مۇھاجىرلاردىڭ تىلەگىن، كۇش ـ قۋاتىن ۇيىستىرىپ، گۇلدەنۋدىڭ شۇعىلالى داستانىن جازايىق (باسماقالا)
− وتانعا ورالعان مۇھاجىرلاردىڭ، مۇھاجىرلاردىڭ تۋىس - تۋعاندارىنىڭ مەملەكەتتىك 11 - قۇرىلتايىنىڭ اشىلعانىن قۇتتىقتايمىز
2023.08.31 16:43 كەلۋ قاينارى : حالىق تورابى
وتانعا قايتقان مۇھاجىرلاردىڭ، مۇھاجىرلاردىڭ تۋىس ـ تۋعاندارىنىڭ مەملەكەتتىك 11 ـ قۇرىلتايى بۇگىن بەيجيڭدە اشىلدى. بۇل − بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنا قادام تاستاعان، ەكىنشى 100 جىلدىق كۇرەس نىساناسىنا جورىق جاساعان شەشۋشى ساتتە اشىلعان مۇھاجىرلار سالاسىنىڭ سالتاناتتى جينالىسى، وتانعا ورالعان بارلىق مۇھاجىرلار مەن ولاردىڭ تۋىس ـ تۋعاندارىنىڭ جانە شەتەلدەردەگى مۇھاجىر باۋىرلاستاردىڭ ساياسي ومىرىندەگى ءىرى ءىس، مۇھاجىرلار سالاسىنىڭ كۇشىن ۇيىستىرۋدا، ەل ءىشى ـ سىرتىنداعى جۇڭحۋا ۇلاندارىنىڭ ىنتىماقتاسا كۇرەس جۇرگىزۋىن جەبەۋدە ماڭىزدى مانگە يە.ءبىز ءماجىلىستىڭ اشىلعانىن قىزۋ قۇتتىقتايمىز!
پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جانە دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، سان ميلليونداعان حالىقتى ىنتىماقتاستىرىپ جانە باستاپ، قاتاڭ دا كۇردەلى حالىقارالىق جاعدايعا جانە ىركەس - تىركەس كەلگەن وراسان زور حاۋىپ - قاتەر مەن سىن - سايىسقا ءونىمدى توتەپ بەرىپ، پارتيا مەن مەملەكەت ىستەرىندە تاريحي جەتىستىككە قول جەتكىزۋدى، تاريحي وزگەرىس تۋىلۋىن ىلگەرىلەتىپ، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى. قۇلاشىن كەڭ جايعان جاڭا داۋىردە، وتانعا ورالعان قالىڭ مۇھاجىرلار، مۇھاجىرلاردىڭ تۋىس - تۋعاندارى جانە شەتەلدەردەگى مۇھاجىر باۋىرلاستار تاڭداۋلى ءداستۇردى ساۋلەلەندىرىپ، وتاندى ءسۇيىپ، مەكەندى ءسۇيىپ، جۇڭگو مەن شەتەلدەردى توعىستىرىپ، وتانمەن بىرگە ەكپىندەي ىلگەرىلەپ، حالىقپەن بىرگە كۇرەس جۇرگىزىپ، ءىس جۇزىندىك ارەكەتتەرى ارقىلى ”مۇھاجىرلار پارتياعا ىنتىعىپ، وتانعا قارىمجى قايتارادى“ دەيتىن اسەرلى تاراۋدى جازىپ، سەنىمدى، قۇدىرەتتى، ىنتىماقتاسا العا ۇمتىلاتىن اسقاق رۋحاني بەت - بەينەنى ايگىلەدى. اماليات وتانعا ورالعان مۇھاجىرلاردىڭ، مۇھاجىرلاردىڭ تۋىس - تۋعاندارىنىڭ جانە شەتەلدەردەگى مۇھاجىر باۋىرلاستاردىڭ ەلىمىزدىڭ وسىزامانداندىرۋ قۇرىلىسىنىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ ماڭىزدى كۇشى بولۋعا لايىق ەكەنىن تولىق دالەلدەدى.
