وڭايلىقپەن كەلمەگەن قوعام ورنىقتىلىعى جاعدايىن بەكەمدەيىك
− باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە
□ گازەتىمىزدىڭ شولۋشىسى
2023.08.30 16:39 كەلۋ قاينارى : شينجياڭ گازەتى
ىرىستى دا كورىكتى شينجياڭ الدىمەن جاراسىمدى دا ورنىقتى شينجياڭ بولۋى كەرەك.
8 - ايدىڭ 26 - كۇنى باس شۋجي شي جينپيڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداپ ءارى ماڭىزدى ءسوز سويلەپ بىلاي دەپ باسا دارىپتەدى: ”تاۋقىمەت تانىمىن كۇشەيتىپ، زەينەتتى كۇندە بەينەتتى كۇننىڭ بولارىن ويلاپ، ءتۇرلى قىزمەتتەردى ەگجەي - تەگجەيلى، تىڭعىلىقتى يگەرىپ، وڭايلىقپەن كەلمەگەن قوعام ورنىقتىلىعى جاعدايىن بەكەمدەۋ كەرەك“. باس شۋجي ماڭىزدى سوزىندە شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە عىلمي باعدارناما ازىرلەپ، ءبىزدىڭ جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋىمىزعا ءتۇبىرلى بويسۇنۋ ولشەمىن ازىرلەدى.
ەجەلدەن بەرى شەكارا ءوڭىر ورنىقتى بولسا، مەملەكەت تىنىش بولعان؛ شەكارا ءوڭىر بىلىقسا، مەملەكەتتىڭ تىنىش بولۋى قيىنعا تۇسكەن. شينجياڭنىڭ قوعام ورنىقتىلىعى مەن باياندى تىنىشتىعى بۇكىل ەلدىڭ رەفورما، دامۋ، ورنىقتىلىق كەلەلى جاعدايىنا سايادى، وتاننىڭ تۇتاستىعىنا، ۇلتتار ىنتىماعىنا، مەملەكەت حاۋىپسىزدىگىنە سايادى، جۇڭحۋا ۇلتىنىڭ ۇلى گۇلدەنۋىنە سايادى، كەلەلى رەال مانگە جانە ۇزاق ستراتەگيالىق مانگە يە. باس شۋجي شي جينپيڭ 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە: ”قوعام ورنىقتىلىعى مەن باياندى تىنىشتىق − شينجياڭ قىزمەتىنىڭ باس نىساناسى“ دەپ ايقىن اتاپ كورسەتتى، بۇل پارتيا ورتالىق كوميتەتىنىڭ شينجياڭنىڭ جاعدايى مەن بۇكىل ەلدىڭ كەلەلى جاعدايىنا نەگىزدەلىپ شىعارعان كەلەلى ستراتەگيالىق تۇجىرىمى بولىپ، جاڭا جاعدايداعى شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنىن ايقىندادى؛ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ بىلاي دەپ باسا دارىپتەدى: شينجياڭ قىزمەتى باس نىساناسىن مىقتاپ يگەرىپ، شينجياڭنىڭ قوعامدىق كەلەلى جاعدايىنىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاۋ كەرەك؛ بىلتىر 7 - ايدا باس شۋجي شينجياڭعا كەلىپ قىزمەتتەردى كوزدەن كەشىرگەندە بىلاي دەپ باسا دارىپتەدى: ورنىقتىلىقتى قورعاۋ قىزمەتىنىڭ زاڭمەن باسقارىلۋىن، ۇدايىلانۋىن ىلگەرىلەتۋ كەرەك. ورنىقتىلىق بولماسا، بارلىق ءىس بوس سوزگە اينالادى، مەيلى وتكەندە نەمەسە بولاشاقتا بولسىن، ورنىقتىلىق − باستان - اياق شينجياڭنىڭ دامۋىنىڭ، گۇلدەنۋىنىڭ جان تامىرى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك ەتۋگە تاباندى بولىپ، شينجياڭدى زاڭمەن باسقارۋعا، ۇستىنەن وڭاۋ مەن تۇبىرىنەن وڭاۋدى قاتار يگەرۋگە، كەشەندى شارا قولدانۋعا تاباندى بولىپ، شينجياڭدا زورلىقتى كۇش لاڭكەستىك قيمىلدارى كوپ تۋىلاتىن، ءجيى تۋىلاتىن جاعدايدى وزگەرتىپ، قوعامدىق كەلەلى جاعدايدىڭ ءۇرتىس ورنىقتى بولۋىنا شىنايى كەپىلدىك ەتىپ، ءار ۇلت بۇقاراسىنىڭ باقىت، تىنىشتىق جونىندەگى ارمانىن جۇزەگە اسىردى، تيانشان الابىندا تىنىش تا بەرەكەلى، قارىشتاپ دامىعان جاڭا بەينە جارىققا شىعىپ، ءار ۇلت كادر، بۇقاراسىنىڭ جىگەر - قايراتى تاسقىنداپ، كوكىرەگىن اسقاق سەزىم كەرنەپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازدى.
