العىس ايتا ەكپىندەي ىلگەرىلەپ، وڭايلىقپەن كەلمەگەن قوعام ورنىقتىلىعى جاعدايىن بەكەمدەيمىز
− باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزى بۇكىل رايوندا قىزۋ اڭىس قوزعادى
□ انار بۇلت \ شينجياڭ گازەتىنىڭ تىلشىلەرى
2023.08.29 16:20 كەلۋ قاينارى : شينجياڭ گازەتى
كۇز باسىنداعى شينجياڭ، اسپان شايداي اشىق، بار الاپتان تىنىشتىق، جاراسىمدىلىق لەبى ەسەدى.
8 - ايدىڭ 26 - كۇنى باس شۋجي شي جينپيڭ بريكس ەلدەرى باسشىلارىنىڭ 15 - رەتكى ديدارلاسۋىنا قاتىناسىپ ءارى وڭتۇستىك افريكاداعى مەملەكەتتىك ساپارىن اياقتاتىپ، ەلگە قايتىپ كەلگەننەن كەيىن، ۇرىمجىدە اۆتونوميالى رايوندىق پارتكوم مەن ۇكىمەتتىڭ، بيڭتۋاننىڭ قىزمەت مالىمەتىن ارنايى تىڭدادى ءارى ماڭىزدى ءسوز سويلەدى. باس شۋجيدىڭ شينجياڭ قىزمەتىنە ءمان بەرۋى، كوڭىل ءبولۋى، شينجياڭداعى ءار ۇلت كادر - بۇقاراسىنا تەرەڭ سۇيىسپەنشىلىگى مەن قامقورلىعى، كورىكتى شينجياڭ قۇرۋ جونىندەگى ىقىلاستى تىلەگى بۇكىل شينجياڭداعى ءار ۇلت كادر - بۇقاراسىن ايرىقشا شابىتتاندىرىپ، بارىنشا جىگەرلەندىردى.
كوپشىلىك ءبىر اۋىزدان مىنانى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن تەرەڭ ءتۇسىنىپ، جاڭا جورىقتا تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، ورنىقتىلىق ارقىلى دامۋعا شىنايى كەپىلدىك ەتىپ، دامۋ ارقىلى ورنىقتىلىقتى جەبەپ، وڭايلىقپەن كەلمەگەن قوعام ورنىقتىلىعى جاعدايىن بەكەمدەيمىز.
ورنىقتىلىقتى يگەرۋ مەن دامۋدى جەبەۋدى ءبىر تۇتاس جوسپارلاۋدى كۇشەيتەمىز
”بۇگىن تۇستەن بۇرىن شينجياڭ 14 - كەزەكتى سپورت جارىسى بۇقارالىق باسەكەسىنىڭ تاس جول ۆەلوسيپەد جارىسى (قاشقار قالاسى بەكەتى) قيمىلى قاراستى ءوڭىردىڭ حالىق الاڭىندا باستالدى، سان مىڭ ادام جارىسقا قاتىناسىپ، تاماشالاعان جۇرتشىلىق ونان دا كوپ بولدى“، - دەدى 8 - ايدىڭ 27 - كۇنى قاشقار قالالىق قوعام حاۋىپسىزدىگى مەكەمەسى وستەڭبويى ساقشى بولىمشەسىنىڭ باستىعى شىن گۇيشۋاڭ.
ساقشى بولىمشەسىنە قاراستى اۋماقتاعى قاشقار بايىرعى قالاسى كورىنىس وڭىرىندە قاۋىرت كەزدە ساياحاتشىلار كۇنىنە 150 مىڭعا (رەت) جەتەدى، ءتۇن ورتاسى بولسا دا، ساياحاتشىلار شاتتىق كۇلكىسىنە ەلىتەدى. ساقشى بولىمشەسىنىڭ حالىق ساقشىسى قولعاناتتارى قاۋىرت كەزدە تۇيىندە كۇزەتتە تۇرىپ، سايابىر كەزدە جەلى بويىنشا شارلاۋ جۇرگىزىپ، ساقشىعا كەزدەسۋ مولشەرىن، ءىس باسقارۋ مولشەرىن جوعارىلاتىپ، تىنىشتىقتى، جاراسىمدىلىقتى قورعادى.