پارتيا ورتالىق كوميتەتى وتانعا ورالعان بارلىق مۇھاجىرلاردىڭ، مۇھاجىرلاردىڭ تۋىس - تۋعاندارىنىڭ جانە شەتەلدەردەگى مۇھاجىر باۋىرلاستاردىڭ ەرەكشە رولىن ساۋلەلەندىرۋگە ەجەلدەن ءمان بەرىپ، وتانعا ورالعان مۇھاجىرلاردىڭ، مۇھاجىردىڭ تۋىس - تۋعاندارىنىڭ جانە شەتەلدەردەگى مۇھاجىر باۋىرلاستاردىڭ قىزمەتىن ويداعىداي ىستەۋگە ايرىقشا ءمان بەرىپ كەلەدى. جاڭا داۋىردەن بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى جالپى جاعداي جانە ستراتەگيالىق تۇرعىدان مۇھاجىرلار بىرلەستىگى رەفورماسىن ىلگەرىلەتۋ، مۇھاجىرلار ىستەرى رەفورماسىن تەرەڭدەتۋ، مۇھاجىرلار قىزمەتىن ويداعىداي ىستەۋ جونىندە ءبىرسىپىرا ماڭىزدى ورنالاستىرۋ جاساپ، ايقىن تالاپتار قويدى. باس شۋجي شي جينپيڭنىڭ مۇھاجىرلار قىزمەتى جونىندەگى ماڭىزدى پايىمداۋلارى جاڭا داۋىردەگى پارتيانىڭ مۇھاجىرلار قىزمەتىن ويداعىداي ىستەۋگە العا باسۋ بەتالىسىن كورسەتىپ، جاڭا داۋىردەگى مۇھاجىرلار بىرلەستىگى قىزمەتىنىڭ رەفورما جاساۋىنا، جاڭالىق اشۋىنا ءتۇبىرلى تياناق ازىرلەدى. پارتيا ورتالىق كوميتەتىنىڭ پارمەندى باسشىلىعىندا، وتانعا ورالعان مۇھاجىرلاردىڭ، مۇھاجىرلاردىڭ تۋىس - تۋعاندارىنىڭ مەملەكەتتىك 10 - قۇرىلتايىنان بەرى جۇڭگو مۇھاجىرلار بىرلەستىگى مەن ءار دارەجەلى وتانعا ورالعان مۇھاجىر بىرلەستىكتەرى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، باس شۋجي شي جينپيڭنىڭ مۇھاجىرلار ىستەرى قىزمەتى جانە بۇقارالىق ۇيىمدار قىزمەتى جونىندەگى ماڭىزدى پايىمداۋلارىن ىشكەرىلەي ۇيرەنىپ، دايەكتىلەندىرىپ، مەملەكەتتىڭ زور ءىسىن كوكەيدە ساقتاپ، مۇھاجىرلار ىستەرىن ويداعىداي ىستەدى، وتانعا قايتقان مۇھاجىرلاردى، مۇھاجىرلاردىڭ تۋىس - تۋعاندارىن جانە شەتەلدەردەگى مۇھاجىر باۋىرلاستاردى ىنتىماقتاستىرىپ، جەتەكتەپ، ولارعا قىزمەت وتەپ، مۇھاجىرلار بىرلەستىگى قۇرىلىسى مەن قىزمەتىندە كورنەكتى ىلگەرىلەۋشىلىككە قول جەتكىزدى، مۇھاجىرلار بىرلەستىگى ۇيىمىندا جاڭا بەينە جارىققا شىقتى. اماليات مۇھاجىرلار بىرلەستىگى ۇيىمىنىڭ پارتيا مەن ۇكىمەتتىڭ وتانعا ورالعان مۇھاجىرلارمەن، مۇھاجىرلاردىڭ تۋىس - تۋعاندارىمەن جانە شەتەلدەردەگى مۇھاجىر باۋىرلاستارمەن بايلانىس جاسايتىن ماڭىزدى كوپىرى جانە دانەكەرى ەكەنىن تولىق دالەلدەدى.
