مەرزىمى ءۇش اي! بۇكىل شينجياڭ كولەمىندە 50 ميلليون يۋان قوسىمشا قاراجات تاراتىلادى
2023.09.04 16:36 كەلۋ قاينارى : حالىق تورابى
9 - ايدىڭ 1 - كۇنى، ”شينجياڭدا تيىمدىلىك جاساۋ . شاد - شادىمان تۇرمىس“ اتتى كۇز مەزگىلىندەگى زات ساتىپ الۋ ماۋسىمى قيمىلى شىمىلدىعىن اشتى. 3 اي مەرزىم ىشىندە، شينجياڭ بويىنشا جيىنى 50 ميلليون يۋاننان استام قوسىمشا قاراجات تاراتىلادى، تۇتىنۋ بەلەتىن تاراتۋ، بەلگىلى باعاعا تولعاندا باعاسىن ارزانداتىپ، تيىمدىلىك جاساۋ قاتارلى فورمالار بويىنشا، تۇتىنۋشىلارعا شىنايى تيىمدىلىك جاساپ، تۇتىنۋدىڭ جيىلىگىن ارتتىرادى.
بۇل رەتكى قيمىلدى اۆتونوميالى رايوندىق ساۋدا ىستەرى مەڭگەرمەسى ۇيىمداستىرعان، جۇڭگو تەلەكوم شەكتى جارنا سەرىكتەستىگى شينجياڭ بولىمشە سەرىكتەستىگى جانە تيان - ي ەلەكتروندى ساۋدا شەكتى سەرىكتەستىگى وتكىزەدى، يجىفۋ APP دەتالى ارقىلى بۇكىل شينجياڭ كولەمىندە تيىمدىلىك قوسىمشا قاراجاتىن تاراتادى.
شينجياڭ تەلەكوم سەرىكتەستىگى، شينجياڭ يدۇڭ سەرىكتەستىگى جانە شينجياڭ ليانتۇڭ سەرىكتەستىگى قاتارلىلاردىڭ قولدانۋشىلارى يجىفۋ تەكشەسىنە شىن اتى بويىنشا تىركەلۋ ارقىلى بۇل قيمىلعا قاتىناسا الادى، قولدانۋشىلار زەردەلى قولفون ارقىلى يجىفۋ APP دەتالىنا تىركەلىپ، باستى بەتىنىڭ جوعارى جاعىنداعى ”شينجياڭ“ دەگەن جەردەن ”شينجياڭدا تيىمدىلىك جاساۋ . شاد - شادىمان تۇرمىس“ كۇز مەزگىلىندەگى زات ساتىپ الۋ ماۋسىمى قيمىلى دەگەن بەتكە كىرۋ ارقىلى تيىمدىلىك قوسىمشا قاراجاتىنا يە بولا الادى، قيمىلدىڭ قوسىمشا قاراجات جالپى سوماسى 50 ميلليون يۋان، زات ساتىپ الۋ، اس - سۋ جانە ءجۇرىس - تۇرىس سىندى ءۇش ءتۇرلى تۇتىنۋ سالاسىن قامتيدى، شينجياڭ يوۋحاۋ (توبى) شەكتى جارنا سەرىكتەستىگى، شينجياڭ حۇيجيا شىداي ءتۇرلى بۇيىمدار شەكتى جارنا سەرىكتەستىگى، شينجياڭ مەيرى توبى شەكتى سەرىكتەستىگى قاتارلى جۇزدەن استام ءىرى تيپتىك ساۋدا دۇكەنى مەن ون مىڭنان استام شاعىن، ۇساق تيپتەگى ساۋدا دۇكەندەرىن قامتيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