باس شۋجي: ورنىقتىلىق ارقىلى دامۋعا شىنايى كەپىلدىك ەتۋ، دامۋ ارقىلى ورنىقتىلىقتى جەبەۋ كەرەك، - دەپ باسا دارىپتەدى. بۇل نەگىزگى ساتىداعى حالىق ساقشىلارىنىڭ قۇلشىنىسىنىڭ بەتالىسى مەن ءمانىن اناعۇرلىم ايقىنداي ءتۇستى. ”ءبىز باس شۋجيدىڭ تالابى بويىنشا قوعام ورنىقتىلىعىن قورعاۋدى ماڭداي الدى ورىنعا قويىپ، قاراستى اۋماقتاعى حاۋىپ - قاتەرلەردى، كومەسكى كىناراتتاردى تىڭعىلىقتى تۇردە ءبىر - بىرلەپ تەكسەرىپ، حالىقتى وزەك ەتۋگە تاباندى بولىپ، ساياحاتشىلار مەن تۇرعىندارعا ويداعىداي قىزمەت ەتىپ، ءومىردى اناعۇرلىم كوركەم ەتەمىز“، - دەدى شىن گۇيشۋاڭ.
حوتان ايماعى شينجياڭنىڭ ”وڭتۇستىك قاقپاسىنا“ ورنالاسقان، قوعامنىڭ ۇزدىكسىز جاراسىمدىلىعىن، ورنىقتىلىعىن ىلگەرىلەتۋ بۇكىل شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋ كەلەلى جاعدايىنا سايادى.
حوتان اۋداندىق پارتكومنىڭ ورىنباسار شۋجيى، اۋدان اكىمى ماحمۇت مامۇت بىلاي دەدى: ”ءبىز كەن ونىمدەرى، جەمىس، كوكونىس، مال شارۋاشىلىعى سياقتى باسىمدىققا يە كاسىپ سالالارىن تياناق ەتىپ، زورايتىپ، الۋەتتەندىرىپ، ساپالىلاندىرىپ، قۇنتتاپ، دامۋ ارقىلى قوعام ورنىقتىلىعىن، ۇلتتار ىنتىماعىن جەبەيتىن تاماشا جاعداي قالىپتاستىرامىز“.
”باس شۋجي شي جينپيڭنىڭ ماڭىزدى ءسوزى ءبىزدىڭ قىزمەتتەردى ونان ارى ويداعىداي ىستەۋىمىزگە ءتۇبىرلى بويسۇنۋ ولشەمىن ازىرلەپ، العا باسۋ بەتالىسىن ايقىنداپ بەردى، ءبىز شىن مانىندە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتاپ تياناقتاندىرامىز“. التاي ايماقتىق پارتكوم ساياسي - زاڭ كوميتەتىنىڭ ۇنەمىلىك ىستەرگە جاۋاپتى ورىنباسار شۋجيى جاڭ حۇي مىنانى ءبىلدىردى: شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، دامۋ مەن ورنىقتىلىق سىندى ەكى كەلەلى ءىستى ءبىر تۇتاس جوسپارلاپ، نازاردى جوعارى ساپالى دامۋ سىندى وسى ماڭداي الدى مىندەتكە شوعىرلاندىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن جەدەل ىلگەرىلەتىپ، زاڭمەن باسقارىلاتىن شارۋاشىلىق - ساۋدا ورتاسىن كۇش سالا قالىپتاستىرىپ، ەكونوميكانىڭ، قوعامنىڭ جوعارى ساپالى دامۋى ءۇشىن حاۋىپسىز، ورنىقتى قوعامدىق ورتانى قۇلشىنا جاراتامىز.
ورنىقتىلىقتىڭ زاڭمەن باسقارىلۋ نەگىزىن بەكەمدەيمىز
باس شۋجي: باياندى تىنىشتىقتى كوزدە ۇستاپ، زاڭمەن باسقارۋ تۋىن بيىك ۇستاپ، زاڭ قارۋىنان ويداعىداي پايدالانىپ، زاڭمەن باسقارۋ دەڭگەيىن جوعارىلاتىپ، ورنىقتىلىقتىڭ زاڭمەن باسقارۋ نەگىزىن بەرىك قالاۋ كەرەك، - دەپ اتاپ كورسەتتى.
