ادام باسىنا تۋرا كەلەتىن قازىنالىق قوسىمشا قاراجات ولشەمىنە تاعى 30 يۋان قوسىلدى، بيىل شينجياڭنىڭ قالا، اۋىل تۇرعىندارىنىڭ ەمدەۋ قامسىزداندىرۋىنا قارجى توپتاۋ ولشەمى 1020 يۋانعا جوعارىلاتىلادى
2023.08.30 16:12 كەلۋ قاينارى : حالىق تورابى
ءتىلشىنىڭ شينجياڭ ۇيعۇر اۆتونوميالى رايوندىق ەمدەۋدى قامتاماسىزداندىرۋ مەكەمەسىنەن ۇعىسۋىنشا، بيىل شينجياڭنىڭ قالا، اۋىل تۇرعىندارىنىڭ نەگىزگى ەمدەۋ قامسىزداندىرۋىنا قارجى توپتاۋ ولشەمى 1020 يۋان بولىپ بەلگىلەنگەن، مۇنىڭ ىشىندە تۇرعىنداردىڭ ەمدەۋ قامسىزداندىرۋىنا ادام باسىنا تۋرا كەلەتىن قازىنالىق قوسىمشا قاراجات ولشەمىنە تاعى 30 يۋان قوسىلىپ، ءار ادامعا جىلىنا ورتا ەسەپپەن 640 يۋاننان تومەن بولمايدى، جەكەلەردىڭ تاپسىراتىن اقىسى بىردەي جوعارىلاپ، ءار ادامعا جىلىنا 380 يۋانعا جەتتى.
بەلگىلەمەگە ساي، ورتالىق قازىنا شينجياڭنىڭ جان باسىندىق قازىنالىق كومەك قاراجات ولشەمىن %80 تىك سالىستىرما بويىنشا بەرەدى، قالعان بولىگىن شينجياڭ ۇيعۇر اۆتونوميالى رايوندىق قازىنا مەن ايماق، اۋدان قازىناسى بىرگە كوتەرەدى. ءارقايسى ءبىرتۇتاس جوسپارلانعان رايوندار نەگىزگى ەمدەلۋدى قامسىزداندىرۋعا قارجى توپتاۋ جانە قالا - اۋىل تۇرعىندارىنىڭ سالماقتى ناۋقاستارىن قامسىزداندىرۋ اينالىم جاعدايىنا نەگىزدەلىپ، سالماقتى ناۋقاستاردى قامسىزداندىرۋ قارجىسىن ءبىرتۇتاس ورنالاستىرىپ، قارجى توپتاۋ ولشەمى مەن مامىلە دەڭگەيىنىڭ تومەندەمەۋىنە كەپىلدىك ەتەدى.
مامىلەنى قامتاماسىز ەتۋ ساياساتىن ساپالىلاندىرۋ ءۇشىن، شينجياڭ جالپىعا ءتيىمدى، تومەنگى شەكتەن تۇسىرمەي قامتاماسىز ەتۋدى كۇشەيتىپ، قامتاماسىز ەتۋدىڭ اناعۇرلىم دالمە – ءدال، جوعارى ءونىمدى بولۋىن جەبەيدى. تۇرعىنداردىڭ ەمدەۋ قامسىزداندىرۋىنداعى بالنيساعا جاتۋ مامىلەسى ساياسات كولەمىندە قور تولەۋ سالىستىرماسىنىڭ %70 اينالاسىندا ورنىقتى بولۋىنا كەپىلدىك ەتەدى، جوعارى قان قىسىم، قانتتى نەسەپ اۋرۋىنا امبالاتوريادا ءدارى ىستەتۋ ساياسات كولەمىندە تولەۋ سالىستىرماسى %50 تەن جوعارى بولۋعا كەپىلدىك ەتەدى. امبالاتوريادا سوزىلمالى ەرەكشە اۋرۋلاردى قامتاماسىزداندىرۋدى اقاۋسىزداندىرىپ، ءارقايسى جوسپارلانعان رايوندار اۋرۋ تۇرلەرىنىڭ ەرەكشەلىگىنە قاراي، جىلدىق ەڭ جوعارى تولەۋ شەگىن ۇيلەسىمدى بەلگىلەيدى ءارى ءبىرتۇتاس جوسپارلاۋ قورىنىڭ جىلدىق جيىنتىق ەڭ جوعارى تولەم شەگىنە ەنگىزەدى. سالماقتى ناۋقاستاردى قامسىزداندىرۋ، ەمدەۋ - قۇتقارۋ امبالاتورياسىنىڭ قامتاماسىزداندىرۋ فۋنكسياسىن كۇشەيتىپ، ساياسات كولەمىندەگى امبالاتوريا جوعارى سومالى ەمدەۋ قاراجاتىن سالماقتى ناۋقاستاردى قامسىزداندىرۋدىڭ ەرەجەگە ۇيلەسىمدى ەمدەۋ قاراجاتىن ەسەپتەۋ ولشەمىنە ەنگىزىپ، امبالاتوريا مەن بالنيساعا جاتىپ قۇتقارۋ قارجىسىن پايدالانۋدى ءبىرتۇتاس جوسپارلاپ، جىلدىق قۇتقارۋ - كومەك بەرۋ قارجى شەگىن ورتاق پايدالانادى.
