قازىنا مينيسترلىگى 20 ميلليون يۋان قارجى بوساتىپ، شينجياڭنىڭ قۋاڭشىلىققا قارسى اتتانىپ، اپاتتان قۇتقارۋ قىزمەتىنە قولداۋ كورسەتتى
2023.08.28 13:47 كەلۋ قاينارى : حالىق تورابى
ءتىلشىنىڭ شينجياڭ ۇيعۇر اۆتونوميالى رايوندىق قازىنا مەڭگەرمەسىنەن ۇعىسۋىنشا، تاياۋدا قازىنا مينيسترلىگى ورتالىقتىڭ جاراتىلىستىق اپاتتان قۇتقارۋ قارجىسىنان 20 ميلليون يۋاندى شۇعىل بوساتىپ، شينجياڭنىڭ قۋاڭشىلىققا قارسى اتتانىپ، اپاتتان قۇتقارۋ قىزمەتىن ورىستەتۋىنە قولداۋ كورسەتكەن.
بۇل قاراجات شۇعىل جاعدايعا توتەپ بەرەتىن سۋدى ساقتاۋ، تازالاۋ، سۋمەن قامداۋ اسپاپتارىن ساتىپ الۋعا، مايعا الۋعا جۇمسالىپ، ادامداردى ۇيىمداستىرىپ قالا – اۋىل تۇرعىندارىنىڭ تۇرمىسقا ىستەتىلەتىن سۋ قاتارلىلارىنا كەپىلدىك ەتىپ، شينجياڭداعى اپاتقا ۇشىراعان وڭىرلەردەگى قالا – اۋىل تۇرعىندارىنىڭ سۋ ىستەتۋ قيىنشىلىعىن شەشەدى.
تاياۋدا، شينجياڭ ۇيعۇر اۆتونوميالى رايوندىق قازىنا مەڭگەرمەسى شينجياڭ ۇيعۇر اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسى سياقتى تاراۋلارمەن بىرگە قۋاڭشىلىققا قارسى اتتانىپ، اپاتتان قۇتقارۋدى تياناق ەتىپ، ولقىلىقتاردى تولىقتاۋعا، ءالسىز تۇستاردى كۇشەيتۋگە كۇش سالىپ، بۇكىل شينجياڭنىڭ قۋاڭشىلىققا قارسى اتتانۋداعى حاۋىپسىزدىك كومەسكى قاتەرى سياقتىلاردى ءبىر ـ بىرلەپ تەكسەرىپ، قارجى ءبولۋ جوباسىن جەدەل جاساپ، قۋاڭشىلىققا قارسى اتتانىپ، اپاتتان قۇتقارۋدا ”ٴبىرىنشى جۇرىستەن“ ۇتۋعا كۇش سالىپ، قارجىنىڭ تياناقتاناتىن ”شەشۋشى ٴتۇيىنىن“ مىقتى يگەرىپ، قارجىنىڭ پايدالانۋدا ناقتى ونىمدىلىككە قول جەتكىزۋگە كەپىلدىك ەتەدى.
شينجياڭ ۇيعۇر اۆتونوميالى رايوندىق قازىنا مەڭگەرمەسى جاراتىلىستىق بايلىق جانە ەكولوگيالىق ورتا باسقارماسىنىڭ باستىعى تيان يۇيشيننىڭ تانىستىرۋىنا قاراعاندا، قازىنا مينيسترلىگى حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ”ەكىگە تاباندى بولۋ، ۇشكە بۇرىلىس جاساۋ“ سىندى اپاتتان ساقتانۋ، اپات زيانىن ازايتۋ، اپاتتان قۇتقارۋ جاڭا ۇستانىمىن باتىل امالياتتا ايگىلەپ، شينجياڭنىڭ قۋاڭشىلىققا قارسى اتتانىپ، اپاتتان قۇتقارۋ قىزمەتىن ۇيىمداستىرىپ ورىستەتۋىن بار كۇشپەن قولداپ، پارتيا ورتالىق كوميتەتىنىڭ، مەملەكەتتىك كەڭەستىڭ شينجياڭ حالقىنا دەگەن شىنايى قامقورلىعىن ايگىلەگەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