”باس شۋجيدىڭ ماڭىزدى ءسوزى ءبىزدىڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرۋىمىز، تياناقتاندىرۋىمىز جونىنەن شوعىرلى كوزدەن كەشىرۋ، ونان دا ماڭىزدىسى، ’ەكى كەلەلى جاعدايدى‘ كوزدە ۇستاپ، جاڭا داۋىردەگى جاڭا جورىقتا كورىكتى شينجياڭدى قۇلشىنا قۇرۋعا جۇمىس باسىندا جەتەكشىلىك ەتۋ“. باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنگەننەن كەيىن، اۆتونوميالى رايوندىق پارتكوم ساياسي - زاڭ كوميتەتىنىڭ ورىنباسار شۋجيى ما گوچياڭ قاباعات جەلپىندى.
ما گوچياڭ مىنانى ءبىلدىردى: تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، شينجياڭنىڭ ساياسي - زاڭ، ورنىقتىلىقتى قورعاۋ قىزمەت ءىس جۇزىندىگىمەن تىعىز ۇشتاستىرىپ، باياندى تىنىشتىقتى كوزدە ۇستاپ، زاڭمەن باسقارۋ تۋىن بيىك ۇستاپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتۋ، ەلەۋلى حاۋىپ - قاتەرلەردەن، كومەسكى كىناراتتاردان ساقتانۋ، قاتاڭ سوققى بەرۋ كۇرەسىن تەرەڭدەتۋ، قوعامدىق جاقتا جالپى تۇلعالىق ساقتانۋ، مەڭگەرۋ سياقتى جاقتاردا ۇزدىكسىز كۇش سالىپ، ۇزاق ۋاقىت ۇلەس قوسىپ، اناعۇرلىم جوعارى ورەدەگى تىنىش شينجياڭ، زاڭمەن باسقارىلاتىن شينجياڭ قۇرۋ ارقىلى كورىكتى شينجياڭ قۇرۋعا اناعۇرلىم بەرىك نەگىز، باياندى قوزعاۋشى كۇش، ءادىل دە ادىلەتتى ورتا ازىرلەيمىز.
جۋىقتا ءۇرىمجى قالاسى ميدۇڭ رايوندىق حالىق ۇكىمەتى شينجياڭ شىفان داشۋەسىنىڭ ساياسي - زاڭ شۋەيۋانىمەن مەكتەپ - جەرگىلىكتى ورىن سەلبەستىگى كەلىسىمىن جاساسىپ، بايلىقتان ورتاق پايدالاناتىن، تۇعىردى بىرگە قۇراتىن جانە تاقىرىپتى بىرگە اشاتىن سەلبەستىك ارناسىن قالىپتاستىرىپ، نەگىزگى ساتىدا زاڭ بويىنشا بيلىك جۇرگىزۋ، قوعامدىق باسقارۋ، ۇشقارىلىقتى الاستاۋ سياقتى قىزمەتتەردى ونان ارى ىشكەرىلەي زەرتتەپ، نەگىزگى ساتىداعى زاڭمەن باسقارۋ امالياتىن ىلگەرىلەتتى.
باس شۋجيدىڭ تاپسىرماسىن ەستە بەرىك ساقتاعان شينجياڭنىڭ ءار دارەجەلى حالىق ۇكىمەتتەرى زاڭمەن باسقارىلاتىن ۇكىمەت قۇرىلىسىن زور كۇشپەن ىلگەرىلەتىپ، زاڭمەن باسقارۋ ورەسىن جوعارىلاتتى. ”مەيلى ورنىقتىلىقتى قورعاۋ، ءوندىرىس حاۋىپسىزدىگى، الدە ەكونوميكانىڭ دامۋى، قالا قۇرىلىسى، حالىق تۇرمىسىن قامتاماسىزداندىرۋ بولسىن، ءبىز بارلىعىندا زاڭمەن باسقارۋ ويىن قولدانىپ، ماسەلەلەرگە وي جۇگىرتۋگە، ءىس بىتىرۋگە، شەشىم جاساۋعا تاباندى بولۋىمىز كەرەك“، - دەدى ءۇرىمجى قالاسى ميدۇڭ رايوندىق ءادىليا مەكەمەسىنىڭ باستىعى لي شياۋبيڭ.