نازاردى وقۋشىلار، بالالار جانە جاڭا تۋعان نارەستەلەر، جىلجىمالى حالىق سياقتى ءتۇيىندى ادامدار شوعىرى مەن شەشۋشى بۋىندارعا شوعىرلاندىرىپ، شينجياڭ قامسىزداندىرۋعا قاتىناسۋ اقىسىن تاپسىرۋ قىزمەت تەبىنىن ارتتىرىپ، قاتىناسۋعا تيىستىلەرىن مۇمكىندىگىنشە قاتىناستىرۋعا شىنايى كەپىلدىك ەتەدى. جەرگىلىكتى تۇرعىنداردىڭ ەمدەلۋىن قامسىزداندىرۋعا قونىستانۋ كۋالىگىمەن قاتىناسقاندارعا ءار دارەجەلى قازىنا جەرگىلىكتى تۇرعىنداردىڭ ۇقساس ولشەمى بويىنشا كومەك قاراجات بەرۋى كەرەك. قيىنشىلىعى بار بۇقارانىڭ قامسىزداندىرۋعا قاتىناسۋىندا قيىنشىلىعى بار بۇقاراعا قارجىلاي كومەك بەرۋ، قامسىزداندىرۋعا قاتىناسۋ اقىسىن تاپسىرۋ ساياساتىن تياناقتاندىرۋ كەرەك.
شينجياڭ ۇيعۇر اۆتونوميالى رايوندىق ەمدەۋدى قامتاماسىزداندىرۋ مەكەمەسى مامىلەنى قامتاماسىز ەتۋ باسقارماسىنىڭ جاۋاپتىسى بىلاي دەپ تانىستىردى: ەمدەۋ اقىسىنىڭ ارتۋىنا جانە نەگىزگى ەمدەۋ قاجەتىنىڭ جوعارىلاۋىنا ۇيلەسۋ، تۇرعىنداردىڭ ەمدەۋ قامسىزداندىرۋى مامىلە دەڭگەيىن بەكەمدەۋگە، جوعارىلاتۋعا قولداۋ كورسەتۋ ءۇشىن، شينجياڭ قالا، اۋىل تۇرعىندارىنىڭ نەگىزگى ەمدەۋ قامسىزداندىرۋىنا قارجى توپتاۋ ولشەمىن ۇزدىكسىز جوعارىلاتتى. شينجياڭ ۇيعۇر اۆتونوميالى رايوننىڭ ءار دارەجەلى ەمدەۋ قامسىزداندىرۋ تاراۋلارى قالا، اۋىل تۇرعىندارىنىڭ نەگىزگى ەمدەۋ قامسىزداندىرۋىنا شوعىرلى تۇردە قاتىناسۋ، اقى تاپسىرۋ قىزمەتىن ويداعىداي ىستەپ، جەلىدە ”ءبىر توراپ ارقىلى بارلىعىن ءبىتىرۋ“، جەلىدەن تىس ”ءبىر زال ارقىلى بىرلەسىپ ٴبىتىرۋ“ٴ، ” ءبىر بەكەتتىك ءبىتىرۋ“ قىزمەت وتەۋىن بەلسەنە ىلگەرىلەتىپ، كوپ ارنامەن حالىققا قولايلى قامسىزداندىرۋعا قاتىناسۋ اقىسىن تاپسىرۋ قىزمەت وتەۋ شاراسىمەن قامدايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