ءىس قانشالىقتى ۇلى بولعان سايىن، حاۋىپ - قاتەر، سىن - سايىس سولعۇرلىم كوپ بولىپ، حاۋىپسىز، ورنىقتى قوعامدىق ورتانى سولعۇرلىم قاجەت ەتەدى. شينجياڭ جونىنەن ايتقاندا، دامۋ مەن ورنىقتىلىق ”ويداعىداي ءبىر جايلى ەتۋگە بولا ما، جوق پا“ دەيتىن تاڭداۋ سۇراۋى ەمەس، قايتا ”قايتكەندە ويداعىداي ءبىر جايلى ەتۋگە بولادى“ دەيتىن، ءسوز جوق، جاۋاپ بەرەتىن سۇراۋ.
وڭايلىقپەن كەلمەگەن قوعام ورنىقتىلىعى جاعدايىن بەكەمدەۋدە قوعام ورنىقتىلىعىن قورعاۋدى باستان - اياق ماڭداي الدى ورىنعا قويىپ، ورنىقتىلىقتى يگەرۋ مەن دامۋدى جەبەۋ سىندى ەكى جاقتاعى قىزمەتتى ءبىر تۇتاس جوسپارلاپ ۇشتاستىرۋدى كۇشەيتىپ، ورنىقتىلىق ارقىلى دامۋعا شىنايى كەپىلدىك ەتۋ، دامۋ ارقىلى ورنىقتىلىقتى جەبەۋ كەرەك. باياندى تىنىشتىقتى كوزدە ۇستاپ، زاڭمەن باسقارۋ تۋىن بيىك ۇستاپ، زاڭ قارۋىنان ويداعىداي پايدالانىپ، زاڭمەن باسقارۋ دەڭگەيىن جوعارىلاتىپ، ورنىقتىلىقتىڭ زاڭمەن باسقارۋ نەگىزىن بەرىك قالاۋ كەرەك. ەلەۋلى حاۋىپ - قاتەرلەردەن، كومەسكى كىناراتتاردان ساقتانۋ جانە ونى جويۋ مەحانيزمىن كەمەلدەندىرىپ، لاڭكەستىككە قارسى تۇرۋ، بولشەكتەۋشىلىككە قارسى تۇرۋ كۇرەسىن ورىستەتۋدى ورنىقتىلىقتى قورعاۋ قىزمەتىنىڭ زاڭمەن باسقارىلۋىن، ۇدايىلانۋىن ىلگەرىلەتۋمەن ۇشتاستىرىپ، ۇستىنەن وڭاۋ مەن تۇبىرىنەن وڭاۋعا تەڭ ءمان بەرىپ، كەشەندى شارا قولدانۋعا تاباندى بولىپ، قاينارىنان جونگە سالۋدى كۇشەيتۋ كەرەك.ءىسلام ءدىنىن جۇڭگوشالاندىرۋدى ىشكەرىلەي ىلگەرىلەتىپ، ءتۇرلى زاڭسىز ءدىني قيمىلداردى ءونىمدى جونگە سالۋ كەرەك. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا، بەيبىت كۇندە دە بەيعام بولماي، تىنىش كەزدە دە بىلىقپالىقتان ساقتانۋدى ەستەن شىعارماي، ساقتىق دابىلىن ۇزاق قاعىپ، قىراعىلىقتى ساقتاعاندا عانا، وڭايلىقپەن كەلمەگەن قوعام ورنىقتىلىعى جاعدايىن ويداعىداي بەكەمدەۋگە، سوندا عانا جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتىپ، كورىكتى شينجياڭدى اناعۇرلىم ويداعىداي قۇرۋعا قورعان بولۋعا بولادى.
شينجياڭ قىزمەتى مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ كەلەلى جاعدايىنا سايادى. شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ جاۋاپكەرشىلىگى تايشان تاۋىنان دا سالماقتى. ءبىز جاڭا داۋىردەگى پارتيانىڭ شينجياڭدى باسقارۋ جالپى جوباسى جونىندەگى تۇسىنىگىمىز بەن تانىمىمىزدى ۇزدىكسىز تەرەڭدەتىپ، ءاردايىم قام جەپ تۇراتىن جاۋاپكەرشىلىك سەزىم مەن بەلسەندىلىكپەن جاۋاپكەرشىلىك ارقالاپ ىسكەرلىك كورسەتەتىن جىگەر - قايراتتى كۇشەيتىپ، شينجياڭ قىزمەتى باس نىساناسىن مىقتاپ يگەرىپ، وڭايلىقپەن كەلمەگەن قوعام ورنىقتىلىعى جاعدايىن ويداعىداي بەكەمدەپ، جۇڭگو ۇلگىسىندەگى وسىزامانداندىرۋ بارىسىندا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى اناعۇرلىم ويداعىداي قۇرۋىمىز كەرەك.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
