىزدىڭ كەلىسكەن ورتاق تانىمدارىمىزدى جەدەل تياناقتاندىرىپ، بەلسەندى ناتيجەلەرگە قول جەتكىزدى. جۇڭگو جاقتىڭ جانە يراننىڭ، ساۋد ارابياسىنىڭ بىرگە قۇلشىنۋىندا، يران مەن ساۋد ارابياسىنىڭ راقايلاسۋدى جۇزەگە اسىرىپ، ورتا شىعىستىڭ حاۋىپسىزدىگىن، ورنىقتىلىعىن جەبەگەنىنە توتەنشە قۋانىشتامىن. جۇڭگو جاق يران جاقپەن دوستىقتى بەكەمدەپ، ءوزارا سەنىمدىلىكتى تەرەڭدەتىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىر - ءبىرىن ۇزدىكسىز قولداپ، جۇڭگو مەن يراننىڭ جان - جاقتى ستراتەگيالىق سەرىكتەستىك قارىم - قاتىناسىنىڭ اناعۇرلىم كوپ جەتىستىكتەرگە قول جەتكىزۋىن ىلگەرىلەتۋدى قالايدى.
رايسي مىنالاردى ءبىلدىردى: يران جاق جۇڭگو جاقتىڭ يراننىڭ بريكس ەلدەرىنىڭ رەسمي مۇشەسى بولۋىن قولداعانىن ايرىقشا القايدى ءارى العىس ايتادى، بۇل يران - جۇڭگو قاىرم - قاتىناسىنىڭ دامۋىنا جاڭا قوزعاۋشى كۇش ازىرلەدى، ەكى ەلدىڭ كوپ جاقتى تۇعىرداعى سەلبەستىگىن كۇشەيتۋىنە، سونداي - اق ءتوراعا شي جينپيڭ العا قويعان دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن اناعۇرلىم ويداعىداي ىلگەرىلەتۋگە، تياناقتاندىرۋعا ءتيىمدى. ءتوراعا شي جينپيڭنىڭ يران مەن ساۋد ارابياسىنىڭ تىلدەسۋى مەن تاتۋلاسۋىن ىلگەرىلەتۋدە ماڭىزدى رول اتقارعانىنا العىس ايتامىن. بريكس ەلدەرى مۇشەلەرىنىڭ كوبەيۋى سىڭار جاقتىلىقتىڭ قۇلدىراپ بارا جاتقانىن ايگىلەدى. يران جاق يران مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسىن تەرەڭدەتۋ بەكىمىنەن مىزعىمايدى، جۇڭگو جاقپەن بىرگە قۇلشىنىپ، ەكى ەلدىڭ جان - جاقتى ستراتەگيالىق سەلبەستىگىن ونان ارى جيىلەتىپ، ”ءبىر بەلدەۋ، ءبىر جولدى“ بىرگە قۇرۋ سەلبەستىگىن بەلسەنە ىلگەرىلەتۋدى قالايدى.
ساي چي، ۋاڭ ي قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
