اۆتونوميالى رايون ۇلتتار ىنتىماعى، العاباسارلىعى بويىنشا وزات ورىن قۇرۋ قىزمەت تاجىريبەلەرى اۋىس - كۇيىس ءماجىلىسىن اشتى
وزات ورىن قۇرۋ قىزمەتىنىڭ دارەجەسى جوعارىلاتىلعان نۇسقاسىن كۇش سالا سومداۋ كەرەك
2023.08.30 17:06 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر 8 - ايدىڭ 28 - كۇنى شاۋەشەكتەن حابارلايدى. 8 - ايدىڭ 28 - كۇنى اۆتونوميالى رايوننىڭ ۇلتتار ىنتىماعى، العاباسارلىعى بويىنشا وزات ورىن قۇرۋ قىزمەت تاجىريبەلەرى اۋىس - كۇيىس ءماجىلىسى شاۋەشەك قالاسىندا اشىلدى. اۆتونوميالى رايوندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى ەلزات احمەتجان ماجىلىسكە قاتىناستى ءارى ءسوز سويلەدى.
سوڭعى جىلدارى شينجياڭنىڭ جەر - جەرى ۇلتتار ىنتىماعى، العاباسارلىعى بويىنشا ۇلگى كورسەتىپ وزات ورىن قۇرۋدى جۇڭحۋا ۇلتى ورتاق تۇلعا تانىمىن بەرىك ورناتۋدىڭ ماڭىزدى تۇتقاسى جانە امالياتتىق دانەكەرى ەتۋدەن جازباي، ءبىرسىپىرا زاڭ - ەرەجە، ساياساتتىق حۇجاتتار جاسادى. قازىر مەملەكەتتىك ۇلتتار ىنتىماعى، العاباسارلىعى بويىنشا ۇلگى كورسەتۋ رايونىنان، ۇلگى كورسەتۋ مەكەمە - ورنىنان 90ى، تاربيە بازاسىنان 14ى، اۆتونوميالى رايوندىق ۇلتتار ىنتىماعى، العاباسارلىعى بويىنشا ۇلگى كورسەتۋ رايونىنان، ۇلگى كورسەتۋ مەكەمە - ورنىنان 650ى قۇرىلدى.
ءماجىلىس مىنالاردى باسا دارىپتەدى: باس شۋجي شي جينپيڭنىڭ ۇلتتار ىنتىماعى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، تەرەڭدەي ءتۇسىنىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلتتار ىنتىماعى، العاباسارلىعى بويىنشا وزات ورىن قۇرۋ قىزمەتىن ۇزدىكسىز تەرەڭدەتىپ، جاڭا داۋىردەگى شينجياڭنىڭ وزات ورىن قۇرۋ قىزمەتىنىڭ دارەجەسى جوعارىلاتىلعان نۇسقاسىن كۇش سالا سومداپ، شينجياڭنىڭ ۇلت قىزمەتىنىڭ جوعارى ساپالى دامۋىن ىلگەرىلەتۋ كەرەك.
ءماجىلىس مىنالاردى تالاپ ەتتى: ”ەكىنى تۇراقتاندىرۋدى“ قورعاۋدىڭ، ”ەكىنى قورعاۋدى“ امالياتتا ايگىلەۋدىڭ ساياسي بيىگىنەن وزات ورىن قۇرۋ قىزمەتىنىڭ دارەجەسى جوعارىلاتىلعان نۇسقاسىنىڭ جۇڭحۋا ۇلتى ورتاق تۇلعا تانىمىن بەرىك ورناتۋداعى، شينجياڭ قىزمەتى باس نىساناسىن جۇزەگە اسىرۋداعى ماڭىزدى ءمانىن جەتە ءتۇسىنىپ، وزات ورىن قۇرۋ يدەيالىق تانىمىنىڭ دارەجەسىن جوعارىلاتۋدى ىلگەرىلەتۋ كەرەك. جوبالاۋعا، جەتەكشىلىك ەتۋگە تاباندى بولىپ، جاڭالىق اشۋ دانەكەرىن مولايتىپ، ۇيىمداستىرىپ اتقارۋدى كۇشەيتىپ، وزات ورىن قۇرۋدىڭ مازمۇن، كولەم، ءتاسىل، ءادىس، قامتاماسىزدىق جۇيەسىنىڭ دارەجەسىن جوعارىلاتۋدى ىلگەرىلەتۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋدى وزات ورىن قۇرۋ قىزمەتىنىڭ تۇتاس بارىسىنا، بارلىق جاعىنا ءسىڭىرىپ، ۇلتتار ىنتىماعى، العاباسارلىعى بويىنشا وزات ورىن قۇرۋ قىزمەتىن جاپپاي ورىستەتۋ، ساپاسىن جوعارىلاتىپ، كولەمىن كەڭەيتۋدى ىلگەرىلەتىپ، تۇتاس قوعام بىرگە قۇراتىن، بىرگە ورناتاتىن قىزمەت ارناسىن قالىپتاستىرىپ، ۇلتتار ىنتىماعى، العاباسارلىعى نەگىزگى اۋەنىن اسقاقتاتۋ كەرەك.
ماجىلىستە تارباعاتاي ايماعىنداعى، تۇرپان قالاسىنداعى، بايىنعولين موڭعۇل اۆتونوميالى وبلىسىنداعى جاۋاپتى جولداستار پىكىر اۋىستىرىپ، ءسوز سويلەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
