جۇڭگو شينجياڭ − ورتا ازيا مەديالارىنىڭ اۋىس - كۇيىس تالقى ءماجىلىسى ۇرىمجىدە وتكىزىلدى
ناقتى سەلبەستىكتى تەرەڭدەتىپ، جىبەك جولى حيكاياسىن جاقسى بايانداۋ كەرەك
2023.08.30 17:06 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ يانفاڭ 8 - ايدىڭ 28 - كۇنى ۇرىمجىدەن حابارلايدى. 8 - ايدىڭ 27 - كۇنى اۆتونوميالى رايوندىق حالىق ۇكىمەتى اقپارات كەڭسەسى، شينجياڭ ءوندىرىس - قۇرىلىس بيڭتۋانى اقپارات كەڭسەسى، جۇڭگو اقپارات اگەنتتىگى بىرگە ۇيىمداستىرعان جۇڭگو شينجياڭ − ورتا ازيا مەديالارىنىڭ اۋىس - كۇيىس تالقى ءماجىلىسى ۇرىمجىدە وتكىزىلدى، قازاقستان، قىرعىزستان، تاجىكستان جانە وزبەكستان سىندى 4 مەملەكەتتەن كەلگەن 21 نەگىزگى مەديا قۇرىلىمىنىڭ جاۋاپتىلارى جۇڭگونىڭ نەگىزگى مەديالارىنداعى ارىپتەستەرىمەن بىرگە حالىقارالىق تاراتۋ جانە مادەنيەت ارالىق اۋىس - كۇيىس جونىندە تالقى وتكىزدى.
جۇڭگو جاقتىڭ سيلى قوناقتارى تالقى بارىسىندا مىنانى ءبىلدىردى: ”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلعاندىعىنىڭ 10 جىلدىعى ساتىندە، جۇڭگونىڭ شينجياڭى مەن ورتا ازيا ەلدەرىنىڭ اۋىس - كۇيىس سەلبەستىگىنىڭ بولاشاعى كەڭ، بولاشاعىنان ءۇمىت زور. جۇڭگونىڭ باتىسقا ەسىك اشۋداعى ەڭ الدىڭعى شەبى بولعان شينجياڭ كۇشتى شوعىرلاندىرىپ، ”8 ءىرى كاسىپ سالاسى شوعىرىن“ تۇلعالاپ، ءىش پەن سىرت بىرلەسىپ ارەكەتتەنەتىن، شىعىس پەن باتىس قوس باعىتتا ءوزارا كومەكتەسەتىن جوعارى دەڭگەيدەگى ەسىك اشۋ جاعدايىن كۇش سالا قالىپتاستىرىپ، ەسىك اشۋدى تەرەڭدەتۋ بارىسىندا بىرگە دامۋدى جەبەيدى. ءبىز وسى رەتكى تالقى ءماجىلىسىن وراي ەتىپ، ورتا ازيا ەلدەرىنىڭ مەديالارىمەن ناقتى سەلبەستىكتى تەرەڭدەتىپ، جىبەك جولى حيكاياسىن بىرگە جاقسى بايانداپ، اناعۇرلىم بەرىك جۇڭگو − ورتا ازيا تاعدىرلاس ورتاق تۇلعاسىن قۇرۋعا قول ۇستاسا مەديالاردىڭ اقىل - پاراساتى مەن كۇش - قۋاتىن ارناۋدى قالايمىز.
قازاق حالىقارالىق اگەنتتىگىنىڭ ورىنباسار باس رەداكتورى قانات توقابايەۆ مىنانى ءبىلدىردى: ءبىز جۇڭگونىڭ شينحۋا اگەنتتىگىن، جۇڭگو اقپارات اگەنتتىگىن قامتىعان الەمدەگى 50 نەشە مەديامەن سەلبەستىك قارىم - قاتىناس ورناتتىق. قازاقستان مەن جۇڭگونىڭ مەديالارى اراسىنداعى سەلبەستىك ەجەلدەن دوس ەكى ەل قارىم - قاتىناسىنىڭ اناعۇرلىم جاقسى، اناعۇرلىم تەرەڭ دامۋىن بارىنشا جەبەپ، ءوزارا ءتۇسىنىسۋدى ارتتىرادى.