”سوتشى رەتىندە، مەن زاڭ بويىنشا ءار ءتۇرلى دەلولاردى ۇيلەسىمدى قاراپ، جوعارى ساپالى دامۋعا قىزمەت وتەۋ جاعىندا ناقتى كۇش سالۋعا، قوعام ورنىقتىلىعىن قورعاۋ جاعىندا ناقتى ونىمدىلىك كورسەتۋگە، حالىق تۇرمىسىن قامتاماسىزداندىرۋ مەن جاقسارتۋ جاعىندا ناقتى ءىس بىتىرۋگە تاباندى بولىپ، بۇقاراعا شىن مانىندەگى ادىلدىكتى، ادىلەتتىلىكتى سەزىندىرىپ، ادىلدىكتى، ادىلەتتىلىكتى اسقاقتاتۋ امالياتى بارىسىندا جاڭا جورىقتا ەكپىندەي ىلگەرىلەپ، جاڭا داۋىردە ۇلەس قوسامىن“، - دەدى اۆتونوميالى رايوندىق جوعارى دارەجەلى حالىق سوتى مەكەمەسى ازاماتتىق ىستەر 1 - سوتحاناسىنىڭ ورىنباسار باستىعى ابىلا ماحسۇت تەبىرەنىپ.
كەشەندى شارا اتقارىپ، تىنىشتىق كۇشىن ۇيىستىرامىز
كەزەكتە شينجياڭنىڭ قوعامدىق كەلەلى جاعدايى ورنىقتى، حالىق تىنىش ءومىر، شات - شادىمان تىرشىلىك كەشىرىپ، تيانشان الابىندا تىنىش تا بەرەكەلى، قارىشتاپ دامىعان جاڭا بەينە جارىققا شىعىپ، جوعارى ساپالى دامۋدىڭ ماڭىزدى وراي مەزگىلىن قارسى الدى.
باس شۋجي شي جينپيڭ بىلاي دەپ باسا دارىپتەدى: تاۋقىمەت تانىمىن كۇشەيتىپ، زەينەتتى كۇندە بەينەتتى كۇننىڭ بولارىن ويلاپ، ءتۇرلى قىزمەتتەردى ەگجەي - تەگجەيلى، تىڭعىلىقتى يگەرىپ، وڭايلىقپەن كەلمەگەن قوعام ورنىقتىلىعى جاعدايىن بەكەمدەۋ كەرەك.
”حالىق قۇرىلتايى ۋاكىلدەرى حالىقتان شىققان، حالىققا تامىر تارتقان، حالىق بۇقاراسىمەن تىعىز بايلانىس جاسايتىن باسىمدىققا يە“. اۆتونوميالى رايوندىق حالىق قۇرىلتايى تۇراقتى كوميتەتى ۋاكىلدەر - كادرلار قىزمەتى كوميتەتى ۋاكىلدەرمەن بايلانىس جاساۋ باسقارماسىنىڭ باستىعى لۋ رۇڭان بىلاي دەدى: جاڭا داۋىردەگى پارتيانىڭ شينجياڭدى باسقارۋ جالپى جوباسى بويىنشا ءار دارەجەلى حالىق قۇرىلتايى ۋاكىلدەرىنىڭ ۇلكەن ۇگىت لەكسيا قيمىلىن ۇدايى، ۇزاق ءونىمدى، جاڭالىق اشا ويداعىداي ورىستەتىپ، ”10 مىڭ ۋاكىل 10 مىڭ وتباسىنا بارۋ“ نەگىزگى تاقىرىپتىق امالياتتىق قيمىلىن تەرەڭدەتىپ، قالا، اۋىلدى قامتىعان، قىستاق، الەۋمەتتىك اۋماققا كەڭەيگەن 5366 ۋاكىلدەر ”وتاۋىنىڭ، كەڭسەسىنىڭ، پۋنكتىنىڭ“ رولىن ويداعىداي ساۋلەلەندىرەمىز.
لۋ رۇڭان بىلاي دەدى: ءار دارەجەلى حالىق قۇرىلتايى ۋاكىلدەرىن ءار ۇلت بۇقاراسىن پارتيانىڭ سوزىنە قۇلاق اسۋعا، پارتياعا العىس ايتۋعا، پارتياعا ىلەسۋگە ىنتىماقتاستىرۋعا، باستاۋعا ۇيىمداستىرىپ، جۇمىلدىرىپ، زاڭ بويىنشا كەڭەستىك جوبا، ۇسىنىس قويىپ، باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتىپ، نەگىزگى ساتىنىڭ قايشىلىقتاردى، داۋ - شارلاردى شەشۋىنە، ەلەۋلى حاۋىپ - قاتەرلەردەن، كومەسكى كىناراتتاردان ساقتانۋ، جويۋ مەحانيزمىن كەمەلدەندىرۋىنە سايكەسىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋعا حالىق قۇرىلتايى ۋاكىلدەرىنىڭ بەلسەندى ۇلەسىن قوسامىز.
