ەڭ جوعارى حالىق سوت مەكەمەسى، ەڭ جوعارى حالىق پروكۋراتۋراسى، قوعام حاۋىپسىزدىگى مينيسترلىگى بىرلەسىپ حابارلاندىرۋ شىعاردى
2023.08.24 16:38 كەلۋ قاينارى : حالىق تورابى
زاڭسىز مىلتىق، جارىلعىش زاتتاردى زاڭ بويىنشا جينايدىءتىلشىنىڭ قوعام حاۋىپسىزدىگى مينيسترلىگىنىڭ 8 – ايدىڭ 22 – كۇنى اشقان اقپار جاريالاۋ ماجىلىسىنەن ۇعىسۋىنشا، ەڭ جوعارى حالىق سوت مەكەمەسى، ەڭ جوعارى حالىق پروكۋراتۋراسى، قوعام حاۋىپسىزدىگى مينيسترلىگى بىرلەسىپ «زاڭسىز مىلتىق، جارىلعىش زات سياقتى زاتتاردى زاڭ بويىنشا جيناپ الۋ، مىلتىققا، جارىلىسقا ساياتىن زاڭعا قايشى قىلمىستارعا قاتاڭ سوققى بەرۋ جونىندەگى حابارلاندىرۋدى» شىعارعان.
قوعام حاۋىپسىزدىگى مينيسترلىگى اماندىق باسقارۋ مەكەمەسىنىڭ ورىنباسار باستىعى چي شيگو اقپار جاريالاۋ ماجىلىسىندە بىلاي دەدى: قازىر ەلىمىزدىڭ قوعام اماندىعىنىڭ جالپى جاعدايى جالپى جاقتان ورنىقتى، الايدا حالىقاراداعى، ەل ىشىندەگى ءار ءتۇرلى كۇردەلى فاكتورلاردىڭ ىقپالىنا ۇشىراعاندىقتان، ءتۇرلى حاۋىپتى، ورنىقسىز ماسەلەلەر ءالى دە اۋىق - اۋىق جارىققا شىعۋدا، قارۋ - جاراققا، جارىلعىش زاتتارعا قاتىستى ءالى دە بايقالماعان دەرەك كوزدەرى بار، الەۋمەتتىك حاۋىپسىزدىككە جانە حالىقتىڭ ءومىرى مەن مال - مۇلكىنىڭ اماندىعىنا حاۋىپ توندىرەدى. مىلتىققا، جارىلعىش زاتتارعا ساياتىن زاڭعا قايشى قىلمىس وتكىزۋشىلەردى باق سىناۋ پسيحيكاسىنان ارىلىپ، پسيحيكالىق اۋىرتپالىقتى تاستاپ، بەلگىلەنگەن شەكتى مەرزىم ىشىندە زاڭسىز مىلتىق، جارىلعىش زاتتاردى ىرىقتىلىقپەن تاپسىرىپ، زاڭعا قايشى قىلمىستىق ارەكەتتەردى ادالدىقپەن تاپسىرىپ، جەڭىل جازالاۋعا، جازاسىن جەڭىلدەتۋگە، جازاسىن كەشىرۋگە نەمەسە جازالاماۋعا بەلسەنە قول جەتكىزۋگە شابىتتاندىرۋ كەرەك.
ەڭ جوعارى حالىق سوت مەكەمەسى قىلمىستىق ىستەر 4 - سوتىنىڭ ورىنباسار باستىعى، 1-دارەجەلى اعا سۋديا چىن حۇڭشياڭ بىلاي دەدى: كەڭشىلىك ەتۋ مەن قاتاڭ جازالاۋ ۇشتاستىرىلعان قىلمىستىق ىستەر ساياساتى بويىنشا ساياساتتىق شەكارانى قاتاڭ يگەرۋ كەرەك. 2023 – جىلى 10 – ايدىڭ 31- كۇنىنەن بۇرىن ءوزىن مالىمدەگەندەرگە نەمەسە قارۋ – جاراق، وق – ءدارى، جارىلعىش زات سياقتى زاڭسىز زاتتاردى وزدىگىنەن تاپسىرىپ اۋىر زارداپ تۋىلۋدان ساقتانعاندارعا حالىق سوت مەكەمەسى ءبىر جاقتى ەتكەن كەزدە زاڭ بويىنشا كەڭ كولەمدە كەڭشىلىك ەتىپ، جەڭىل جازالايدى، جازاسىن جەڭىلدەتەدى، قىلمىسى ءبىرشاما جەڭىل بولسا، جازادان كەشىرىم ەتەدى. ۋاقىتى وتكەنگە دەيىن ءوزىن مالىمدەمەگەندەر قارۋ - جاراق، وق – ءدارى، جارىلعىش زاتتاردى تاپسىرىپ بەرۋدەن باس تارتسا، بايقالعان زامان زاڭ بويىنشا قاتاڭ جازالانادى. حابارلاندىرۋدا باسقالاردىڭ مىلتىققا، جارىلعىش زاتتارعا ساياتىن جاعدايىن اشكەرەلەپ ەڭبەك كورسەتكەندەرگە زاڭ بويىنشا جەڭىل جازا بەرىلەدى نەمەسە جازاسى جەڭىلدەتىلەدى دەلىندى، مۇنىڭ ىشىندە ەلەۋلى ەڭبەك كورسەتكەندەردىڭ زاڭ بويىنشا جازاسى جەڭىلدەتىلەدى نەمەسە جازاسى كەشىرىلەدى. حالىق سوت مەكەمەسى دەلونى قاراعان كەزدە، حابارلاندىرۋداعى بەلگىلەمە بويىنشا زاڭ بويىنشا ساياساتتى تياناقتاندىرادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