قىرعىزستان پارلامەنتىنىڭ مۇشەسى، «حۇيمين گازەتىنىڭ» باس ديرەكتورى كارىم حان جىزا لەكسياسىندا بىلاي دەدى: ەكى ەل مەديالارىنىڭ سەلبەستىگى ارقىلى قىرعىزستان وقىرماندارى شينجياڭنىڭ جاراتىلىستىق كورىنىسىن، قاراپايىم بۇقارانىڭ تۇرمىسى سياقتى ناقتى ينفورماتسيالاردى ۇعىستى، جۇڭگو وقىرماندارى دا قىرعىزستانعا قاتىستى ءتۇرلى ينفورماتسيالارعا يە بولدى، ينفورماتسيانىڭ ءوزارا اۋىس - كۇيىسى ءوزارا سەنىمدىلىكتى ارتتىردى.
قىرعىزستان حابار مەملەكەتتىك اقپارات اگەنتتىگىنىڭ باستىعى مەدەلبەك شەرمەتاليەۆ بىلاي دەدى: بيىل اشىلعان جۇڭگو − ورتا ازيا باسشىلار باس قوسۋىندا جۇڭگو مەن قىرعىزستان كوپتەگەن سەلبەستىك حۇجاتىنا قول قويدى، وسى سەلبەستىك نىساندارىن تياناقتاندىرۋدا مەديالار ماڭىزدى رول اتقاردى. ءبىز جۇڭگونىڭ باسپالارىمەن جانە مەديالارىمەن سەلبەستىكتى ۇزدىكسىز كۇشەيتەمىز.
تاجىكستان مەملەكەت تەلەۆيزياسىنىڭ ءبىرىنشى ورىنباسار باس ديرەكتورى ءامىرحون تاچيوۆ مىنانى ءبىلدىردى: جۇڭگولىق ارىپتەستەرمەن بىرگە ءونىمدى سەلبەستىكتى ىشكەرىلەي ورىستەتىپ، بىرلەسكەن نىسانداردى اتقارىپ، تەلەۆيزور، راديو باعدارلامالارىن ءوزارا اۋدارىپ، ءوزارا تاراتۋدى بەلسەنە ورىستەتىپ، جۇڭگو مەن ورتا ازيانىڭ تاتۋ كورشىلىك، دوستىق قارىم - قاتىناسىن بىرگە بايانداۋدى قالايمىز.
وزبەكستان «حالىق اۋەنى گازەتىنىڭ» باس رەداكتورى رۋسلان كەنجايەۆ بىلاي دەپ تانىستىردى: وتكەن بىرنەشە جىلدا ەل ىشىندەگى مەديالار جۇڭگوعا اناعۇرلىم كوپ نازار اۋدارا باستادى. جۇڭگونىڭ شينجياڭى مەن ورتا ازيا ەلدەرىنىڭ مەديالارى اراسىندا اناعۇرلىم تىعىز سەلبەستىك قارىم - قاتىناس ورناتۋ ورتا ازيا ەلدەرىنىڭ شينجياڭ جونىندەگى تۇسىنىگىن تەرەڭدەتۋگە پايدالى.
اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋاڭ جيانشين، اۆتونوميالى رايوندىق ساياسي كەڭەستىڭ ورىنباسار ءتوراعاسى، بيڭتۋان پارتكومىنىڭ ورىنباسار شۋجيى ليۋ جيانميڭ ماجىلىسكە قاتىناستى ءارى ارناۋ ءسوز سويلەدى، ورتا ازياداعى 4 ەلدىڭ نەگىزگى مەديالارىنىڭ جاۋاپتىلارى ارقاۋ ءسوز سويلەدى.
وسى رەتكى تالقى ءماجىلىسى ورتا ازيا مەديالارى جوعارى جىكتەگىلەرىنىڭ شينجياڭ ساپارى قيمىلىنىڭ ماڭىزدى مازمۇنى، قيمىل كەزىندە ورتا ازيا مەديا قىزمەتكەرلەرى ءۇرىمجى قالاسى، سانجى حۇيزۋ اۆتونوميالى وبلىسى، تۇرپان قالاسى سياقتى جەرلەردە ەكسكۋرسيادا، ساپاردا بولىپ، شينجياڭنىڭ ناقتى جاعدايىن ۇستىندە ۇعىستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