”شاعىن اۋماعىمىزدا وتباسى از، وتكىزىپ الىپ باسقارۋدى قالايتىن قوجالىق سەرىكتەستىكتەر جوق بولعاندىقتان، تازالىق ورتاسى لاس، بىلىققان، ناشار ەدى. الەۋمەتتىك اۋماقتا قوجالىق سەرىكتەستىگى قۇرىلعاننان باستاپ ورتا جاقساردى، ءبىز دە قاراستىلىق سەزىمىنە يە بولدىق“. چارقىلىق اۋدانى چارقىلىق قالاشىعى لوۋلان الەۋمەتتىك اۋماعى جياحى حۋافۋ ”بۇقارا ءىس ايتۋ تۇيىنىندە“ تۇرعىن حى شياۋتيڭ وسىلاي دەدى.
بۇل چارقىلىق اۋدانىنىڭ ”پارتيا قۇرىلىسى ارقىلى جەتەكشىلىك ەتەتىن، ياچەيكا ىلگەرىلەتەتىن، بۇقارا ات سالىساتىن، بىرگە قۇرىپ، بىرگە يگىلىكتەنەتىن“ الەۋمەتتىك اۋماقتىڭ نەگىزگى ساتىنى باسقارۋىنىڭ جاڭا جولىنا ىزدەنىس جاساۋىنىڭ ارقاسى. چارقىلىق اۋداندىق پارتكوم ۇيىمداستىرۋ ءبولىمىنىڭ ورىنباسار باستىعى رىن حۇڭليڭ بىلاي دەدى: نەگىزگى ساتىنىڭ قوعامدىق باسقارۋىن وسىزامانداندىرۋدى ۇزدىكسىز ىلگەرىلەتىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن ويداعىداي شەشىپ، بۇقاراعا شىنايى سۇيەنە وتىرىپ ۇلتتار ىنتىماعىن بىرگە نىعايتىپ، قوعام ورنىقتىلىعىن قورعاپ، ادىلدىكتى، ادىلەتتىلىكتى جەبەپ، وركەنيەتتى جاڭا سالت ورناتامىز.
”شينجياڭ پارتيانىڭ ۇلت، ءدىن ساياساتىن مۇقيات دايەكتىلەندىرىپ، ءدىني قايراتكەرلەر مەن دىنگە سەنەتىن بۇقاراعا كوڭىل ءبولىپ، قامقورلىق جاساپ، ءدىني قيمىل ورىندارىنىڭ شارت - جاعدايىن كۇش سالا جاقسارتىپ، ءدىني قايراتكەرلەر مەن دىنگە سەنەتىن بۇقارانىڭ قالىپتى ءدىني قيمىلىن تولىق قامتاماسىز ەتىپ، قالىڭ وتانشىل ءدىني قايراتكەرلەر مەن دىنگە سەنەتىن بۇقاراعا ايرىقشا مەيىردى سەزىندىردى“، - دەدى شينجياڭ ءىسلام ءدىنى قوعامىنىڭ باستىعى، شينجياڭ ءىسلام ءدىنى شۋەيۋانىنىڭ باستىعى ابدۇرىقىپ ءتومۇرنياز.
ابدۇرىقىپ ءتومۇرنياز مىنالاردى ءبىلدىردى: يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن دەرەۋ بىرلىككە كەلتىرىپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، وزىندىك قۇرىلىستى ۇزدىكسىز كۇشەيتىپ، ءدىننىڭ اقاۋسىز دامۋىن جۇزەگە اسىرىپ، ءدىندى سوتسياليستىك قوعامعا ۇيلەستىرەمىز.
(ءتىلشى سۇي يۇنيان، قاتىناسقان تىلشىلەر پەريزات ابدۇل، جاڭ تيڭ، ۋاڭ نا، ياڭ شۋحان، يان شياۋتيان، جاڭ لەي، دۋ جيانحۇي، ميھىرگۇل عوپۇر)
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