پارتيانىڭ 20 - قۇرىلتايىندا جاپپاي سوتسياليستىك وسىزاماندانعان مەملەكەت قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ۇلى جوباسى جاسالدى. باس شۋجي شي جينپيڭ بىلاي دەپ دارىپتەدى: ”جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ارمانى ەل ءىشى - سىرتىنداعى جۇڭحۋا ۇلاندارىنىڭ بىرگە كۇرەس جۇرگىزۋىن قاجەت ەتەدى“. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا ساپارىندا ءبىز ەڭ كەڭ وتانشىلدىق بىرلىكساپتى بەكەمدەپ جانە دامىتىپ، وتانعا ورالعان مۇھاجىرلاردى، مۇھاجىرلاردىڭ تۋىس - تۋعاندارىن جانە شەتەلدەردەگى مۇھاجىر باۋىرلاستاردى تىعىز ىنتىماقتاستىرىپ، وتانعا ورالعان مۇھاجىرلاردىڭ تۋىس - تۋعاندارىنىڭ جانە شەتەلدەردەگى مۇھاجىر باۋىرلاستاردىڭ ابزالدىعىن ساۋلەلەندىرىپ، بارشا جۇڭحۋا ۇلاندارىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى بىرگە ويلاۋعا، بىرگە ىستەۋگە جۇمىلدىرىپ، جۇڭگو ارمانىن ءبىر نيەتپەن بىرگە جۇزەگە اسىرۋدىڭ قۇدىرەتتى ۇلى كۇشىن ۇيىستىرۋىمىز كەرەك. وتانعا ورالعان بارلىق مۇھاجىرلاردى، مۇھاجىرلاردىڭ تۋىس - تۋعاندارىن جانە شەتەلدەردەگى مۇھاجىر باۋىرلاستاردى پارتيا مەن حالىق ىستەرى جولىندا قاجىماي - تالماي كۇرەس جۇرگىزۋگە ىنتىماقتاستىرۋ، ۇيىستىرۋ − وتانعا ورالعان مۇھاجىرلار بىرلەستىگىنىڭ داڭقتى بورىشى. ”مۇھاجىرلاردىڭ تىلەگىن، كۇش - قۋاتىن ۇيىستىرىپ، جۇڭگو ارمانىن بىرگە جۇزەگە اسىرايىق“ دەگەن جاڭا داۋىردەگى مۇھاجىرلار قىزمەتىنىڭ نەگىزگى تاقىرىبىن مىقتاپ ارقاۋ ەتىپ، مۇھاجىرلار قىزمەتىن كۇشەيتىپ جانە جاقسارتىپ، ەڭ ۇلكەن سەنترلەس شەڭبەردى ويداعىداي سىزساق، ۇلتتىڭ گۇلدەنۋىنە بىرگە كۇش شىعاراتىن قۇدىرەتتى كۇش - قۋاتتى، ءسوز جوق، قالىپتاستىرا الامىز.
”جۇڭگو ارمانى − مەملەكەتتىڭ ارمانى، ۇلتتىڭ ارمانى ءارى ءاربىر جۇڭحۋا ۇلانىنىڭ ارمانى“. بۇگىنگى تاڭدا ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە جاقىنداي تۇستىك، ءتىپتى دە سەنىمدى جانە قابىلەتتى بولدىق، سونىمەن بىرگە، ءتىپتى دە جاپالى، ءتىپتى دە قاجىرلى قۇلشىنىستار جاساۋعا دايىندالۋىمىز كەرەك. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ورتاق تامىردى“ قورعاپ، ”ورتاق رۋحتى“ جالعاستىرىپ، ”ورتاق ارماندى“ جۇزەگە اسىرىپ، ءبىر نيەت، ءبىر تىلەكپەن كوپتىڭ كۇشىن توپتاپ، كوپتىڭ اقىل - پاراساتىن شوعىرلاندىرىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە تىڭ ۇلەس قوسىپ، تىڭ داستان جازايىق.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
