سۇي ماۋحۋ پارتيادان، ۇكىمەت قىزمەتىنەن ايدالدى
2023.08.31 16:27 كەلۋ قاينارى : حالىق تورابى
ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورتالىق كوميتەت بىرلىكساپ ءبولىمنىڭ بۇرىنعى ورىنباسار باستىعى، مەملەكەتتىك ٴدىن ىستەرى مەكەمەسىنىڭ بۇرىنعى باستىعى سۇي ماۋحۋدىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.
تەكسەرۋ ارقىلى مىنانى انىقتادى: سۇي ماۋحۋ مۇرات ـ سەنىمنەن ايرىلىپ، اۋەلگى ماقساتتان، بورىشتان بەزىپ، ساياسي تانىمى كەمشىل بولىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل تياناقتاندىرماي، ەگىستىك جەردى بەلگىلەمەگە قايشى يەمدەنىپ، قۇرىلىس جۇرگىزىپ، پارتيانى جاپپاي قاتاڭ باسقارۋدىڭ نەگىزگى تۇلعالىق جاۋاپكەرشىلىگىن اتقارۋى پارمەندى بولماي، ۇيىمنىڭ تەكسەرۋىنە بارىن سالىپ قارسى تۇرعان؛ ورتالىقتىڭ سەگىز تارماقتى بەلگىلەمەسىنىڭ رۋحىنا قاسارىسا قايشىلىق جاساپ، ءسان - سالتاناتقا ، راحاتقا بەرىلىپ، ۇكىمەت قىزمەتىن ءادىل اتقارۋعا ىقپال جەتكىزۋى مۇمكىن بولعان قوناعاسى، ساياحات سياقتى قيمىل ورنالاستىرۋلارىن ۇزاق ۋاقىت قابىلداپ كەلگەن؛ جەكە باسىنا قاتىستى ىستەردى بەلگىلەمە بويىنشا مالىمدەمەي، ۇيىم اڭگىمەلەسكەن كەزدە ماسەلەنى قاز - قالپىندا تۇسىندىرمەگەن، كادرلاردى بەلگىلەمەگە قايشى تاڭداپ مىندەتكە تاعايىنداعان؛ بەلگىلەمەگە قايشى كەلىپ ساۋعا، اقشا العان، تۋىس - تۋعاندارى جانە باسقا دا ەرەكشە بايلانىستاعى ادامداردىڭ مىندەتىندەگى ىقپالىنان پايدالانىپ كاسىپتە سەلبەسىپ پايدانى كوزدەۋىنە ەرىك بەرگەن جانە ىشتەي جول قويعان، ۇقىق – ٴناپسى، اقشا – ٴناپسى ايىرباسىمەن بارىنشا شۇعىلدانعان؛ بەلگىلەمەگە قايشى فورمامەن ءادىليا قيمىلدارىنا كەدەرگىلىك جاساعان جانە كيلىككەن؛ ءتارتىپ پەن زاڭنىڭ سوڭعى شەگىنەن جۇرداي بولىپ، قىزمەت قولايلىلىعىنان پايدالانىپ باسقالارعا قۇرىلىستى كوتەرەگە الۋ، كادرلاردى مىندەتكە تاعايىنداۋ سياقتى جاقتاردا پايدا جەتكىزىپ ءارى زاڭسىز تۇردە قىرۋار مال – مۇلىك العان.
سۇي ماۋحۋ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، قىزمەت تارتىبىنە جانە تۇرمىس تارتىبىنە اۋىر قايشىلىق جاساپ، قىزمەت مىندەتى بويىنشا زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 ـ قۇرىلتايىنان كەيىن تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەرىن ءبىر جاقتى ەتۋ زاڭى» قاتارلى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ءماجىلىس اشىپ اقىلداسۋى ءارى ج ك پ ورتالىق كوميتەتىنىڭ بەكىتۋى بويىنشا سۇي ماۋحۋعا پارتيادان شىعارۋ جازاسىن بەرۋدى ۇيعاردى؛ مەملەكەتتىك باقىلاۋ - تەكسەرۋ كوميتەتى وعان قىزمەتتەن ايداۋ جازاسىن بەردى؛ ونىڭ پارتيا 20 - قۇرىلتايىنىڭ ۋاكىلدىك تولىمدىلىعىن كۇشىنەن قالدىردى؛ تارتىپكە، زاڭعا قايشى تابىسىن تاركىلەدى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەردى، وعان ساياتىن مال – مۇلىكتى بىرگە وتكىزىپ بەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
